Нэгэн мэдээг бэлтгэн хүргэж байна.Нэгэн иргэн сошиал хуудсандаа ийнхүү бичжээ:

Хүү маань одоо долоон настай, эхнэр минь жилийн өмнө хөхний хорт хавдараас болоод өөд болсон юм. Өнөөдөр эхнэрийн минь төрсөн өдөр юм л даа, ах нь сүүлчийн төрсөн өдрөөр нь эмнэлэгт цэцэг бариад очиход эхнэр минь эмнэлэгийн орон дээр сүүлчийн хүчээ шавхаад инээмсэглэж байсан юм. Би чинь эхнэрээ баярлуулахаасаа гомдоох нь их байж дээ гэж одоо боддог. Хоёр талаасаа хувцас хунараа аваад л түрээсийн байрнаас амьдралаа эхлүүлж байлаа.

Эхнэр минь бүхий л үед дэмжиж, намайг ойлгож хайрладаг байсан. Хүн чинь сайн хүнийг их гомдоож давардаг юм билээ.
Анх хүсч гуйж авч суусан байтал олигтой баярлуулж байснаа ч ах нь сайн санахгүй байна. Эмнэлэгт хэвтэж байхад нь л цаг зав гаргасан даа. Эхнэр минь хамт ажилладаг байж байгаад хүүхдээ төрүүлснээс хойш сургуульд ортол нь өөрөө харж өсгөсөн. Гэрт сууж байх үед нь найз нөхөд нь ч цөөрч, намайг л харуулддаг ажилтай болсон байсан. Тэр нь

бол тухайн үедээ надад бол сайхан л байлаа. Ажилаа хийж мөнгө олж, нэг л том баатар шиг пээдгэр байсандаа ах нь маш их харамсдаг. Аяга халуун цай хийгээд өгөх хүнгүй болохоороо хүн чинь хэн ч биш болдог юм билээ.
Цаг хугацааг ухрааж болдог бол дуудлага бүрийг нь алдалгүй авч, хүлээсэн өдөр бүрт нь яараад түүн рүүгээ яаран очихсон. Анх эхнэр минь намайг нэг их тоодоггүй, гэхдээ бас тийм ч муухай харьцдаггүй л энгийн л найз нөхдийн харилцаатай л байсан юм. Би чинь тоохгүй байх тусам араас нь гүйж, утсыг нь улайстал залгаж, гэрийнх нь гадаа хүлээж суудаг л байсан. Харин намайг гэдэг болж, хүүхдээ төрүүлж гэрт сууснаас нь хойш анхных шигээ хандаагүй.

Үргэлж завгүй, ажилтай гэдгээр шалтаглаж түүнийгээ их гомдоосон доо. Би эхнэрээ хуурч, хэрээс хэтэрч байгаагүй ээ. Түүндээ одоо ч гэсэн маш их хайртай. Өөр хэн ч түүний минь хайр халамжийг надад мэдрүүлж чадахгүй гэж боддог. Гэхдээ амьд сэрүүн, дэргэд байхад нь дэндүү их гомдоосноо сүүлд ойлгосон.

Ажил ихтэй оройтох үе их, найз нөхдийн төрсөн өдөр, баяр цэнгээн гээд л шөнө халамцуу хаалгаа татаад орох үе өчнөөн байсан. Тэр болгонд эхнэр араас хардаж залгадаг байсан. Өөрт нь гаргадаггүй цаг заваа өөр бусад зүйлд зориулахад гомдох нь аргагүй байсан биз. Анх дурлаж байсан хөөрхөн гялалзсан нүднийх нь цогийг их л унтрааж уйлуулсан даа ах нь. Үүндээ маш их харамсдаг. Эмэгтэй хүн чинь их зөн зовинтой гэж үнэн.

Үнэхээр ажилтай оройтох үед инээгээд угтдаг мөртлөө жаахан худлаа ярьж, зугаа цэнгэл хөөх үед залгаад л байдаг. Яг хаа нэгтээгээс хараад байгаа юм шиг. Тийм л их мэдэрч хайрладаг байсан байх гэж ах нь одоо боддог. Өөрийнхөө бурууг хүлээхгүй эхнэртээ уурлаж ч үе байдаг байсан. Маш их харамсдаг.

Одоо бодоход утсан дээрээ, фэйсбүүк дээрээ цуглуулсан авахыг хүссэн зүйлсээс нь нэгийг ч болов авч өгч би чадаагүй юм билээ. Ажилаа тараад ирэх болгонд хүүхдээ ярьж, бас хааяа нэг фэйсбүүк энэ тэрээс харсан будаг шунх, хувцас хунар харуулна. Тэр болгоныг нь хараад “чи минь угаасаа хөөрхөн юм чинь энүүгээр яах юм бэ” гэдэг байсан ч яг үнэндээ надад зүгээр л авч өгөх сэтгэл дутсан байсан биз. Хааяа цалин буухад хүүдээ авсан ундаа чихэр хувцас зэргийг хараад л өөртөө авсан юм шиг баярлана. Эмнэлэгт хэвтэхэд эм тариа гээд л их юм авахад “үнэтэй байсан уу” гээд надад санаа зовсон аятай асуудаг байсан. Ихэмсэг бардам явсан эмэгтэйг өөртөө юу ч зориулах бодолгүй болтол нь би зовоосон юм шиг санагдаж өөрийгөө дэмий зүхдэг.

Цэцэглэж явахад нь эхнэрээ болгочихоод гэрт хорихоос өөрийг би хийгээгүйдээ гэмшдэг. Эрчүүддээ захиж хэлэхэд эмэгтэй хүн чинь агуу ихээр хайрладаг. Чамайг гэсэн эмэгтэйн хайр маш агуу байдаг. Бүсгүйгээ өвтгөж зовоож, нүднийх нь цогийг унтрааж биш улам хайрлаж асааж, хамтдаа цагийг өнгөрүүлдэг байгаарай. Би ажилтай хүн, би найз нөхөдтэй хүн гэж эхнэр рүүгээ уурлахын оронд би эхнэртэй хүн шүү гээд гэр рүүгээ яардаг байгаарай.

Эхнэрээ алдсан хойноо ах шигээ харамсаж битгий суугаарай. Үүнийг уншиж байвал анх гуйж авч гэргийгээ болгосон түүндээ сайхан үг хэлж, баярлуулаарай. Өдөр бүрийг эхнэрийнхээ төлөө өнгөрүүлээрэй. Өөөрийн бүсгүйнхээ харцаар өөрийгөө хэр эр хүн бэ гэдгээ хэмждэг байгаарай. Олсон мөнгө, цугласан найз нөхөд эхнэрийг чинь хэзээ ч гүйцдэггүй юм шүү. Эхнэрээ алдсан ахын захиас хэмээн бичсэн нь олон хүнд хүрээд байна.

Нэгэн мэдээг хүргэж байна.Сүүлийн үед Дуучин Эрдэнэчимэг,Жавхлан нарын талаар олон олон мэдээллүүд хаа сайгүй нийтлэгдэх болсон тэгвэл энэхүү бүх мэдээлэл нь бүгд худал гүтгэсэн мэдээллүүд байжээ.Энэ талаар Эрдэнэчимэг өөрийн сошиал хуудсандаа ийнхүү бичжээ:

БАЯНЗҮРХ ДҮҮРГИЙН ЦАГДААГИЙН 2-р ХЭЛТЭСТ 2022-06-24нд
Г.Эрдэнэчимэг миний бие нэр бүхий сайт, пэйж хуудас, хувь хүмүүсийг Эрүүгийн хуулийн 13-р зүйлийн 14т заасан гэмт хэргийг үйлдэж нэр хүндэд халдан илт худал мэдээлэлийг ярилцлага өгсөн мэтээр

олон нийтэд тараан, хандалт авах хэрэгслэлээ болгон хувь хүний үзэл бодлыг өөрийн дураар зохион гүтгэн удаа дараа доромжилж байгаад гомдолтой байгаа тул өргөдөл гаргаж өглөө!
Хамгийн сүүлд 2020оны 1 сард C1 тв “Алганы хээ” нэвтрүүлэгт ярилцлага өгсөн байдаг хэмээн бичсэн байна.

Хувь хүний талаар худлаа мэдээлэл бичдэг хүмүүс анхаарна биз ээ!

Нэгэн сонирхолтой мэдээг хүргэж байна.Үргүйдэл нь нийгмийн эмзэг асуудал болоод удаж байгаа. “Тээгч эх болно” гэсэн зар хаа сайгүй хөврөх аж. Энгэртээ хүн тэвэрч, үр удмаа үлдээх гэсэн хосууд тээгч эх хөлсөлж, биологийн эцэг, эх болохоор байдгаа шавхаж, бүх зүйлээ дэнчин тавин, үр хүүхэдтэй болохоор зүтгэсэн тохиолдол өнгөрсөн арван жилийн хугацаанд олон бий. Энэ хэрээр тээгч эх болох сонирхолтой эмэгтэйчүүдийн тоо эрс өсжээ. Бид энэ удаагийн “Нууц дуран” буландаа хэд хэдэн тээгч эх болох сонирхолтой эмэгтэйчүүдтэй холбогдож, дурандсанаа хүргэх гэж байна. Тэд фэйсбүүк группт зар байрлуулж, зөвхөн чатаар залгаж, мессеж бичихийг хүсдэг аж.

25 настай тээгч эх: Төлбөрөө хувааж авна

-Сайн байна уу, зарын дагуу холбогдож байна.

-Аа, за. Та асуудлаа хэлээд, өөрийнхөө асуудлыг ярьж болно. Би туслахад бэлэн байна.

-Та хамгийн сүүлд хэзээ шинжилгээ өгсөн бэ. Өмнө нь төрж байсан уу?

-Би 25 настай. Манай хүүхэд таван нас хүрч байгаа. Төрөх үедээ л нарийн шинжилгээ өгч байсан. Түүнээс хойш цусны дэлгэрэнгүй шинжилгээ өгч байгаагүй. Гэхдээ суурь өвчингүй учраас эрүүл байх гэж бодож байна. Хэрэв тохиролцоонд хүрч чадах юм бол шаардлагатай бүх зүйлийг хугацаа алдахгүйгээр хийж, тусална.

-Тээгч эх болох тухайгаа ар гэрийнхэнтэйгээ ярилцсан уу?

-Манай нөхөр уурхайд ажилладаг юм. Бид залуу байгаа учраас хоёр дахь хүүхдээ төрүүлэх болоогүй байгаа. Жилийн өмнө нөхөртэйгөө ярилцаад тээгч эх болохоор шийдсэн. Хүнд хүн бэлэглэнэ гэдэг чинь буянтай ажил шүү дээ. Аав, ээж гэрийнхэнтэйгээ ярилцаад зөвшөөрсөн байгаа. Хүндрэлгүй төрдөг учраас та итгэж болно.

-Төлбөр нь хэд байдаг вэ?

-Таныг найдвартай хүн гэж бодоод 20-25 сая төгрөгөөр тээгч эх болж өгнө. Гадуур 30 сая төгрөгөөс эхэлдэг юм байна лээ шүү. Би албан зуучлал гэхгүйгээр тантай шууд холбогдсон болохоор бага үнэ хэллээ. Эмнэлгээр зуучлуулсан бол бараг тал мөнгийг нь авчихдаг гэсэн.

-Төлбөрөө яаж авах вэ?

-Эхний удаа урьдчилгаа төлбөр болох таван сая төгрөгийг бэлнээр авна. Гэхдээ мэдээж эсээ амжилттай суулгасны дараа. Харин хүүхдээ тээх хугацаандаа сардаа хуваагаад 10 сая төгрөгөө авна. Хүүхдээ төрүүлснийхээ дараа үлдэгдэл 10 сая төгрөгийг нь авна.

-Хаана уулзах боломжтой вэ. Биднээс өөр юу шаардлагатай бол?

-Хүүхдээ тээх хугацаанд эмнэлгийн үзлэг, үзүүлэх өдөр, хяналтын төлбөр, шаардлагатай зүйлийг танай талаас хариуцна. Миний үүрэг зөвхөн эрүүл хүүхэд л төрүүлэх шүү. Жирэмсэн байх хугацааны витамин, эм, тариаг та хариуцна гэсэн үг. Та энэ бүх асуудлыг шийдэж чадах бол Яармагт хүрээд ирж болно.

-Уучлаарай, таны боловсрол ямар вэ. Удам судрыг нь асууж болох уу?

-Манай ээж сэхээтэн. Харин аав маань бүрэн дунд боловсролтой. Би ХААИС-ын гуравдугаар дамжаанд сурах ёстой. Дараа жилээс сургуульдаа сурна гэсэн бодолтой байна. Дэлгэрэнгүй мэдээллийг уулзаж байгаад өгөх нь тохиромжтой. Маш олон хүн холбогдож байгаа учраас эхэлж уулзсан хүнтэйгээ л тохиролцоонд хүрнэ шүү” гэв.

34 настай тээгч эх: Гурван хүүхэдтэй, нөхөргүй, суурь өвчингүй

-Тээгч эх болно гэсэн үү. Ямар үнэтэй байдаг юм бол?

-25 сая төгрөг гэж байгаа. Хүүхэд тээх, хяналтад орох, үр суулгах хугацаа бараг жил гаруй хугацаанд үргэлжилнэ. Энэ хугацааны байрны түрээсийн төлбөр, сарын хэрэглээний мөнгө үндсэн төлбөрөөс гадна бодогдоно шүү. Сард 1-2 удаа уулзаж, эмчдээ үзүүлж эрүүл тээж байгаа гэдгээ харуулаад явна.

-Жилийн хугацаанд бидэнтэй хамт байж чадахгүй гэсэн үг үү?

-Та нартай хамт байна гэсэн ойлголт байхгүй. Би тээгч эх болохоор шийдэж, олон зүйлийг судалсан. Хамт байна гэсэн заалт, тохиролцоо байдаггүй юм билээ.

-Та өмнө тээгч эх болж байсан юм уу?

-Үгүй. Би гурван хүүхэдтэй. 34 настай эмэгтэй байгаа юм. Нөхөр маань байхгүй болчихсон учир би энэ шийдвэрийг ганцаараа гаргасан. Гурван хүүхэдтэй учраас хамгийн гол нь дулаан байр хэрэгтэй. Хүнд хүн өгөх шиг буян байдаггүй болохоор ядарч, бэтгэрч яваа хүмүүст буян болж, энгэрийг нь дэвтээх үр төрүүлээд өгвөл хэрэг шүү дээ. Буян болно.

-Хүүхэд тээх хугацааны эрсдэл зэргийг хэн хариуцах вэ?

-Төлбөрөө хоёр хувааж авна. Эхний төлбөрийг эс суулгасны дараа авах бол үлдэгдлийг хүүхдээ төрүүлсний дараа авна. Хэрэв жирэмсэн байх хугацаанд эрсдэл гарах юм бол хоёр тал хоёулаа хариуцна даа. Миний хувьд үлдэгдэл мөнгөө авахгүй гэсэн үг. Та хэд харин хамгийн сайн эмнэлгийг сонгож, хамт хяналтад явж байх хэрэгтэй. Өмнө нь гурван удаа төрж байсан учраас эрсдэл гарахгүй байх. Би өөрөөрөө маш хурдан төрчихдөг юм. Төрөхийн хүндрэл гарч байгаагүй.

-Та хамгийн сүүлд хэзээ шинжилгээ өгсөн бэ?

-Өнгөрсөн дөрөвдүгээр сард ковидын вакцин хийлгэсэн. Энэ үедээ нарийн шинжилгээнд хамрагдсан. Эрүүл, элдэв суурь өвчингүй гэж гарсан. Миний биед санаа зовох зүйлгүй” гэлээ.

-Муу зуршилгүй юу?

-Тамхи татдаг. Гэхдээ бараг больж байгаа. Заримдаа л татдаг болсон. Согтууруулах ундааны зүйл хэрэглэдэггүй.

23 настай тээгч эх: Өмнө нь хүүхэд төрүүлж байгаагүй

-“Тээгч эх болно” гэсэн зарын дагуу холбогдож байна. Өмнө нь төрж байсан уу?

-Үгүй. 23 настай, оюутан байгаа юм. Би одоохондоо найз залуугүй, өөрийнхөө хүүхдийг төрүүлэх болоогүй учраас ийм шийдвэр гаргасан. Тээгч эх байх хугацаанд таны хүссэн зүйлийг хийж өгч болно. Хүсвэл танай гэрт амьдарсан ч болно шүү.

-Гэрийнхэнтэйгээ ярилцаж, зөвшөөрөл авсан уу?

-Тийм ээ, манай эгч зөвшөөрсөн байгаа. Хэрэв тээгч эх болохоор болчихвол аав, ээждээ хэлнэ.

-Төрж байгаагүй хүн тээгч эх болж болдог юм болов уу?

-Болох байх аа. Ялгаагүй л хүн төрүүлж байна гэсэн үг шүү дээ. Надад суурь өвчин байхгүй. Өмнө өвдөж, эмнэлгээр явж ч үзээгүй. Тийм болохоор санаа зовох хэрэггүй байх гэж бодож байна.

-Төлбөрийн хувьд хэд гэж байгаа юм бол оо. Хувааж авах уу?

-20-23 сая төгрөг гэж байгаа. Төлбөрөө төрөх хугацаандаа хуваахгүй авбал зүгээр байна.

-Зарын дагуу олон холбогдож байна уу?

-Тийм ээ, өмнө нь төрж байгаагүй болохоор эргэлзээд байх шиг байна. Би бодож байгаад эргээд тань руу залгана. Дахиж бодох хэрэг гарчихлаа” хэмээгээд утсаа салгав. Тээгч эх болохоор утасны дугаараа үлдээсэн сэтгэгдэл олон байдаг аж. Тэд ихэвчлэн 23-35 насныхан байгаа аж.

“Тээгч эх” нь хосуудын эр, эм эсийг биедээ суулгаж, “биологийн эх” болох үйлчилгээ юм. Бид дараагийн дугаарт албаны хүнээс тодруулж, тээгч эхийн тухай мэдээллийг хүргэх болно.Та энэ талаар юу гэж бодож байна?

Нэгэн гэгээлэг мэдээг хүргэж байна.”Эрэгтэй хүний авдаг анхны мэдрэмжүүд дундаас хамгийн гоё нь аав болох мэдрэмж. Би маш их айж байсан. Хорин настайдаа хоёр ихэр охинтой болсон. Нэг ч удаа хариуцлагаас бултах бодол төрж байгаагүй. Эцэг болох амархан, аав болох хэцүү. Эр хүн бол маш тэвчээртэй байх ёстой. Амьдралд юу эс тохиолдох билээ. Бид хоёрт анх амьдрах байр байгаагүй. Мөнгө ч байгаагүй, юу ч байгаагүй.

Би өөрөөсөө маш их ичиж байсан. Заримдаа айлын банз хулгайлах үе ч гарч л байсан. Хүүхэддээ хэрэглэсэн памперсийг нь эргүүлээд хэрэглүүлж байхдаа би маш их харамсаж байсан.

Найз охиноо хүүхэдтэй нь хаячихсан залуу харж байвал нэг л юм хэлье. Хүүхдээ гаргаад хоол идээд сууж байгааг нь л хар. Чи тэндээс маш том юм мэдэрнэ дээ.
Өөрөө ээжээс төрсөн бол эргүүлээд эмэгтэй хүнийг хайрлах хэрэгтэй. Хайрлаж байгаа нь гээд ийм хүмүүс байдаг.

Гэрийнхээ мөнгийг би олж байна.Чи юу хийж байгаа юм? гэж… Битгий хуцаж бай гэж хэлмээр байна.
Аав болж чадахгүй юм бол яах гэж айлын охиныг эргүүлээд байгаа юм бэ? Энэ надад их эмзэг тусдаг. Миний эхнэр хамгийн том ажил хийдэг. Хүүхдүүдээ хардаг.

Биеэ хувааж дөрвөн охин төрүүлж өгсөн хүнээс би юу хүсэх билээ. Түүний хажууд миний хийж байгаа ажил өчүүхэн жижиг зүйл. Би түүгээр маш их бахархаж явдаг. Ж.Алтаншагай хэмээн хэлсэн нь олон олон хүний хайрыг татаад буй.

Нэгэн шийдвэрийг хүргэж байна.Улсын арслан Э.Оюунболдоос допингийн төрлийн бодис илэрсэн гэх шалтгаанаар түүний барилдах эрхийг найман жилээр хасах шийдвэрийг МҮБХ-ноос гаргасан. Тэрбээр уг шийдвэртэй холбоотойгоор өнгөрсөн жил спортын арбитрын шүүхэд нэхэмжлэл гаргасан.

Улмаар, Арбитрын шүүх 2022 оны дөрөвдүгээр сарын 28-ны өдөр шийдвэрээр допингийн эсрэг дүрэм, олон улсын конвенцийг дагаж мөрдөх. Бөхийн холбооны дүрмийн 7.3.о-д заасан заалт олон улсын гэрээ, дэлхийн допингийн эсрэг дүрэмтэй нийцээгүй байгааг тогтоосон. Хоёрдугаарт, Э.Оюунболдын барилдах эрхийг найман жилээр хассан гэх хэсгийг хүчингүй болгож, барилдах эрхийг нь сэргээсэн байдаг.

Харин 2022 оны 06 сарын 23-ны өдөр Шүүхийн шийдвэр гарч Э.Оюунболдын барилдах эрхийг сэргээжээ.Харин иргэдийн зүгээс энэхүү шийдвэрт дургү байгаа юм.

Та энэ талаар юу гэж бодож байна?

Нэгэн сонирхолтой мэдээг хүргэж байна.“37-р точка” киноны Тулгатын дүрээр олны танил болсон жүжигчин Р.Отгонбаяр шинэхэн хайртайгаа учирчээ.

Тэрээр өмнө нь мэргэжил нэгт бүсгүй Б.Гэрэлээтэй амьдралаа эхлүүлж хөөрхөн охинтой болсонч төд удалгүй хоёр тийшээ болж амьдарч байгаа юм.

Тэгвэл түүний ихэд нууцалсан шинэхэн хайртаар Alaga&Nyamka хоёртой гэгээлэг бичлэг түгээдэг Номука гэх бүсгүй тодорчээ.Тэд танилцаад нэлээдгүй хугацааг өнгөрүүлжээ.

Тэднийг хүмүүс муугаар хэлэх нь их ч залуухан халуухан хосууд бүхнийг тоохгүй шинээр хамтдаа аз жаргалтай амьдарч байгаа ажээ.Аз жаргал хүсэе!

Хэрэгтэй нэгэн мэдээллийг хүргэж байна.Монгол Улсын иргэд НӨАТ-ын буцаан олголтоор тухайн улиралд худалдан авсан барааны нийт дүнгийн 2%-ийг буцаан авдаг болоод зургаан жил болж байгаа юм.Энэ удаад

2022 оны хоёрдугаар улирлын төлбөрийн баримтаа долдугаар сарын 8-ны 23:59:59 цагаас өмнө системд бүртгүүлэн буцаан олголтын урамшууллаа авахыг Татварын Ерөнхий Газраас мэдээллээ.
2022 оны I улиралд 1,136,755 иргэнд 57.5 тэрбум төгрөгийг буцаан олгосон юм.

Буцаан олголтоо авсан иргэдийн 39.9% нь 20,000 хүртэлх төгрөгийн, 0.3% буюу 3,268 иргэн нэг сая төгрөгөөс дээш дүнтэй урамшуулал авчээ.
НӨАТ-ын буцаалтыг олгох журмаас:

Нэгдүгээр улирлын буцаан олголтыг дөрөвдүгээр сард,
Хоёрдугаар улирлын буцаан олголтыг долдугаар сард,
Гуравдугаар улирлын буцаан олголтыг аравдугаар сард,
Дөрөвдүгээр улирлын буцаан олголтыг дараа оных нь нэгдүгээр сард олгодог журамтай.
Харин

сар болгон НӨАТ-ын сугалааны тохирол явуулдаг байсныг Засгийн газраас зогсоогоод хоёр сар болж байна. Гэхдээ энэ оны 12 дугаар сард сугалааны дараагийн хувилбарыг танилцуулж, явуулахаар төлөвлөөд байгааг Татварын Ерөнхий Газрын дарга Б.Заяабал мэдэгдсэн билээ.Хэрэгтэй мэдээлэл байсан бол цааш нь түгээгээрэй!

Нэгэн сонирхолтой мэдээг хүргэж байна.“Гоё харагдах гээд тураад бсан чинь турахаар зохихгүй бн нтр гээд байх юм. Махлаг байх чинь муухай биддээ” хэмээн сэтгүүлч Өнөрөө tv8 телевизээс зохион байгуулж буй “Anuxai’s Fitness Show” нэвтрүүлэгт орж байгаа юм.

Уг нэвтрүүлэгээр Бодибилдинг,фитнессийн ДАШТ-ий хошой аварга, дасгалжуулагч Анухай зургаан бүсгүйд бие бялдрын өөрчлөлт хийж байгаа юм.

45 хоногийн хугацаанд тэсвэр тэвчээр гарган бие бялдар,сэтгэлзүйн хувьсал хийсэн оролцогч 10’000’000 төгрөгийн эзэн болох аж.

Саяхны нэгэн нэвтрүүлгээр сэтгүүлч Өнөрөө нэвтрүүлэгт орж байгаагаа ухамсарлахгүй долоо хоног идэж уужээ. Энэ талаараа тэрээр “Үнэнээ л хэлье. Уучихдаг. Уухаараа идчихдэг. Уухдаа нэлээн даачихдаг. Хамт уусан хүмүүс муудсан байхад намбайгаад л сууж байдаг. Уухаараа чимээгүй уйлдаг. Бас дуугаа хураачихдаг. Жингээ хасч, галбиржих шоунд ороод үүргээ ухамсарлахгүй долоо хоног ууж идсээн үнэн. Гэхдээ…

Өнөөдрийн дугаар ямар санагдавМанай бусад 5 оролцогч болоод нэвтрүүлгийн багийнхан намайг “өнөөх” гэдэг гэсэн өнөөх алга болчихлоо өнөөх л гээд ккк. Ихэнхи нь нэвтрүүлгийг орхих байх гэсэн бяцхан хүлээлттэй” хэмээн өөрийн цахим хуудснаа нийтлэжээ.Ихэнх хүмүүс Өнөрөөг муулдагч Өнөрөө бол муу хүн биш ажээ…

Нэгэн мэдээг хүргэж байна.Хоёр өрөө байраа зарж сүлжээнд ороод орон гэргүй болжээ.Монгол улсын иргэн О:

Хагас жилийн цалингаасаа хураасан мөнгөөрөө 2+2 урамшуулалт пирамидын сүлжээнд орж 14 хоногийн дотор урамшуулал хүртжээ. Ингээд түүнд сард хоёр удаа ашиг олоод байж болохоор сэдэл төрж эргэн тойрныхоо хүмүүсийг элсүүлсээр 6 сая орчим төгрөгөө өнөөх сүлжээндээ өгч, эргүүлээд 1.1 сая гэх мэтээр бага багаар цалин авч 3 сар болжээ. Гар дээрээ авсан бэлэн мөнгийг нь бодоод үзэхээр тушаасан 6 сая төгрөгтөө огт хүрээгүй байхад өөрийгөө цаашдаа цалин авсаар байх болно гэж итгэж, ах дүүсээ, ажлын газрын хүмүүсээ гэсээр араасаа 20 гаруй хүнийг элсүүлсэн байдаг.

Сүлжээнийх нь хүмүүс О-д дахиад мөнгөө “нуга” хийж болох өөр сүлжээг санал болгосон байна. Ингэхдээ “энэ бол цөөхөн хүмүүст нууц байдлаар олдож байгаа боломж, Монголд 3 сарын дараа орж ирнэ, зөвхөн өөрсдийнхөө хүмүүс түрүүлж боломж олгоод, 300 хувийн ашигтай ажиллана” гэж итгүүлсэн байгаа юм. Энэ удаа О том хөдлөхөөр шийдэж 2 өрөө байраа 85 сая төгрөгөөр худалдан тухайн сүлжээндээ тушаажээ. Гэвч түүнд 300 бүү хэл 30 хувь, бүр 3 хувийн ч ашиг ирсэнгүй. Ингээд хохирогч болсноо мэдсэн байна. Энэ сүлжээний хохирогчийн тоо ар араасаа нэмэгдсээр 1000 хол давж, нийт 557 сая 580 мянган төгрөгийн хохирол гарч ирсэн байна.

Өнөөг хүртэл 2 жилийн туршид хохиролоо барагдуулж чадахгүй хүүхдүүдийнхээрээ, ах дүүсийнхээрээ хоног төөрүүлж явна.Үүнтэй яг адилхан хэрэг хэдхэн хоногийн өмнө цахим орчинд тархасныг та бүхэн зурагтай нь харсан байх. Хөвсгөлд аймагт хагас жил гаруйн хугацаанд 10 мянга гаран хохирогч бүртгэгдээд байгаа “Бэлтэс мөрөн” сүлжээний луйварт орон гэрээрээ дэнчин тавьж ороод, айлын хашаанд майханд амьдарч байгаа иргэний яриа. Энэ бол наад захын асуудал.

Дэлхий дахинаа хүмүүс хохирдог оо хохирч, хэдэн арван тэрбумын өрөнд ордог оо орж, хэдэн зуун мянган хүмүүс өртсөн пирамидын буюу олон шатлалт маркетингийн гэмт хэрэг Монголд цэцэглэж, дэлхийн пирамидын луйврын сүлжээнийхэн Монголыг онилсон хэвээр л байна. Бүр Монголоос ихэнх ашгаа олдог талаар хуулийнхан мэдээлж байна.

Сүлжээний луйвраар хохирсон иргэд мөнгө санхүүгээс гадна сэтгэл санааны асар их хохирол амсаж, бие эрүүл мэнд нь доройтох, залилагчаас илүү амьдын тамд унадаг талаарх гомдол сэтгэгдэл олон бий.
Цагдаагийн байгууллагаас тодруулбал 2021-2022 оны хооронд Пирамидын сүлжээний луйврын 10 томоохон хэрэг цагдаад бүртгэгдэн ажиллагаанд шалгагдаж байгаа бөгөөд, нийт хохирлын хэмжээ 110,8 тэрбум төгрөгт хүрээд байгаа мэдээлэл өгсөн байдаг.

Залилах гэмт хэрэг энэ мэтээр газар авсаар байгаагийн нөгөө талд хууль, эрх зүйн орчноо яаралтай өөрчилж, технологийн дэвшилтэй уялдуулсан зарим асуудлыг тусгах хэрэгтэй болжээ. Жишээ нь шинэчлэн найруулсан “Эрүүгийн тухай” хуулиар 17.3 гэсэн ганцхан зүйл, заалтаар “Залилах” гэмт хэргийг шийдвэрлэж, ял оногдуулдаг. Хамгийн дээд тал нь залилагч нар 10 жилийн хорих ял авч байна. Цаашдаа ч залилагч нарын арга нарийсч, энэ хэрэг өсөн нэмэгдэх хандлагатай байгаа тул нэг талаас иргэд үргэлж нягталж шалгадаг, нэмээд цахим орчинд технологийн мэдлэгтэй байх, нөгөө талаас хууль эрхзүйн орчин илүү сайжрах шаардлага тулгарч байгаа сануулж байгаа хэрэг юм.Энийг хүн бүхэн уншаасай бүх хүн сонор сэрэмжтэй байгаасай! Цааш нь түгээж олон хүнд хүргээрэй!

Нэгэн мэдээг хүргэж байна.Засгийн газар бүтээн байгуулалт хийх зорилгоор иргэдийн өмчилсөн газрыг чөлөөлөхдөө нөхөн олговорын хэмжээг тухайн иргэнтэй гэрээгээр тохиролцдог. Харин тохиролцоонд хүрээгүй бол хэрхэн шийдвэрлэх тухай эрх зүйн зохицуулалт байдаггүй. Тиймээс

энэ асуудлыг хуулиар зохицуулж, төрийн болон оролцогч талуудын эрх үүргийг тодорхой болгох, газар чөлөөлөх үйл ажиллагааг журамлах зорилгоор Нийгмийн зайлшгүй хэрэгцээг үндэслэн газар чөлөөлөх тухай хуулийн төслийг боловсруулж УИХ-д өргөн мэдүүлээд байна. Одоо газар чөлөөлөх харилцааг Засгийн газрын 2017 оны 287 дугаар тогтоолоор баталсан “Газрыг улсын тусгай хэрэгцээнд авах, гаргах, түүний хэмжээ, заагийг тогтоох, ашиглах журам”-аар зохицуулж байна.

Уг журмаар газар өмчлөгч, эзэмшигчтэй урьдчилан тохиролцож, гэрээний үндсэн дээр газрыг солих буюу эргүүлэн авахтай холбогдсон харилцааг зохицуулж байгаа боловч, тохиролцоонд хүрээгүй, гэрээ байгуулагдаагүй тохиолдолд хэрхэн чөлөөлөх зохицуулалт нь тодорхойгүй явсаар өнөөдрийг хүрчээ. Үүнтэй холбоотойгоор нийтийн эрх ашигт нийцсэн төсөл, хөтөлбөр, бүтээн байгуулалтын ажил хийгдэх боломжгүй болох эсвэл хугацаа алдах, өртөг зардал нэмэгдэх тохиолдол түгээмэл гарах болжээ.

Хуулийн нарийн зохицуулалт байхгүй учраас бүтээн байгуулалтын ажлаа хийхийн тулд газар эзэмшигчийн хүссэн дүнгээр нөхөн олговор олгохоос өөр аргагүйд хүрдэг байна. Тухайлбал, иргэд өөр хоорондоо 20-30 сая төгрөгөөр худалдаж, худалдан авсан хашаа, байшингийн газарт нь төрөөс зам барихаар болсон тохиолдолд 200-300 сая төгрөгийн нөхөн олговор шаарддаг байна. Мөн зарим тохиолдолд хуулийн нарийн зохицуулалт байхгүйгээс иргэд хохирох, буруутан болох тохиолдол гардаг ажээ. Тиймээс

газар чөлөөлөх үндэслэлийг тодорхой зааж, гагцхүү хуульд заасан үндэслэлээр иргэд, тэдгээрийн газар, өмчийн эрхийг хязгаарлах, иргэдэд зохих хэмжээний шударга ёсны нөхөн төлбөрийг олгох, төрийн байгууллага болон иргэдийн эрх, үүргийг тодорхой болгох зэрэг гол тулгамдсан асуудлыг хуулийн төсөлд тусгажээ.

Засгийн газраас боловсруулан өргөн барьсан Нийгмийн зайлшгүй хэрэгцээг үндэслэн газар чөлөөлөх тухай хуулийн төслийг УИХ ирэх намрын чуулганаараа хэлэлцэх бололтой. Хуулийн төсөл батлагдсанаар газар чөлөөлөх үндэслэл, шаардлага тодорхой болж аливаа бүтээн байгуулалтын төсөл, хөтөлбөр, үйл ажиллагаа саадгүй хэрэгжих эрх зүйн орчин бүрдэнэ гэж тооцжээ хэмээн бичжээ.Та энэ талаар юу гэж бодож байна?