Цаг үеийн мэдээлэл

13 настай хүүг 12-14 насны 4 сурагч бүлэглэн зодож улмаар хутгалж гэмтээжээ

Цагдаагийн байгууллагад өчигдөр буюу 2022.11.03-ны өдрийн 17 цагийн орчимд “Үл таних хүмүүст зодуулсан хүүхэд байна, ар нуруу хэсгээс нь цус гараад байна” гэх дуудлага мэдээлэл бүртгэгдсэн байна.

Дуудлага, мэдээллийг хүлээн авч цагдаагийн байгууллагаас шалгалтын ажиллагааг шуурхай зохион байгуулахад 13 настай, эрэгтэй “Т” нь бусдад зодуулсан, ар нуруу болон хавирга орчимд зүсэгдсэн шархтай байсан тул гэмт хэрэг үйлдсэн этгээдийг хэн болохыг олж тогтоох чиглэлээр эрэн сурвалжилж улмаар ерөнхий боловсролын сургуулийн 8 дугаар ангийн 12-14 насны 4 сурагч үйлдсэн болохыг тогтоосон байна

Шалгалтын явцад урьдчилсан байдлаар хохирогч “Т”-г “цүнх авлаа” гэх шалтгаанаар 13 настай, эрэгтэй “Д” нь дал болон хавирганы орчимд нь 2 удаа хутгалж биед нь гэмтэл учруулсан байна. Дээрх хэргийг Чингэлтэй дүүрэг дэх цагдаагийн газарт шалгаж байна.

Тиймээс эцэг эх, асран хамгаалагчид та бүхэн хүүхэдтэйгээ илэн далангүй нээлттэй байх, хүүхдийнхээ найзалж нөхөрлөж буй хүүхдүүд болон цахим хэрэглээнд нь анхаарах, дарамт дагуулсан үйлдлийг холбогдох мэргэжлийн байгуулагад хандахыг цагдаагийн байгууллагаас зөвлөж байна.

Эх сурвалж: mass.mn

Leave a Reply

Your email address will not be published. Required fields are marked *

error: Content is protected !!