Дөрвөн настнууд байгалиа цэвэрлэж, хог хаяхгүй байхыг уриалжээ.

Увс аймгийн Улаангом сумын 10-р цэцэрлэгийн хамт олон хоёр дахь жилдээ “Увс нуур” аяллыг зохион байгууллаа. Уг аялалд ахлах бүлгийн 4 настай 22 хүүхэд хамрагдаж, томчуудыг Увс нуурт хог хаяхгүй байх, байгальдаа ээлтэй аялахыг уриалжээ. Мөн шувуудыг шар будаа, махаар хооллож, экологи, танин мэдэхүйн мэдлэг авсан байна.

Мөн аяллын үеэр хамгаалалтын захиргааны мэргэжилтэн, байгаль хамгаалагчид Увс нуурын дархан цаазат газар, Увс нуурын шувууд болон хэрхэн байгальд ээлтэй аялах талаар хүүхдүүдэд зааж сургажээ.