СОНИРХОЛТОЙ МЭДЭЭЛЭЛ

“Зөрүүд эрийг номхотгосон нь” киноны буруу ишилсэн сүх шиг хэсгүүдээс

Хэд ч үзээд уйддаггүй бүтээлүүдийн нэг бол Франко Кастеллонагийн найруулж, алдарт жүжигчин Адриано Челентано, Орнелла Мути нарын гол дүрд нь тоглосон “Зөрүүд эрийг номхотгосон нь” хэмээх Итали кино билээ. Үйл хөдлөл, үг яриаг нь хараад л сэтгэл сэргэж, сэтгэл гижигдэм хөгжилтэй хайр хүргэм хэсгүүдтэй үзэхэд уйдамгүй кино юм.

Ингээд тус киноны буруу ишилсэн сүх шиг зөрүүд эр гэдгийг илтгэх хөгжилтэй харилцан яриануудаас хуваалцая

Үзэсгэлэнт бүсгүй: Та дургүйцэхгүй бол танилцъя. Намайг…

Зөрүүд эр: Тэгээд л зогсчих. Элдэв юмаар толгойгоо гашилгаад яахав.

Зөрүүд эр найздаа хандан: Эхнэр авахаасаа өмнө чи тэнгэрт жиргэх бялзуухайг ч алдалгүй хардаг байсан. Одоо хүйсээ ч олж харахгүй болж…

Үзэсгэлэнт бүсгүй: Та ч гэсэн далдыг хардаг юм биш биз?

Зөрүүд эр: Заримдаа.

Үзэсгэлэнт бүсгүй: Тэгвэл одоо юу болох вэ?

Зөрүүд эр: Чалчихаа болихгүй бол шөл чинь хөрнө.

Үзэсгэлэнт бүсгүй: 40 гэнээ? Чамайг 40-тэй гэхээргүй юм. Оворгүй юм. Би 25-тай

Зөрүүд эр: Чамайг ч бас 25-тай гэхээргүй юм. Би 26-тай байх гэж бодсон.

Үзэсгэлэнт эмэгтэй: Элиа, чи хаачих нь вэ?

Зөрүүд эр: Тонитой уулзая.

Үзэсгэлэнт бүсгүй: Цаадах чинь хатгалгаа авчихсан.

Зөрүүд эр: Би тэрний эрүүл, өвчтэйг асуугаа юу?

Үзэсгэлэнт бүсгүй : Хувцастай, хувцасгүй байх нь падгүй гэсэн үү? Тэгвэл өнөө орой ингээд явъя л даа. Сайхан байна уу?

Зөрүүд эр: Үгүй.

Үзэсгэлэнт бүсгүй: Миний өмнөөс ичиж байна уу?

Зөрүүд эр: Үгүй ээ, өмнөөс чинь даарч байна.

Зөрүүд эр: Би дурлаагүй бүсгүй хүнтэй унтаж чадахгүй.

Үзэсгэлэнт бүсгүй: Тэгвэл чи хэдэн удаа дурлаж байсан юм?

Зөрүүд эр: Хэзээ ч дурлаж байгаагүй.

Цаг үеийн мэдээлэл

МУГЖ И.Одончимэг өнөөдөр Сити Их Сургуулиас Урлаг судлалын МАГИСТР зэрэг цолоо хүртэн авч байна

МУГЖ И.Одончимэг өнөөдөр буюу 2023.01.28-нд Сити Их Сургуулиас Урлаг судлалын МАГИСТР зэрэг цолоо хүртэн авч байна. Хэн бүхний мэдэх Одноо жүжигчиндээ халуун баяр хүргэе.

Түүний хамгийн сүүлд өгөөд байгаа ярилцлага болох urug.mn сайт-н Хөрөг нэвтрүүлэгт өгсөн жүжигчин хүний үнэ цэнийн талаар ярилцсан ярианы хэсгээс хүргэе.

И.Одончимэг: Жүжигчин хүний ажлыг маш амар , хялбар гэж ойлгодог хүмүүс их байна. Харахад их амархан , бэлдчихсэн зүйлс үзүүлээд байгаа мэт харагддаг. Энэ хүрэх хэмжээнд яаж ажилласныг хүмүүс шүүж тунгаадаггүй учраас уран бүтээлч хүмүүсийн ажлыг их амарханаар ойлгож , эд нар жаргаж мөнгө олдог , цэнгэж амьдардаг гэж ойлгодог. Гэтэл үгүйлдээ. Маш хүнд. Хар ажил гэж хэлдэг. Сард хэдэн удаа уйлж байна , сард хэдэн удаа хашгичиж , бачуурч байна. Зүв зүгээр байгаа энэ оюун тархи , мэдрэлээрээ хэдэн удаа тоглож байна , зүгээр байгаа энэ зүрхийг хэдэн удаа савлуулж байна, энэ бол хүнд төрлийн хар ажил.

Маш их зүрх сэтгэл, оюун тархи , амьдралаа золиослон амьдарч байгаа манай уран бүтээлчид хэлэхгүй боловч маш их амьдралын золиосыг үүрч яваа хүмүүс. Би “Ромьёо Жульетта”-д тоглож байхад , гурван цаг гаруй хугацааны жүжиг , маш их стресстэй , хүн харахад уйлдаг, шаналдаг , салдаг, хагацдаг эмгэнэлт жүжгийн оргил дүр шүү дээ. Тэр жүжигт би тоглож байхад үснүүд минь энэд тэнэдгүй халцарч унаж байсан. Тэгэнгүүт би мэдрэлийн эмчид үзүүлэхэд , энэ жүжигт тоглохгүй , хоёр жил завсарла гэж байсан. Тэгэхэд нь , “үгүй ” завсарлаж болохгүй. Театрын маш чухал жүжиг учраас чөлөө авахгүй тоглосоор байгаад , 3 жилийн дотор үс маань гүйцэт ургаж байсан. Тэгэхдээ ингэж зовж , жаргахдаа өөрсдөө дуртай. Үүнийгээ сонгосон учраас хэзээ ч ялархаж байгаагүй. Түүнийгээ хэзээ ч өвчин , зовлон гэж бодож байгаагүй.

Туулсан амьдрал , бүтээсэн уран бүтээлүүдээ бодоход өдий болтол би зүгээр яваад ирээгүй. Энэ хооронд хайртай олон хүнээ алдсан. Манай мэргэжил хагас цэргийн диктатуртай ажилладаг. Ганцхан би биш маш олон жүжигчид ээж , аавыгаа сэхээнд байхад энд байж л байдаг. Үзэгчдийг хүндлэх ёстой. Хамтын хөдөлмөр байдаг учраас хамт олны хөдөлмөрийн хүндэтгэх ёстой гэдэг үүднээс өөрийн хувийн амьдралаа золиосолдог. Би ч гэсэн аавыгаа сэхээнд ороод , хүн бүр ирээд салах ёс хий гээд дуудуулахад би очоогүй. Би энд жүжигтэй байсан. Би энд уйлаад л , тайзруугаа гараад л… Гэтэл би айлын хамгийн том охин. Миний ээж осолд ороод бүх мөч нь хугараад , шороо тоос холилддог бүх юмтайгаа холилдсон , тэнд охин хүүхэд хэрэгтэй байгаа. Тэнд эмэгтэй хүн , би л хэрэгтэй байгаа юм. Тэгтэл охин нь яагаад ирэхгүй байгаа юм бол оо гээд гэмтлийн эмнэлэгийнхэн гайхаж байсан гэсэн. Маргааш нээлттэй учраас өглөөнөөс орой хүртэл бүх сургуулилтаа дуусгачихаад , орой орж ирэхэд ээжийнхээ харцнаас яг намайг л хүлээж байсан юм байна гэдгийг нь шууд ойлгосон. Ороод л би хувинд бүлээн ус , алчуур хийгээд , ээжийнхээ бүх юмыг цэвэрлэхэд , ээж юу ч дугараагүй. Би “Яана аа ээж маань надад маш их гомдож байгаа болов уу , гомдоод л дугарахгүй байгаа юм болов уу” гэж бодож байсан. Тэгээд ээждээ “Ээжээ та… гээд хэлэхийн завдалгүй ээж маань хэлэхдээ “Юу ч битгий ярь, би чамайг ойлгохгүй бол хэн ч чамайг ойлгохгүй” гэж хэлж байсан. Тэгээд надад “Баярлалаа миний охин, охин үртэй байх ямар сайхан юмбэ. Ерөөсөө санаанд ортол хэн ч цэвэрлэж өгөөгүй.Чи л санаанд ортол ээжийгээ цэвэрлэж өглөө.” гэж хэлж байсан. (Уйлав). Тэгээд л би эргээд шөнө нь бэлтгэлдээ буцаад явж байсандаа

Эх сурвалж: urug.mn

СОНИРХОЛТОЙ МЭДЭЭЛЭЛ

Туулай жил олон зүйлд “ивээл” сайн жил

Туулай жил бол хөөрхөн зөөлөн жил. “Туулай жилтэй хүн гэр бүл, удам судраа муу муухай бүхнээс хамгаалж явдаг сахиус нь байдаг юм гэх яриа байдаг”. Монгол цаг тоолол, нэгэн жаран Туулай жилээс, Туулай сараас, Туулай өдөр, Туулай цагаас эхэлдэг нь сайн сайхан бүхний бэлгэдэл

ТУУЛАЙ ЖИЛ НЬ:

  1. Хосуудын хувьд “гэрлэлтийн” жил байх болно.
  2. Гэр бүлээрээ, ах дүү төрөл төрөгсдөөрөө амар амгалан харилцах, эвлэрэх, эвсэх жил болно.
  3. Шинийг таних мэдэхэд таатай жил
  4. Төлөвлөгөөт аялал хийхэд таатай жил
  5. Орон байр, сууцаа солих, шинээр авахад таатай жил болно

ТУУЛАЙ ЖИЛ ТАНЫГ ИВЭЭХ БОЛТУГАЙ

Цаг үеийн мэдээлэл

Чехэд жирэмсэн Монгол эмэгтэй нас барсан байдалтай олджээ

Чех улсад амьдардаг Монгол эмэгтэй сураггүй алга болж албаны хүмүүс эрэн хайх ажиллагааг эхлүүлээд байсан юм.

Тодруулбал: Чех улсын Ческа Липа хотод ажиллаж амьдардаг манай улсын иргэн “Ц” гэх эмэгтэй 2023 оны 01 дүгээр сарын 25-ны өдөр гэрээсээ гараад ор сураггүй алга болсон юм. Харамсалтай нь тус улсын цагдаагийн алба хаагчид эмэгтэйг нас барсан байдалтай олсон байна. Чехийн цагаар 15 цагт амиа алдсан эмэгтэйг олсон бөгөөд талийгаач 38 долоо хоногтой жирэмсэн байжээ. Албаны хүмүүсийн мэдээлснээр талийгаач “салхилчихаад ирье” хэмээн гэрээсээ гараад сураггүй алга болсон байна. Одоогоор үхлийн шалтгаан тодорхойгүй байгаа аж.

Талийгаачийн гэр бүл, төрөл төрөгсөд, найз нөхөд, хамт олонд нь гүн эмгэнэл илэрхийлье.

Эх сурвалж: eagle.mn , livetv.mn

Uncategorized

Загвар өмсөгч , бүжигчин Suzy Perez бүсгүйн орвонгоороо эргэсэн гунигт амьдрал

Suzy Perez хэмээх энэ бүсгүй бол 2000-иад оны эхэн үеийн од байсан бүсгүй юм. Доминикан гаралтай загвар өмсөгч бүсгүй маань тухайн үедээ урт хар үс , карамель царай , галбирлаг биеэрээ ялгардаг байсан юм. Мөн алдарт дуучин Женнифер Лопезийн туслах бүжигчин байсан төдийгүй дуучин , реппер P Diddy-тай хамтарч ажилладаг байжээ.

Сүзи бас хэд хэдэн сэтгүүлийн нүүр зурган дээр гардаг тийм л нэр хүндтэй загвар өмсөгч байлаа.

Харамсалтай нь Сүзигийн амьдрал орвонгоороо эргэсэн юм. Сүзи нэгэн загварын агентлагтай гэрээ байгуулсан нь түүний карьерийг дээшлүүлэх ёстой байтал агентлагыг удирдаж байсан хүмүүс Сүзи-н амьдралд муу нөлөөлөх муу төлөвлөгөөтэй байжээ. Зарим хүмүүсийн яриагаар тэрхүү загварын агентлаг залилан хийж , Сүзи барьцаанд орон , элдвээр дарамтлуулсанаас үүдэн хар там.хины хамааралтай болж улмаар үл таних этгээдүүдэд хүчирхийлүүлсэн гэсэн мэдээлэл байдаг. Харамсалтай нь хар там.хины хамаарлаасаа салж чадахгүй донтох шалтгаан болжээ.

Тэрээр нэг хэсэг ор сураггүй алга болсон ба 2005 онд Нью-Йоркийн гудамжинд хог түүж , мөнгө гуйж байсан байдалтайгаар нь олж байжээ.

Хүү нь ийнхүү ээжийгээ олж улмаар хэсэг хүмүүс туслаж нэг хэсэгтээ гайхалтай эдгэрч , Сүзи амьдралд эргэн ирсэн ч харамсалтай нь удаан үргэлжлээгүй юм. Сүзи амьдралаа хэвийн байдалд оруулна гэдгээ олон нийтэд хандан хэлж өөрийн инстаграм хаягаа хүртэл нээж өөрийн ахиц дэвшилээ хуваалцаж байсан юм. Тэрээр 2020 оны 4-р сараас хойш өөрийн инстаграмм хуудсаа шинэчлээгүй орхисон юм.

Сүзигийн гол шалтгаан нь сэтгэцийн өвчинтэй болсон байсан ба түүнийгээ дийлж чадаагүй эргээд гудамжиндаа гарсан юм.

Энэ талаараа Сүзи өөрөө хэлэхдээ: “Би энэ өвчинтэйгөө олон жил тэмцсэн. Ээжийн минь үхэл энэ тэмцэлээ үргэлжлүүлэхэд тогтворгүй болгосон юм. Харамсалтай нь би хяналтаа сэргээж чадсангүй” хэмээн хэлж байжээ. Мөн Сүзи камерын өмнө хүүхдэдээ хандан хэлэхдээ: Миний үр чи бол миний амьдралд тохиосон хамгийн сайхан зүйл гэдгийг мэдээсэй гэж хүсэж байна хэмээн хэлсэн юм. Сүзийг нөхөн сэргээх  эмчилгээ хийхийг хүмүүс ятгасан ч тэр татгалзсан юм. Түүний хүү цахим хуудаснаа ээж маань өмнөх амьдралаа сонгосон , та бүхэн ээжийн маань зургийг нийтлэхээ болино уу хэмээн хүссэн байна

Эх сурвалж: Voxbliss.com

СОНИРХОЛТОЙ МЭДЭЭЛЭЛ

Залуу гэр бүлд зориулан таван ханат гэрийг ийм гоё загварчилжээ

“TULGA AID” гэх нэртэй интерьер дизайнер , чөлөөт уран бүтээлч залуучууд дараах “Гэр сууцын интерьер”-ийг бүтээжээ.

Тэд хэлэхдээ: “Гэр сууц бол амьжиргааны түвшинг тодорхойлох хэмжүүр биш билээ. Орон сууц болон гэр сууц нь хүнд өгөх мэдрэмж таашаалын хувьд эрс ялгаатай. Байгальтай улам ойртож амьдрах сонирхолтой бүхэнд хамгийн тохирсон хэлбэр бол гэр сууц. Харин түүнд тохирсон тавилга болоод загварын сонголт төдийлөн их биш…Энэ удаад шинээр айл болсон залуу гэр бүлд зориулан таван ханат гэрт хийсэн загвараа танилцуулж байна.” гэлээ.

Ингээд тэдний гайхалтай бүтээлийн зургаас хуваалцая.

Эх сурвалж: “Tulga Aid”

СОНИРХОЛТОЙ МЭДЭЭЛЭЛ

Буржгар үстийг санаж байна уу? Тэр гуниж, гутарлаа гээд буруу зам руу халтираагүй цөөхөн оддын нэг юм

1928 онд алдарт хүмүүн, өнгөрсөн зууны дэлгэцийн сахиусан тэнгэр, буржгар үст Ширли Темпл орчлонд хөл тавьж байжээ.

Ширли гурван нас хүрлээ. Гэтэл балчир охин үеийнхнээсээ тэс ондоо, өдөр ирэх тусам хорвоотой танилцаж, хөгжиж, хэлэх үг, хийх үйлдэл нь хэзээний ухаан сууж, төлөвшсөн хүн шиг хэрсүү нэгэн болж байв. Хатагтай Амилиа буюу ээж нь бүх насаа урлагт, тэр дундаа бүжигт зориулсан хүн болохоор ийн сэргэлэн цовоо, эрүүл саруул охиноо өөрийн гэгээн харгуйгаар замнуулахаар шийдэж, аав болох ноён Жорж Темпл ч ээж, охин хоёрыг дэмжлээ. Чингээд Лос Анжелес хот дахь хатагтай Меглиний бүжгийн студид тэднийг очиход бяцхан Ширли бусдаас онцгойрч чаджээ. Олны анхаарлыг татах болсон охин тэр даруйдаа л Америкийн ирээдүйн бүжгийн од болохоор бэлтгэл сургуулилтандаа орж, жижигхэн зүрх, сэтгэлдээ урлагийг хайрлаж, бас мэдэрч эхлэв ээ.

Хүчээ авч байгаа кино ертөнцөд нэгэн зүйл л дутаад байх. Тэр нь хүүхдүүдийн оролцоо. Авьяастай жүжигчин хүүхдүүдийн эрэлд гарсан кино компаниудын оролдлого удаа дараалан бүтэлгүйтэв. Гэтэл Боловсрол кино компанийн продюссер огтын санаандгүй байдлаар бүжгийн сургуульд зочлохдоо Ширлиг олж харжээ.

Ийн бяцхан буржгар үст маань ердөө гуравхан настайдаа кино ертөнц рүү алхлаа. Түүний хамгийн анх тоглосон дэлгэцийн бүтээл бол хүүхдүүдэд зориулсан олон ангит кино байсан юм. Кино зураг авалтын үеэр Ширли бусдаасаа илт давуу байв. Найруулагч, зураглаач нар бусад жүжигчин хүүхдүүдтэй ажиллах гэж ёстой нэг аргаа бардаг байсан бол Ширлигийн тоглолтууд чөлөөтэй, амьд, хөгжилтэй, авьяаслаг болж байлаа. Тиймдээ ч хамгийн сайн жүжигчин охин өдөрт 10 долларын цалин авдаг байсан нь тухайн үеийн соёл урлагийн салбарт төдийгүй нийгэмд дээгүүрт орох тоо байсан юм. Ширли сургуульд орох хугацаа нь болоогүй байтал уншиж, бичээд сурчихсан байлаа. Тэр цалингаараа хүүхэлдэй гэхээсээ илүүтэй ном худалдаж авдаг, басхүү балчир охин л болсон хойно гоё даашинз, туфль худалдаж авна. Үдэш бүр үлгэрийн номоо өөрөө уншина. Тэгээд хорвоотой танилцах дараа, дараагийн өдрүүдээ угтана.

Дуулж, бүжиглэж, жүжиглэх бяцхан од кино ертөнцөд цахиур хагаллаа. Өдөр бүр хэдэн арван удаа ноён Жорж Темплийн утас хангинаж, Ширлиг шинэ кинонд тоглуулах хүсэлтэй байгаа тухай хэлнэ. Телевизийн цувралд амжилттай тоглосныхоо дараа Ширли бүрэн хэмжээний “Босоод аз жаргалтай бай” хэмээх кинонд тоглосон нь үзэгчдийг алмайрууллаа. Энэ удаа түүний бүжиглэх, жүжиглэх авьяас үнэхээр гялалзжээ. Төдөлгүй тэр та бидний сайн мэдэх “Буржгар үст”, “Сэргэлэн нүдэн”, “Хөх шувуу”, “Бяцхан гүнж”, “Бяцхан хурандаа” зэрэг гайхамшигтай бүтээлүүдийн гол дүрийг бүтээж, ертөнцийн хамгийн алдарт хүүхдүүдийн тоонд зүй ёсоор бичигдэх болов. Ширлигийн бага нас жинхэнэ жүжигчний амьдрал байжээ. Тэр бас кино болгон дээр өөрийгөө санаанд оромгүйгээр өөрчилж, дүрдээ хувирч чаддаг, зөвхөн хүүхдийн л инээд, гунигийг урд өмнө нь хэн ч, хэрхэвч чадаагүйгээр амилуулсан юм. Ширли хүүхдийн кино урлагийн дэг сургуулийг бий болгож, ирээдүй хойчийн балчир уран бүтээлчдэд хичээл заан, бүтээсэн дүр болгоноо гарын авлага болгож чадсан билээ.

1934 онд Ширли кино урлагийн хамгийн дээд шагнал болох Оскарын эзэн боллоо. Энэ үед тэр зургаахан настай байв. Далайн дун шиг угаасаа үзүүр рүүгээ хүртэл мушгирч буржийсан шаргал үстэй, мяраалаг дугуй цагаан царайтай, давхраатай алаг нүдээрээ аз жаргал дүүрэн инээмсэглэх Ширли…

Ширли Темпл бүхэл амьдралынхаа турш богино хэмжээний 14, бүрэн хэмжээний 43, үлгэрийн сэдэвтэй 25 кинонд гол бөгөөд туслах дүрийг бүтээсэн юм. Энэ бол том тоо. Харин тэр дэлгэцэнд мөнхөрсөн шиг ээ жүжигчний хувь тавилангаар удаан амьдарсангүй. Дэлхий дахинаараа бужигнасан 1961 он ирэхэд Ширли Темпл дэлгэцийн урлагийг бүр мөсөн орхилоо. Одоо бол залуу бүсгүйн сэтгэлийг өөр зүйл татах болжээ.

Ширли 17 насандаа Джек Агар хэмээх царайлаг офицертой хуримлаж, удалгүй Линда Сюзан хэмээх хөөрхөн охинтой болсон юм. Тэгэвч үзэгчид бяцхан Ширлиг кино урлагаас нэхэж, дахиад шинэ дүр бүтээж, шилдэг уран бүтээл туурвихыг нь хүсэн хүлээсээр л байжээ. Харамсалтай нь цаг хугацаа зогсолтгүй урсаж байгаа болохоор Ширли дахиад хэзээ ч гэнэн, гэгээхнээр инээж чадахгүй болчихсон юм. Учир нь тэр том болжээ…

Алдарт шаргал үст Ширли Темплийн амьдрал тэр болгон олны нүдэн дээр байсангүй. Тэр нууцлаг бас эрхэмсэг нэгэн байв. Гэвч түүний амьдралын хамгийн гунигтай хуудсууд Джек Агартай өнгөрүүлсэн цаг хугацаа байсан юм. Джек Агар хэдий боловсон, нүдэнд далуухан залуу байсан боловч үнэн хэрэгтээ тун ч хэцүүхэн нэгэн байжээ. Зугаа цэнгэлд дуртай, сэтгэлийн хөдөлгөөн ихтэй, ёс зүйгүй түүнийг орь залуухан Ширли удтал тэвчсэн юм. Тэгээд хэтэрхий их эвдэрсэн хүнийг засч, сайн сайхан болгоно гэдэг бараг боломжгүй зүйл юм байна гэдгийг мэдэрсэн Ширли балчир охинтойгоо тусдаа амьдрах боллоо. Дэндүү залуудаа, дэндүү гэнэн байхдаа зохиосон амьдрал нь түүнд жаргал авчирсангүй. Сүүдэр дундуур алхах шаргал үст… Ширли гуниж, гутарлаа гээд буруу зам руу халтираагүй цөөхөн одын нэг. Тэр бүхий л амьдралдаа өөрийгөө алдаагүй юм. Энэ нь магадгүй алдарт жүжигчний хожмын сонгосон замтай шууд холбоотой биз ээ.

Ширли насанд хүрсэн цагаасаа улс төрд юу юунаас илүү сонирхолтой болов. Тиймдээ ч тэрбээр 1967 онд энэ хатуу, хахир, хүйтэн орон зай руу хөл тавихаар шийдэж төлөөлөгчдийн танхимын сонгуульд өрсөлдсөн боловч ялагдсан байна. Хожим түүнээс ярилцлага авч байсан нэгэн сэтгүүлч дахин сонгуульд өрсөлдөх тухай асуухад Ширли “Үгүй ээ… Хүмүүс намайг сонгохгүй байх. Учир нь тэд намайг үргэлж зургаан настайгаар минь төсөөлдөг юм байна лээ. Би тэднийхээ сэтгэл дотор зургаан настай жаахан охин хэвээрээ байгаа бололтой” гэж хариулсан байдаг.

Улс төрөөр кино урлагт гаргасан шиг ээ амжилт олоогүй Ширли шоу бизнес рүү хөл тавилаа. Тэр “Ширли Темплийн театр” хэмээх телевизийн нэвтрүүлэг хийж, “Ширли Темпл” гэх цуврал номуудаа бичиж, өөрийн тоглосон кино цомгуудаа гаргав. Дахиад л амжилт, алдар нэр, мөнгө… Гэвч Ширлигийн хүсэл сонирхлыг улс төр татсан хэвээр. Хүссэн тоглоом, үлгэрийн номоо хэнээс ч гуйхгүйгээр өөрөө худалдан авч сурсан, тэгж өссөн охин мөрөөдлөөсөө ухарна гэж үү? Ширли 1968 онд дахин улс төр рүү орж ирэн, ингэхдээ бүр хүчтэй дайралт хийж хараахан хуваагдаж, бутраагүй байсан Чехославак, Гана зэрэг улсуудад АНУ-ын Элчин сайдаар сууж, олон жил үр бүтээлтэй, идэвх чармайлттай ажиллажээ. Үүний дараа Нэгдсэн Үндэсний Байгууллагын төлөөлөгчийн албыг хашиж, шоу бизнесээ ч давхар эрхэлж байгаад хэдхэн жилийн өмнө чөлөөнд суусан юм.

Түүнийг наян насны босго алхаад багагүй хугацаа өнгөрч байхад нь өөр нэгэн сэтгүүлч багадаа кино од болоогүй бол ямар мэргэжил сонгох байсан, амьдралынх нь бахархал юу болох талаар асуусанд Ширли “Миний амьдралын бахархал бол миний 55 жилийн гэрлэлт, үнэнч амьдрал. Би хэрэв жүжигчин байгаагүй бол холбооны мөрдөх товчоонд ажиллана. Эсвэл шарвингийн мухлаг нээх байсан. Би ийм л зүйл мөрөөддөг байсан” гэж хэлсэн байна. Буржгар үст Ширли Темплийн хоёр дахь гэрлэлт аз жаргал, баяр хөөрөөр цалгисан юм.

Тэр бидэнд хайрлагдсан. Тэр бидэнд хүсэл мөрөөдөл, итгэл үнэмшил өгч байсан. Түүнийг бид мөнхөд санан дурсах болно… Энэ бол хорьдугаар зууны буржгар үст Ширли Темплийг эцсийн замд нь үдэхэд хэлсэн үг. Ертөнцөд ирээд 85 оныг үдсэн Ширли…

СОНИРХОЛТОЙ МЭДЭЭЛЭЛ

Орос зурхай: Туулай жилд таныг юу хүлээж байна вэ?

РИА Новости агентлагт Оросын астрологич Юлия Рольникийн нийтлүүлсэн 12 жилийн зурхайг хүргэж байна.

Хулгана жилтэн: Хулгана жилтнүүдийн хувьд туулай жил аз жаргалтай мөч байна. Ажил мэргэжлийн хувьд өсөн дэвжих, амьдралаа сайжруулах боломжууд гарна. Ажил хэрэгтээ амжилтад хүрэхийн тулд шинэ зүйл суралцах ёстой. Танд өөрийгөө болон чадвараа нээн гаргах боломж гарч ирнэ. Энэ оны таны хувьд материаллаг тал дээр таатай байна. Таны хичээл зүтгэл, нөр их хөдөлмөр үр шимээ өгч, таны орлого нэмэгдэнэ. Хувийн амьдралын тал дээр өнөөгийн харилцаагаа сайжруулах боломж гарна. Ганц бие хүмүүсийн хувьд хайр дурлалын харилцаа хүлээж байна.

Үхэр жилтэн: Үхэр жилд төрсөн хүмүүсийн хувьд Туулай жилд ажил, карьерт өөрчлөлт гарна. Таны цаашдын хувь тавилан ихээхэн шалтгаалах чухал сонголт хийх шаардлагатай болж магадгүй. Оны хоёрдугаар хагаст мэргэжлийн үйл ажиллагаанд илүү таатай байна. Та хүчин чармайлтынхаа ачаар зорилгоо биелүүлж, амжилтад хүрнэ. Ирэх онд санхүүгийн хувьд таатай байна. Та өөртөө илүү итгэлтэй болж, шинэ сонирхолтой хүмүүсийг өөртөө татна. Ирэх онд хайр дурлалын харилцаа үүсгэхэд таатай.

Бар жилтэн: Бар жилтнүүд ирэх Туулай жилд аз одоор дүүрэн байна. Ирээдүйд том үсрэлт хийх гараа нь ирэх он байж магадгүй. Гэхдээ ажил, карьерын тал дээр хүндрэл гарахыг үгүйсгэх аргагүй. Чухал шийдвэр гаргахын өмнө олон талаас нь сайтар тунгаан бодох хэрэгтэй. Туулай жилд стратеги төлөвлөлт хийх, шинэ төслүүдийг боловсруулахад таатай. Та зорилгодоо хүрэхийн тулд хичээл зүтгэлтэй ажиллах шаардлагатай болно. Оны сүүлд таны хүчин чармайлт үр шимээ өгч, та амжилтад хүрнэ.

Туулай жилтэн: Ирэх он Туулай жилтнүүдийн хувьд тун чухал. Учир нь чухамхүү энэ онд цаашдын хувь тавилангаа тодорхойлох шийдвэрүүдийг гаргана. Энэ он амьдралын олон талбарт шинэчлэлийн жил байна. Таныг хөгжих, урагшлахад саад болж буй зүйлсийг олж тогтооход тохиромжтой цаг. Түүнчлэн шинэ ажил үйлс, төсөл эхлүүлэх, эртнээс бодож байсан төлөвлөгөөгөө биелүүлэхэд таатай. Санхүүгийн тал дээр одоо байгаа хөрөнгө мөнгөө үрэн таран хийхгүй байх нь чухал. Төлөвлөгдөөгүй зардал гарах эрсдэлтэй. Хувийн амьдралын тал дээр шинэ үйл явдлууд гаран. Ганц бие хүмүүс хайраа олох магадлалтай.

Луу жилтэн: Луу жилд төрсөн хүмүүсийн хувьд ирэх жил холимог нөлөө үзүүлнэ. Багагүй хүндрэлийг даван туулах шаардлагатай болно. Гэхдээ цэцэн ухаан, зорилгодоо хүрэх тэвчээр гаргаснаар оны сүүл гэхэд та бүхий л сорилтыг давж чадна. Ажил хэрэгт үүссэн асуудлыг шийдэхэд хамтын ажиллагаа, нөхөрлөл тус болно. Ирэх онд та бусдын тусламжгүйгээр аливаа хүндрэлийг даван гарч чадахгүй. Оны туршид орлого тогтвортой, зарим үед бага зэрэг өснө. Гэхдээ үүнийг дагаад зардал ч нэмэгдэж болзошгүй. Хувийн амьдралын тал дээр ирэх онд олон өөрчлөлт гарах бөгөөд зарим тохиолдолд таагүй өөрчлөлтүүд ч гарч магадгүй.

Могой жилтэн: Могой жилд төрсөн хүмүүсийн хувьд ирэх он амьдралын бүхий л талбарт эерэг байна. Гэхдээ зарим талаар хүндрэлүүд гарч болзошгүй. Та үүнийг цэцэн ухаан, тэвчээр гаргаснаар сорилтуудыг даван туулж чадна. Энэ онд идэвхтэй үйл ажиллагаа эрхлэхийн тулд илүү их эргэцүүлж, амжилтад хүрэхийн тулд хүлээх хэрэгтэй. Карьерын хувьд бүх зүйл таатай байхгүй ч нөр их хөдөлмөр, тэвчээр, сэтгэл хөдлөлөө барих чадварын ачаар та сайн үр дүнд хүрч, бусдаар хүлээн зөвшөөрүүлж чадна. Хувийн амьдралын тал дээр хайртай болон дотны хүмүүстэйгээ маргалдаж, харилцаагаа муутгахгүйн тулд тэвчээртэй байж, уур бухимдлаа хянах хэрэгтэй

Морь жилтэн: Морь жилтнүүдийн хувьд ирэх он тийм ч тайван жил болж өнгөрөхгүй. Гэхдээ тааламжтай нөлөөлөл сөрөг муу бүхнийг зөөллөж, хүндрэлтэй зорилтуудыг амжилттай шийдэх боломж өгнө. Ажил дээр хүндрэл гарсан ч та хөдөлмөрч, хичээл зүтгэлийнхээ ачаар бусдын хүндэтгэлийг хүлээнэ. Ирэх онд ажлын хамт олонтой зөрчилдөх, хөндлөнгийн хүмүүсийн атаархалд өртөх магадлалтай. Мөнгө санхүүгээ зарцуулахдаа болгоомжтой байж, луйварчдаас сэрэмжил.

Хонь жилтэн: Хонь жилтнүүдийн хувьд ирэх он бүхэлдээ таатай жил болно. Таны амьдралын бүхий л талбарт харьцангуй тогтвортой байдал ноёлно. Ажил хэргийн тал дээр бүх зүйл эерэг байж, таныг удирдлага, нөлөө бүхий хүмүүс дэмжинэ. Ирэх онд олон сонирхолтой хүнтэй танилцана. Та шинэ төсөл эсвэл бизнес эхлүүлж магадгүй. Ганц бие хүмүүс өөрт тохирсон хүнээ олж магадгүй.

Бич жилтэн: Бич жилтнүүдийн хувьд хүндхэн жил болж магадгүй. Гэхдээ хувь тавилангийн бүхий л сорилтыг давахад туслах эерэг үйл явдлууд ч олон гарна. Ажил дээр олон зорилт шийдэх хэрэгтэй болно. Маргаан, зөрөлдөөнөөс зайлсхийхийн тулд хамт олонтойгоо харилцахдаа сэтгэл хөдлөлөө хянаарай. Өнгөрсөн үеийн алдаагаа эргэцүүлж, алдаагаа давтахгүйн тулд буруугаа хүлээн зөвшөөрөх хэрэгтэй. Ингэснээр та урагшилж, сайн үр дүнд хүрч чадна. Санхүүгийн хувьд ирэх жил тогтвортой байна. Гэхдээ аливаа тохиолдолд хэмнэж сурах хэрэгтэй.

Тахиа жилтэн: Тахиа жилтнүүдийн хувьд ирэх он зөрчилдөөнтэй жил болно. Нэг талбарт ололт амжилт дүүрэн байх бол нөгөө талд алдагдал хүлээж магадгүй. Ажил болон карьерын хувьд хүндрэл, бэрхшээл гарч болзошгүй. Та ажлаа алдах эсвэл орлого буурах эрсдэлтэй.Ажлын тал дээр илүү тэвчээртэй, хүлээцтэй байж, шинэ найз нөхөдтэй бол. Найз нөхөд болон ижил сэтгэлгээтэй хүмүүс таны ажил хэргийн асуудлыг шийдэхэд тусална. Хайр дурлал, хувийн харилцааны тал дээр ирэх он ихээхэн амжилттай байна.

Нохой жилтэн: Нохой жилтнүүдийн хувьд ирэх онд олон эерэг өөрчлөлтүүд гарна. Гэхдээ санаа амарч, хэт тайван суух зав гарахгүй. Ажлын тал дээр та үр бүтээлтэй, идэвхтэй байх бөгөөд үүнийхээ төлөө зохих шагналаа хүртэнэ. Ажлын хамт олонтойгоо харилцахдаа тайван, нөхөрсөг байгаарай, ингэснээр та маргаан зөрөлдөөн, илүүц хурцадмал байдлаас зайлсхийж чадна. Санхүүгийн тал дээр хөрөнгө оруулалт хийхдээ болгоомжил, аз сорьсон алхам хийх хэрэггүй. Хувийн амьдралын тал дээр бүх зүйл тааламжтай байна. Ганц бие хүмүүс өөрт тохирох хүнтэй танилцаж, гал халуун хайр дурлалын харилцаа үүсгэнэ.

Гахай жилтэн: Гахай жилтнүүдийн хувьд ирэх он амьдралын бүхий л талбарт аз одтой, тааламжтай байна. Хамгийн гол нь таны өмнө гарч ирсэн шинэ боломжуудыг алдахгүй ашиглах хэрэгтэй. Карьер, ажил хэргийн тал дээр бүх зүйл тааламжтай байна. Ажил дээр сайн, итгэлт харилцаа, тааламжтай уур амьсгал ноёлно. Ажил дээр эерэг өөрчлөлт гарснаар таны орлого нэмэгдэнэ. Ирэх онд та бусад хүмүүсээс илүү хайр дурлалын тал дээр азтай байна. Ганц бие хүмүүс хань ижлээ олох боломжтой. Энэ жил та онцгой анхаарах шаардлагатай цорын ганц зүйл нь эрүүл мэнд. Тиймээс асуудалтай нүүр тулахгүйн тулд өнөөдрөөс эхлээд биеэ чийрэгжүүлэх, эрүүл мэндээ хамгаалах тал дээр анхаараарай.

Эх сурвалж: shuud.mn

СОНИРХОЛТОЙ МЭДЭЭЛЭЛ

ХЯТАД ЗУРХАЙ: “ТУУЛАЙ ЖИЛД ТАНЫГ ЮУ ХҮЛЭЭЖ БАЙНА ВЭ?”

Билгийн тооллын хар усан бар жилийг үдэж, үзэсгэлэн болгогч хэмээх туулай жилийг угтах цаг иржээ. Хятад зурхайгаар Гуй Мао буюу усан туулай жил айлчлан ирж буй. Хонконгийн геомантик буюу зурхайн ухааны мастер Тиерри Чоу ус болон туулай нэг жилд давхцах нь ховор тохиолдол гэжээ. Түүний хэлснээр туулай нь модыг бэлгэддэг бөгөөд хятад зурхайгаар ус модыг хүмүүжүүлдэг ажээ. Тиймээс ирж буй туулай жилд модтой холбоотой аж үйлдвэрийн салбар тухайлбал хэвлэн нийтлэх, газар тариалан, мод үржүүлэг, тавилга зэрэг бизнест үр өгөөжтэй байх болно. Харин гал уснаас эмээдэг тул гал суурьтай аж үйлдвэр, мөн дижитал технологийн бизнесүүд саад бэрхшээлтэй тулгарч болзошгүй хэмээн Тиерри Чоу сэрэмжлүүлж байна. Мөн түүний хэлснээр сүүлийн хэдэн жил хүндхэн байсны эцэст туулай жил хонгилын үзүүрт гэрэл асааж, амьсгаа авах таатай жил болох ажээ. Хятад зурхайн ухаанаар 12 жилд төрсөн хүмүүст туулай жил хэрхэн нөлөөлөхийг дараах байдлаар дүрсэлсэн байна.

Туулай жилтэнд: Туулай жилтэй хүмүүсийн жил орж байгаа тул саад бэрхшээлтэй тулгарах, тогтворгүй байдал нь энэ үед улам нэмэгддэг гэж үздэг. Туулай жилтнүүд эрүүл мэнд, карьер, харилцаанд том өөрчлөлт ороход бэлтгэлтэй байх хэрэгтэй гэжээ. Гэхдээ бүх зүйл тийм ч муугүй байх болно гэдгийг санах хэрэгтэй. Зарим салбарт өсч дэвших боломжтой тул аль болох эерэг энерги хуримтлуулж, аз жаргалтай зүйлд цагаа зарцуулахыг уриалжээ. Мөн тэд аялалд гарахаар бол урд зүгийг сонгохыг зөвлөсөн байна.

Луу жилтэнд: Луу жилтнүүдийн хувьд ирж буй туулай жил тун ээлтэй жил байх ажээ. Онц гойд санаа зовоосон асуудал байхгүй ба азгүйтлын од ч тэдэнд нөлөөлөхөөргүй байна. Харин зун болон намар төрсөн луу жилтнүүдэд бага зэрэг стресстэх асуудал үүсч болзошгүй. Луутнууд ажлын байран дээрээ болчимгүй түргэн шийдвэр гаргаж болохгүй. Ганц бие луу жилтнүүд энэ жил романтик хайр дурлалын харилцаа үүсгэж болох ба тэдний азын өнгө нь алтлаг болон мөнгөлөг зэрэг металл өнгөнүүд байна. Хэрэв аялалд гарахаар бол баруун зүгийг чиглэвэл азтай байна гэжээ.

Могой жилтэнд: Могой жилд төрсөн хүмүүс энэ жил сайхан мэдээ дуулах ба аз болон аяллын одод тэднийг жилийн турш ивээнэ. Ажил дээр шинэ боломж, шинэ зам гарч ирж, дэвших болно. Гэхдээ могой жилтнүүд шаардлагатай үед амралт авч, амьдралдаа тэнцвэрээ олох хэрэгтэй. Хайр дурлалын тал дээр могой жилтнүүд аялж байхдаа хайр дурлалаа олох магадлалтай. Тэдний азын өнгө алтлаг болон цэнхэр өнгө байх бол таатай зүг нь баруун болон хойд зүг байх юм.

Морь жилтэнд: Энэ жил морь жилтнүүдийг тоорын цэцэгт од ивээх бөгөөд нь энэ үргэлж сайн мэдээгээр гялалзаж, гялтганаж байхыг бэлгэддэг байна. Тодорхой хэлбэл тэд алхам бүртээ шинэ боломжтой учирж, тэдэнд туслах олон хамгаалагчтай уулзана. Хайр дурлалын тухайд ч маш сайн байх бөгөөд магадгүй энэ жил гэрлэж, сүй тавих хамгийн тохиромжтой жил байх болно. Тэдэнд анхаарвал зохих ганц зүйл байгаа нь гэр бүлийн гишүүдийнхээ бие болон сэтгэцийн эрүүл мэндэд анхаарахыг зөвлөжээ. Тэд энэ жил өмнөд зүг рүү аялж, улбар шар, шар, ягаан зэрэг өнгөлөг хувцас өмсвөл аз дагуулна.

Хонь жилтэнд: Туулай жилд хонь жилтнүүд ерөнхийдөө эерэг оддын нөлөөнд байх азтай ч багагүй ярвигтай жил тохионо. Тиймээс хонинууд өөрсдөдөө анхаарал халамж тавьж, шаардлагатай үед амрах хэрэгтэй. Карьерын хувьд аль болох даруу байж, илүү их ажиглахыг зөвлөе. Боломж тэдэнд зөв цагт ирэх болно. Тэд шинэ хүмүүстэй уулзаж, шинэ найзуудтай болж, шинэ хайр дурлалтай учирж магадгүй. Баруун зүг рүү аялж, алтлаг өнгийн хувцас өмсвөл тэдэнд аз авчирна.

Бич жилтэнд: Бич жилтнүүдэд эв найрамдлын од гийх сайхан мэдээтэй. Нэн ялангуяа ажлын байранд тэднийг бахархал, бишрэл тойрон хүрээлэх болно. Гэвч энэ нь тэднийг болчимгүй хуумгай амьдрах хэрэгтэй гэсэн үг биш. Бич жилтнүүд, тэр дундаа спортлог бичнүүд энэ жил аюулгүй байдлаа хамгаалах хэрэгтэй. Хайр дурлалын асуудалд харилцаа холбоогоо гүнзгийрүүлэхэд тохиромжгүй жил байж магадгүй. Аяллаар явах бол баруун зүгийг сонгож, шар болон биеийн өнгөтэй хувцас тэдэнд урам зориг өгөх болно.

Тахиа жилтэнд: Тахиа жилтнүүдэд энэ жил харш жил нь тохиож байгаа тул ирэх саруудад тохиох тогтворгүй байдал, олон тооны өөрчлөлтүүдэд бэлэн байх хэрэгтэй. Эмх замбараагүй байдлыг хяналтандаа авч, илүү их аялахыг зурхайч зөвлөсөн байна. Аль болох илүү их эерэг энерги хуримтлуулж, илүү сонор сэрэмжтэй байх хэрэгтэй. Шар болон бор өнгийн хувцас ээлтэй ба баруун болон хойд зүгт аялахыг зөвлөсөн байна.

Нохой жилтэнд: Нохой жилд төрсөн хүмүүс санхүү болон карьертаа онцгой амжилт гаргах жил ирж байна. Гэвч аль болох даруу байж бусдыг сонсохоо битгий мартаарай. Нэн ялангуяа найз нөхөд, итгэдэг хүмүүсээ сайн сонсохыг зөвлөе. Тэд энэ жил таныг илүү азтай байхад туслах чухал зүйлсийг хэлэх болно. Азын өнгө нь мөнгөлөг болон цэнхэр байх бол азын зүг нь хойд зүйг байх ажээ.

Гахай жилтэнд: Гахай жилтнүүдийн хувьд ерөнхийдөө эерэг жил байх болно. Ажил болон амралтаа зохицуулж эрүүл мэнддээ анхаарахыг зөвлөж байна. Хэрэв багийн ажилд анхаарлаа сайн хандуулж чадвал мэргэжлийн салбарт амжилт гаргана. Хайр дурлалын харилцаанд тун гайхалтай жил байх бөгөөд шинэ найзууд, шинэ хайр дурлалтай учирна. Гахай жилтнүүд ягаан болон нил ягаан өнгийн хувцас, өмнөд зүгийн аяллыг сонговол аз хийморьтой байх болно.

Хулгана жилтэнд: Хулгана жилтнүүдэд хатуу жил гарах ч бүх зүйл муу байна гэж итгэж болохгүй. Эрүүл мэнд болон ажилдаа илүү их анхаарах хэрэгтэй. Бага зэрэг бэртэл авч болзошгүй. Хулгана жилтнүүдийг илүү дулаахан газруудад аялж, ягаан, улбар шар зэрэг гэгээлэг өнгийн хувцас сонгохыг санал болгож байна.

Үхэр жилтэнд: Үхэр жилтнүүдийг аз амжилт, аяллын од гийж байна. Тэд санхүүгийн тал дээр шинэ түвшинд хүрэх ба шинэ боломжууд гарч ирнэ. Үхрүүд хувийн болон ажлын шугамаар илүү их аялах төлөвтэй байна. Гэвч хэтэрхий их аялж, ажилласны дараа эрүүл мэнддээ анхаарах хэрэгтэй болохвий. Ганц бие болон хайраа хайж буй үхэр жилтнүүд азтай байна. Аялахаар бол умард зүгийг сонгоорой.

Бар жилтэнд: Бар жилтнүүдийн хувьд жил нь гарч туулай жил айсуй тул хүнд цаг үе ард хоцорч, нөхцөл байдал илүү дээрдэнэ. Гэхдээ өөрчлөлт тийм ч хурдан ирэхгүй тул тэвчээртэй байх нь чухал. Хавар, зуны улиралд төрсөн бар жилтнүүд жилийн эхний хагаст эргэн сэргэж, хоёрдугаар хагаст чухал шийдвэрүүдээ гаргахыг зөвлөж байна. Хайр дурлалын тал дээр өөртөө цаг гаргаж, яарахгүй байх хэрэгтэй. Шар, цэнхэр, бор өнгө ээлтэй ба баруун болон хойд зүйгт аялахыг зөвлөе.

Эх сурвалж: CNN , zogii.mn

ЭЕРЭГ

Ч.Уранхолбоо: “Зүрх сэтгэл нь бусдын төлөө цохилсон дэндүү хайрламаар энхрий охин үр минь”

Дуучин Ану гэх нэрээр бидний илүүтэй мэдэх Ч.Уранхолбоо маань хэдийнээ 6 хүүхдийн ээж болжээ. 5 охины ээж тэрээр өөрийн охидоороо ийнхүү бахархлаа.

Ч.Уранхолбоо: “2 ихрийн маань нэг Сорхон-гуа. Зүрх сэтгэл нь бусдын төлөө цохилсон дэндүү хайрламаар энхрий охин үр минь.”

Ч.Уранхолбоо: “Генетик оношилгоогоор хүртэл амжилтанд хүрэх зам нь бусдыг гэх зүрх сэтгэл нь гэж оношлогдсон байдаг. Ээж минь ядарлаа , ээждээ туслья гээд л урд хойно ороод бүх зүйлд сэтгэл гаргаад гүйнэ , заримдаа анай нар нь уйлчихсан байвал аргадаад тэврээд , битгий уйлаарай миний анай хөөрхөн шүү гээд сууж байна, жаахан дүүгээ төрсөн цагаас харж хандаад дүүгээ хамгаална гээд үнэхээр хүчтэй, зоригтой сэтгэл нь гэрэлтсэн нэг охин манай гэрт байнаа”

Ч.Уранхолбоо: “Харин ихрийн маань нэг энэ хорвоо дээр ийм тайван хүүхэд байдгаа гэмээр намбалаг хөөрхөн охин бий.  Энэ удаад Сорхон-гуа охин маань ээжтэйгээ хамт зураг авалтанд орж дурсамжийн дэвтэртээ нэгэн хуудас шинээр нэмсээн” гэлээ

error: Content is protected !!