ЕРТӨНЦИЙН ГОО

Ч.Ганхуягийн ухаалаг , үзэсгэлэнт гэргий Г.Уянга

Ард санхүүгийн нэгдэлийн захирал Ч.Ганхуягийн үзэсгэлэнт гэргийн үзэл бодол, түүний үзэсгэлэнт зургуудаар аялая

Г.Уянга: Би ер нь эрх танхил биш. Намайг айлын ганц охин гэдэг утгаар нь их эрх дураараа гэж миний найз нөхөд , танилууд анх хүлээж авах тохиолдол байдаг. Ээжийн охин, хүний гэргий аль аль талаасаа би тийм дур зоргоороо хүн биш л дээ.

Г.Уянга: Айлын ганц охин байх хувь тавилангаас надад хамгийн сайн шингэж өгсөн чанар бол хэнээс ч хараат бус, бие даасан чанар. Ямарваа сонголт шийдвэрийн өмнө хэн нэгнээс зөвлөгөө тусламж гэж хүлээхээс илүү өөрийнхөөрөө байж чаддаг. Ээж маань байнгын завгүй , амьдралын төлөө тэмцэлтэй , их дайчин хүн учраас над руу хошуу цорвойхоосоо илүү хичээл сурлага юу болж байна
гэхчилэн насанд хүрсэн хүний хэмжээнд хариуцлагатайгаар ханддаг байсан. Яахав ийхэв гэхээсээ илүү “Чи ингэх ёстой” гэж чиглүүлж зөвлөдөг байсан нь Уянга гэх хувь хүнийг илүү төлөвшүүлсэн.

Г.Уянга: Би хувьдаа өөрийгөө их энгийн нээлттэй гэж боддог. Хүн надад яаж хандана тэр хэмжээнд нь
элэгсэг харилцаж сайхан инээгээд өнгөрөхийг хүсдэг. Хүний амьдрал богинохон. Аль болох тайван байхыг хичээдэг. Хэн нэгэн намайг бухимдуулсан ч гэсэн инээмсэглээд л өнгөрдөг. Хүлээцтэй өнгөрүүлсний дараа зарим нь уучлалт гуйх, болж өнгөрсөнийг тайлбарлах гэж оролддог нь
энэ зангийн маань олзуурхууштай тал юм болов уу.

Г.Уянга: Миний бодлоор би нөхрийнхөө хамгийн сайн найз нь байж чаддаг. Найз гэдэг утга нь ямар өргөн цар хүрээтэй, ид шидтэй билээ. Нөхөр маань ч миний хамгийн дотны найз минь байж чаддаг. Энэ хүрээнд ямар ч эхнэр нөхөр гэсэн хана хэрэмгүйгээр бүгдийг ойлголцож бие биенээ дэмжиж түшиж амьдардаг.

Г.Уянга: 2001 онд “Улаанбаатарын мисс” тэмцээнд орж байсан. Энэ нь зөвхөн найз нарын маань шахалтаар нэг хоногийн өмнө бүртгүүлээд оролцож байсан санаандгүй шахуу үйл явдал болсон. Би гэрийнхэндээ хэлэлгүй зурагтаар гарна гэдгийг ч тооцоолоогүй хам хум хувцас бэлдээд оролцож байсан. Маш олон гоё охидууд өрсөлдөж бараг сарын өмнөөс бэлтгэсэн байсан. Одоо бараг хэддүгээр байранд орсноо ч санахгүй байна. “Баясгалант сайхан мисс” гэдэг өргөмжлөлтэй тав зургадугаар байрт шалгарч байсан байхаа. Магадгүй үүнээс улбаалаад зарим хүмүүс намайг загвар өмсөгч гэж ярьдаг болсон байх.

Г.Уянга: Намайг хүмүүс европжуу төрхтэй гэдэг ч би цэвэр Монгол. Ээж маань намайг төрүүлэхдээ Германд оюутан байсан. Үүнийг нь мэддэг хүмүүс нь намайг Герман аавтай гэж ярьдаг. Аав ээж хоёр
маань Монгол. Харамсалтай нь намайг бага байхад тэд маань тусдаа амьдрах болсон. Би бол эмээгийнхээ гар дээр өссөн эмээгийн охин. Аавтайгаа төдийлөн ойр өсөөгүй. Европ төрхтэй гэдгийг тухайд аав ээж хоёрынхоо аль сайныг нь аваад дундаас нь гарсан их азтай хувилбар. /инээв/

Г.Уянга: Би хотын унаган охин. Эмээтэйгээ хоёулхнаа хамт амьдардаг байсан. Ээж маань их ажилтай. Надад тэр бүр олдоод бусад хүүхдүүдийн ээжүүд шиг цаг зараад байж чаддаггүй байсан. Тиймээс би яг эмээгийнхээ хүмүүжлээр монгол ахуйд их ойр өссөн. Магадгүй цайсаг гээд эмээгээс үлдсэн тэр зан
чанарууд маань одоо ч арилаагүй. Би одоо хүртэл хааяа эмээтэйгээ амьдарч байсан гэрийнхээ хаалга руу очиж явна гэж зүүдлэдэг. Энэ тухай цааш нь үргэлжлүүлбэл сэтгэлд их эмзэг байна. Эмээгээсээ хойш ганцаардаж их л үгүйлдэг байсан.

Г.Уянга: Хамгийн анх нөхөр маань миний нүдэнд маш эрч хүчтэй, хөгжилтэй, нилээн шударга залуу гэсэн сэтгэгдэл төрүүлсэн нь надад их таалагдсан. Хамгийн түрүүнд хүний их сайн найз байж чадах хүн байна гэж бодсон л доо. Бид хоёр анх ойлголцож чаддаг сайхан найзууд байсан л даа. Надад бол Ганхуяг хувь хүн нь их сонирхолтой эр хүн санагддаг байлаа. Дараа нь хувийн амьдралд нь
асуудал гарч найз бүсгүй, найз залуугийн хэмжээнд харилцаа үүссэн.

Г.Уянга: Би нөхрөө амьдралынхаа төлөө ямар хэмжээнд зүтгэж ямар завгүй ажилладгийг мэднэ. Ойлгодог. Гэхдээ энэ бүх ажлын ачаалал проблемыг орой гэрийнхээ хаалганы ард үлдээж нүүр дүүрэн инээмсэглэлээр тэвэрч үнсээд гэртээ орж ирж чаддаг нь маш том бэлэг. Би нөхрөө чи бол бидний бэлэг. Эрт ирвэл бүгд аз жаргалтай байдаг гэж би тоглоом шоглоомоор хэлж байсныг нөхөр маань ярьсан байсан

Г.Уянга: Хорвоогийн айлын эхнэрүүдийн жаргал зовлон адилхан шүү дээ. Даргын эхнэр, жолоочийн эхнэр өөр гэж би боддоггүй. Ямар ч гэр бүлийн амгалан амьдрал үр хүүхдийн инээд, эр нөхрийн амжилт бүгд л ээж хүнээс, эхнэр хүнээс тодорхой хэмжээнд шалтгаалдаг. Энэ бүхний үнэ цэнэ эмэгтэй хүний ухаалаг, хүлээцтэй , амьдралыг бодитоор харах чадвараар хэмжигдэнэ. Ямар ч тохиолдолд түрүүлж дуугарахаасаа өмнө хэдхэн секунд тунгааж бодоод ярьж байвал тайвнаар асуудлыг шийдэж өөртөө ч өрөөлд ч илүү амар аргаар ойлголцоно. Уурлаж уцаарлах, уйлж гоморхохоосоо илүү эмэгтэй хүн маш тайван байж гэр бүлээ амар амгалан амьдрах нөхцөлийг бүрдүүлж өгөх ёстой.

Г.Уянга: Проблем гарвал эвлэрлийн хонхыг эхлээд би л жингэнүүлдэг юм болов уу даа. Ямарваа нэг асуудал гарвал хоёулаа чимээгүй л болчихдог. Хэдэн минутын дараа эргээд ярилцахад бүх юмны учир олддог. Эмэгтэй эрэгтэй хүний үүрэг роль энэ тэнцүү байдаг байх. Миний баримтладаг зарчим бол хүн юу тарина түүнийгээ хурааж авдаг. Би хариу нэхэхгүйгээр зүгээр л хүмүүст өгөх дуртай. Нөхрөө би хайрлаж байж хайрыг нь хүртэнэ үү гэхээс чи намайг хайрлах ёстой гэж хүсээд тулгаад шаардаад байх хамгийн утгагүй зүйл гэж боддог.

Эх сурвалж: news.mn

ЕРТӨНЦИЙН ГОО

Жүжигчин Б.Хулан багаасаа л авъяастай нэгэн байжээ

Саяхан буюу 2021 онд Хурд хамтлагын “Бүсгүй” хэмээх домог болсон дууг гайхалтай чимсэн жүжигчин Б.Хулан нь багаасаа л авъяастай нэгэн байжээ. Тэрээр 14 насандаа буюу 1997 онд “Монголын анхны фото мисс”-ээр шалгарч байжээ. Мөн 1998 онд “Монгол улсын үзэсгэлэнт гоо охин”-оор шалгарч байжээ.

Багаасаа л авъяастай , хөдөлмөрч байсан мундаг бүсгүй маань одоо ч нийгэмдээ сайн сайханаар хүлээн зөвшөөрөгдсөн чадварлаг , хөдөлмөрч , гоо бүсгүй гэдгийг та бүхэн минь хүлээн зөвшөөрөх бизээ.

Түүний хамгийн сүүлд өгсөн ярилцлага болох 2022 оны On&On подкаст-д өгсөн ярилцлаганаас дурьдвал:

Сайн байна уу? Сүүлийн үеийн уран бүтээлийн сонин сайхан?

Сүүлийн хоёр гурван жил нам гүм байлаа. Хурд хамтлагийн клипэнд тоглоод, уран бүтээл хийх тэр гоё мэдрэмжээ эргэж авсан, үнэхээр сайхан байсан.

Гэр бүлийнхээ талаар танилцуулахгүй юу? Хэн хэнтэйгээ амьдардаг вэ?

Хоёр хүүхэдтэйгээ амьдардаг, ганц бие ээж. Зөв амьдрахыг хичээдэг. Гэхдээ амьдрал юм хойно алдаа оноо байна, би өмнө нь хоёр амьдралтай байсан. Миний амьдрал олны нүдэн дээр байдаг учраас бүх алдааг хүмүүс надаас хайдаг, гэтэл алдаа зөвхөн нэг талаас байдаггүй шүү дээ. Энэ бүхнийг гэхдээ нийтэд тайлбарлаад, өөрийгөө зөвтгөөд явах хүсэл байдаггүй. Намайг надаас өөр сайн мэдэх хүн байхгүй шүү дээ, би өөрийн зөв бурууг мэдэж байгаа нь л хангалттай.

Цаашдын амьдралаа хэрхэн төсөөлж байна? Эр нөхөр болох хүндээ ямар шаардлага тавьдаг вэ?

Энэ талаар бас судалж байгаа шүү, “Эрчүүд муу эмэгтэйг хайрладаг” гээд ном уншсан. Уншиж байхдаа яг би байна, ийм алдаанууд гаргаж байж гээд л уулга алдан, олон зүйлийг ухаарсан. Тухайлбал би нилээд зөөлөн талдаа хүн, нөгөө хүндээ хаана явж, юу хийж байна гээд л бүх юмаа дэлгэчихдэг, бүх юмаа нэг л мэдэхэд зориулчихдаг. Гэтэл эрчүүдээс авсан судалгаагаар, дэлгэсэн ном шиг ойлгомжтой, араас нь бөөцийлөөд байдаг эхнэр, эр хүнд ээжтэй нь адил санагддаг учраас татагдахаа больдог, тайвширдаг юм байна.
Ирээдүйн эр нөхөртөө шаардлага тавихгүй байгаа. Яг ийм хүнтэй сууна даа гээд дотроо дэндүү их төсөөлж байтал бодит амьдрал дээр тэр хүн нь гарч ирэхгүй болохоор сэтгэлээр унах тохиолдол бий. Тиймээс намайг, миний бүх зүйлтэй, үр хүүхэдтэй минь хамтад нь хайрлаад аваад явах тийм л хүнийг сонгох болов уу.

Та аз жаргалтай эмэгтэй мөн үү?

Би өөрийгөө дандаа асч, аз жаргалтай явсан гэж хэлэхгүй. Асах, унтрах ээлжилдэг хорвоод өөртэйгээ ажиллаж, унтарсан үедээ асаах аргаа мэддэг байх ёстой юм билээ. Тухайлбал сая ковидын үед ном уншиж, подкаст сонсч, онлайн бясалгалд явж, хумсаа хүртэл өөрөө янзалж сурсан. Хамгийн чухал нь өөрийнхөө сул болон давуу талыг жагсааж бичээд, сул талуудаа давуу тал болгож эхэлсэн. Сүүлийн үед биеийн жин дээр онцгой анхаарч байгаа. Аливаа зүйлийг төлөвлөсөн бол 5 тоолоод шууд хийж эхлэхгүй л бол маргааш, эсвэл дараа гэж хойшлуулахаар хүч нь саараад хийхээ больдог. Тиймээс ковид гайгүй болж, фитнесст явтлаа гэж хойшлуулалгүй өдөр тутмын хооллолтондоо анхаарч, гурилан бүтээгдэхүүнээ багасгасан, бага багаар ойрхон идэж байгаа. Бас нэг анзаарсан зүйл бол би өмнө нь бусдад тааруулж, өөрийгөө өөлж амьдарсан юм билээ. Бусдад таалагдахын тулд өөрийгөө хэвэнд оруулчих гээд, жинхэнэ Хулангийн хүсэл сонирхлыг золиослох үе олон байсныг олж хараад, өөрийгөө чөлөөлсөн, өөрийгөө хайрлаж, өөрийнхөөрөө байх болсон нь надад эрх чөлөөг олгосон.

Мөнхийн залуу тодотголтой олны танил бүсгүйчүүдийн тоонд өөрөө ордог. 10 гаруй жилийн өмнө тоглосон Болсон явдал киноныхоо үеэс огт өөрчлөгдөөгүй гэгддэг юм билээ. Залуу насаа хадгалж буй нууцаа хуваалцвал?

Маш их баярлалаа. Хүмүүсээс бас тэгж сонсч байсан. Манай аав ээж, эгч ер нь овор багатай хүмүүс байдаг, тэгэхээр удмын онцлог байдаг байх.Бага байхдаа том эгч шиг харагдах дуртай байлаа, байнга өсгийтэй гутал өмсдөг, гэтэл одоо эсрэгээрээ илүү залуу харагдахыг хүсдэг болсон. Арьс арчилгааны хувьд Монгол бүтээгдэхүүн голлон хэрэглэдэг.

Уран бүтээлийн цаашдын төлөвлөгөөнөөс хуваалцаач?

“Шинэ уран бүтээлд орохоор бэлтгэл хангаж байгаа. Өөрийгөө сорьж үзэхийн тулд нэг уран бүтээлийг гардаж хийхээр төслөө бичиж байна.” хэмээн ийнхүү сайхан ярилцлагыг хийсэн байна. Гоо сайхантай хосолсон чадварлаг , хөдөлмөрч, ухаалаг бүсгүйдээ цаашдын уран бүтээлд нь өндөр амжилт хүсье

ЕРТӨНЦИЙН ГОО

Мисс, Жүжигчин Б.Гэрэлчулууны содон, чамин жирэмсэний зураг авалтууд

Тусгай салаа олон ангит киноны гол дүрээр бидэнд илүүтэй танил болсон жүжигчин Б.Гэрэлчулуун маань саяхан 3 дахь үрээ өлгийдөн авсан билээ.

Эмэгтэй хүний хамгийн үзэсгэлэнтэй үе жирэмсэн үедээ гэж хэлэхэд хэлсдэхгүй байх. Сүүлийн үед эмэгтэйчүүд маань энэ нандин үеээ дурсамж болгон үлдээхийн тулд жирэмсэн байх үеийнхээ зургийг авхуулж мөнхөлдөг болсон билээ. Тэгвэл Мисс , Жүжигчин Б.Гэрэлчулуун маань энэ сайхан мөчөө ийнхүү өвөрмөц , шинэлэг , содон шийдлээр гэрэл зураг болгон үлдээжээ

Хоёр хөөрхөн охины ээж байсан тэрээр саяхан ийнхүү хөөрхөн хүүтэй болсон ажээ

Түүний дэлгэцийн уран бүтээлүүдээс тоочвол:

2010 онд Тусгай салаа МОАУСК

2011 онд Цэлмэг тэнгэр МУСК

2011 онд Амьдрал төсөл МУСК

2016 онд Дурлал сүйтгэгч МУСК

2017 онд Эцсийн хүсэл МУСК зэрэг кинонуудад гол дүр болон туслах дүрүүдийг бүтээсэн чадварлаг жүжигчин билээ

Нэг хэсэг загварын тайзнаа гялалзаж явсан бүсгүй тэрээр 2007 оны Miss Mongolia тэмцээний тэргүүн титмийн эзэн болж байсан юм.  Мөн 2011 оны “Гоёл наадам”-ын шилдэг загвар өмсөгч билээ.

СУИС-ийн “Жүжигчин”-ий ангийг төгссөн ба мөн Хүмүүнлэгийн ухааны их сургуулийн “Гадаад харилцааны мэргэжилтэн”-ээр суралцаж төгсчээ.

Загвар өмсөгч , Жүжигчин , Гадаад харилцааны мэргэжилтэн , Хөтлөгч , Хувийн бизнес , сайн ээж гээд олон зүйлийг хийж бүтээж байсан хөдөлмөрч , дайчин бүсгүй билээ

Тэрээр нэгэн удаа ээж хүн ямар байх ёстой вэ гэдэг асуултанд тэрээр хариулахдаа : “Мөнгийг бол хэзээ ч олж болно. Хүүхдийнхээ хүүхэд байх тэр хэсэгхэн жаахан хугацааг мэдрэхгүй харахгүй алдсанаа хожим ухаарах хамгийн муухай гэж боддог .Хичнээн завгүй байсан ч хүүхэдтэйгээ дор хаяж өдөрт 30 минут тоглох хэрэгтэй. Тоглоомын газар оччихоод хамт тоглохгүй утсаа маажаад суучихдаг хүмүүсийг ойлгодоггүй юм. Гэртээ унаж бэртэх , мөргөх аюултай , өнцөгтэй эд зүйлсийг байлгаж болохгүй .Ер нь хоёрхон жил л гүрийчих хэрэгтэй. Би жишээ нь охиноо төрсөн цагаас нь хойш хүүхэдтэйгээ орон дээр биш газар унтаж байна.Ингэснээр нэг ч удаа толгой тархи доргисон асуудал үүсгэж байсангүй.  Мөн ээж хүн хоолны өргөн мэдлэгтэй байх хэрэгтэй. Амттай хоолны арвин жортой байвал тэдий чинээ хүүхэд хоолонд дуршил сайтай байдаг.  Хүүхдийнхээ аюулгүй байдлын төлөө зөвхөн ээж аавууд бид л санаа тавих ёстой. Бусдад даатгасан ч гэлээ хүүхдэдээ заавал цаг гаргах ёстой” хэмээх өөрийн бодлоо ийнхүү хуваалцаж байжээ.

“Ханьтайгаа хамт үр хүүхэд, ач, гучаараа хүрээлүүлчихээд санаа түвшин ханхайн сууж байгаагаар амьдралаа дүрсэлдэг” хэмээн нэгэнтээ хэлж байсан үзэсгэлэнт , хөдөлмөрч бүсгүйнхээ гэр бүл нь улам өнөр өтгөн болохын ерөөлийг тавъя

ЕРТӨНЦИЙН ГОО

А.Долгор эгч маань одоо 70 дөхөж яваа гэхэд

Урлагийн тайзнаа дэлхийн сонгодогуудыг амилуулж, “Бодлын цагаан хун” , “Эр хүн” , “Аргалд явсан ээж” , “Монголын тал нутаг”, “Аав ээж хоёр” зэрэг ард түмний сэтгэл хоногшсон олон уран бүтээлийг төрүүлсэн уран бүтээлч бол МУАЖ А.Долгор эгч билээ. Тэрээр 1955.07.01-ний өдөр төрсөн.

Багаасаа л дуучин болохыг мөрөөддөг байсан ч Зоотехникчийн мэргэжил эзэмшиж байжээ. Мөн энэ чиглэлээрээ ажиллаж ч явсан удаатай. Гэвч хүсэл мөрөөдөлдөө үнэнч үлдэж одоогийн ийм хүндэтгэлтэй уран бүтээлч болсон билээ. Ээж нь , эмээ нь их сайхан дуулдаг хүн байсан хэмээн хэлж байсан удаатай. Эмээ нь 85 насныхаа найран дээр уртын дуу хүртэл дуулж байсан гэнэ шүү.

Насаар минь тэжээх авъяасыг аав, ээж ,багш гурав маань өгсөнд их талархаж явдагдаа хэмээн ярьдаг юм билээ. А.Долгор эгчийн маань ээж нь “Учиртай гурван толгой”-ийн Нансалмаагийн дүрд дуулж явсан удаатай. Өвөө нь бас их сайхан хуурддаг хүн байсан гэдэг. Тэрээр “Аав маань ч гэсэн их сайхан дуулдаг хүн байсан. Надад гэр бүлээрээ концерт хийж байсан бичлэг одоо болтол бий ” хэмээн нэгэн ярилцлагандаа дурьдаж байжээ.

Тэрээр нэгэн ярилцдагандаа ханийнхаа тухай хэлэхдээ: “Миний хань ямар ч хүнийг хайрлаж чадах хүн, хосгүй сайн хүн. Хүнд сайн хань заяана гэдэг буpхны хишиг юмуу даа. Ер нь миний тоглолтын ард миний хань л байдаг юм шүү дээ” хэмээн ярьж байжээ. Сайн хань , сайн үр хүүхэдтэй хүн сайхан өтөлдөг гэдэгдээ. Тиймдээ ч А.Долгор эгч маань ийм мөнхийн залуу байдаг байхдаа. Өөрөө ч их биеэ сайхан авч явдаг хөдөлмөрч эмэгтэйдээ

error: Content is protected !!