Сонирхотой мэдээлэл

БИЕ ХҮНИЙ ОНЦЛОГ ШИНЖИЙГ ОНОШЛОХ АЙЗЕНКИЙН АСУУЛГА

Асуултанд ”Тийм” эсвэл ”Үгүй” гэж хариулна. Асуулт бүрийн дугаар дээр хариултын хувилбараа сонгож бичнэ.

АЙЗЕНКИЙН АСУУЛГА

  1. Та шуугиан чимээнд дуртай юу?
  2. Таныг дэмжих найз нөхөд үргэлж хэрэгтэй байдаг уу?
  3. Таниас ямар нэг юм гуйхад хариуг нь үргэлж хурдан өгдөг үү?
  4. Та ямар нэг зүйлд уцаарлах зүйл байдаг уу?
  5. Таны сэтгэл санаа үргэлж өөрчлөгддөг үү?
  6. Таньд хүүхдүүдтэй байхаас ном уншсан нь амар , таатай санагддаг уу?
  7. Янз бүрийн санаа бодол унтахад чинь үргэлж саад болдог уу?
  8. Таньд юу гэж хэлсэн тэр л байдлаар нь юмыг үргэлж хийдэг үү?
  9. Та хэн нэгнийг шоолох дуртай юу?
  10. Та онцыг шалтгаангүйгээр өөрийгөө азгүй хүн гэж бодож байсан уу?
  11. Та өөрийгөө хөгжилтэй хүн гэж хэлж чадах уу?
  12. Та сургуулийн дүрмийг зөрчиж үзсэн үү?
  13. Та үргэлж цухалддаг уу?
  14. Та бүх юмыг хурдан хийх дуртай юу?
  15. Хэдийгээр бүх юм сайхан болсон боловч гарч болзошгүй байсан аймшигтай бүх зүйлийн талаар таны сэтгэл зовнидог уу?
  16. Аливаа нууцыг таньд найдаж болох уу?
  17. Үеийн нөхдийнхөө уйтгартай байдлыг онцын хүндрэлгүйгээр хөгжөөнтэй болгож чадах уу?
  18. Онцын шалтгаангүйгээр /биеийн ачаалал/ зүрх чинь хүчтэй цохилдог уу?
  19. Хэн нэгэнтэй нөхөрлөхийн тулд та ихэвчлэн эхний алхам хийдэг үү?
  20. Хэзээ нэгэн цагт та худал ярьж байсан уу?
  21. Таны ажлыг шүүмжлэхэд та амархан гутардаг уу?
  22. Та үргэлж өөрийн найз нөхөддөө инээдтэй зүйл ярьж хошигнодог уу?
  23. Та өөрийнхөө ядарсаныг үргэлж мэдэрдэг үү?
  24. Та үргэлж эхлээд хичээлээ хийж дараа нь бусад зүйлсээ хийдэг үү?
  25. Та ихэвчлэн сэтгэл хангалуун хөгжилтэй байдаг уу?
  26. Та гомдомтгой юу?
  27. Та бусад хүүхдүүдтэй харилцахдаа их дуртай байдаг уу?
  28. Гэрийн ажилд туслах тухай эцэг эхийнхээ саналыг та үргэлж биелүүлдэг үү?
  29. Таньд толгой эргэх үе тохиолддог уу?
  30. Таны үйлдэл зан байдал чинь бусад хүмүүсийг эвгүй байдалд оруулах үе гардаг уу?
  31. Таныг ямар нэг зүйл залхааж байна гэж үргэлж боддог уу?
  32. Та заримдаа гайхуулах дуртай юу?
  33. Танихгүй хүмүүсийн хүрээлэлд орохдоо та ихэвчлэн чимээгүй суудаг уу?
  34. Та заримдаа суудалдаа тогтож чадахгүй болтолоо сэтгэл догдолдог уу?
  35. Та ихэвчлэн шийдвэрийг хурдан гаргадаг уу?
  36. Багш байхгүй үед ч гэсэн та ангидаа хэзээч үймүүлдэггүй юу?
  37. Та үргэлж аймшигтай зүүд зүүдэлдэг үү?
  38. Та найз нартайгаа хөгжилдөж чөлөөтэй байдлыг мэдэрч чаддаг уу?
  39. Та амархан гонсойдог уу?
  40. Хэн нэгний тухай та муугаар ярих үе тохиолдсон уу?
  41. Та ихэвчлэн нэг их бодолгүйгээр хурдан ярьж , үйлддэг үү?
  42. Хэрэв та эвгүй байдалд орвол дараа нь удаан сэтгэл зовнидог уу?
  43. Таньд шуугиантай , хөгжилтэй тоглоом их таалагддаг уу?
  44. Та үргэлж юу өгсөнийг голохгүй иддэг үү?
  45. Таниас ямар нэг зүйл хүсэхэд ”үгүй” гэж хэлэхэд хэцүү байдаг уу?
  46. Та үргэлж айлд зочлох дуртай юу?
  47. Таниас ямар нэг юм хүсэх үе тохиолддог уу?
  48. Та эцэг , эхтэйгээ бүдүүлэг харьцаж байсан уу?
  49. Хүүхдүүд таныг хөгжилтэй гэж боддог уу?
  50. Та хичээлээ хийж байхдаа байнга сатаардаг уу?
  51. Та нийтийн цэнгээнд идэвхитэй оролцохоос илүүтэйгээр харж суудаг уу?
  52. Та янз бүрийн бодлоос болоод унтахад ихэвчлэн хэцүү байдаг уу?
  53. Та хийх ёстой зүйлээ хийж чадна гэдэгтээ бүрэн итгэлтэй байдаг уу?
  54. Та өөрийгөө ганцаардмал гэж бодох үе байдаг уу?
  55. Та шинэ хүмүүстэй анх ярихдаа ичдэг үү?
  56. Та юмыг өнгөрсөн хойно нь хөөцөлддөг үү?
  57. Хэн нэгэн хүүхэд таньруу уурлавал та бас хариуд нь уурладаг уу?
  58. Та заримдаа онцын шалтгаангүйгээр баярлах, гуних үе байдаг уу?
  59. Та үеийнхнийхээ хөгжилтэй байдлаас жинхэнэ баяр хөөр таашаал авах нь хэцүү гэж үздэг үү?
  60. Та ямар нэг зүйлийг бодолгүй хийснийхээ төлөө санаа зовинох үе нилээд тохиолддог уу?

ТҮЛХҮҮР

  1. Экстраверсия /Э/ шинж

Дараах дугаарын асуултуудад хэдэд нь тийм гэж хариулсанаа тоолоорой

Тийм: 1, 3, 9 ,11, 14, 17, 19, 22, 25, 27, 30, 35, 38, 41, 43, 46, 49, 53, 57

Дараах дугаарын асуултуудад хэдэд нь үгүй гэж хариулсанаа тоолоорой

Үгүй: 6, 33, 51, 55, 59

Ийнхүү дээрх тийм , үгүй дээр нийт хэдэд нь таарсанаар Экстраверсия /Э/ шинжийн тоо гарч ирнэ. (Жишээ нь 1 дугаартай асуултанд тийм гэж таарсан, 17дугаартай асуултанд тийм гэж таарсан. 6дугаартай асуултанд үгүй гэж таарсан, 51 дугаартай асуултанд үгүй гэж таарсан бол Экстраверсия /Э/ шинжийн тоо 2+2=4 гэсэн үг)

2. Нейротизм /Н/ шинж

Дараах дугаарын асуултуудад хэдэд нь тийм гэж хариулсанаа тоолоорой

Тийм: 2, 5, 7, 10, 13, 15, 18, 21, 23, 26, 29, 31, 34, 37, 39, 42, 45, 47, 50, 52, 54, 56, 58, 60

Ийнхүү дээрх тийм дээр нийт хэдэд нь таарсанаар Нейротизм /Н/ шинжийн тоо гарч ирнэ. (Жишээ нь 5 дугаартай асуултанд тийм гэж таарсан, 10 дугаартай асуултанд тийм гэж таарсан бол Нейротизм /Н/ шинжийн тоо 1+1=2 гэсэн үг)

Хэв шинжийн хүснэгт

Хэв шинжийн төрөл Экстраверсия /Э/ шинжийн тоо Нейротизм /Н/ шинжийн тоо
10-40-4
220-240-4
320-2420-24
40-420-24
50-44-8
60-416-20
70-48-16
84-80-4
98-160-4
1016-200-4
1120-244-8
1220-248-16
1320-2416-20
1416-2020-24
158-1620-24
164-820-24
1716-204-8
184-816-20
194-84-8
2016-2016-20
2112-168-12
228-128-12
2316-208-12
2412-164-8
258-124-8
264-88-12
274-812-16
288-1216-20
2912-1616-20
3016-2012-16
318-1212-16
3212-1612-16
Энэхүү хүснэгтэн дэхь 32 төрлийн хэв шинжийн алийг нь болохыг Экстраверсия /Э/ болон Нейротизм /Н/ тооны харьцаагаар нь дээрх хүснэгтээс хайж олоорой. Жишээ нь: Экстраверсия /Э/-ийн тоо 3 , Нейротизм /Н/-ийн тоо 17 гарвал 6-р төрлийн хэв шинжтэй хүн гэж оношилно.

Ийнхүү дээрх 32 төрлийн шинжийн тайлал:

Хэв
шинжийн
төрөл
Шинж чанарын илрэлЗасах арга зам
1-р төрлийн хүнАмгалан тайван, дөлгөөн, даруухан, найзлах эгж хүнийг залхаадаггүйч мөн үгүйсгэдэггүй. Өөрийн зөв гэж үзсэн үед зөрүүд. Ямарч нөхцөлд ухаалаг шийдвэр гаргаж чаддагХүмүүжүүлэгч нарыг бага зовоодог. Тиймээс багш , дасгалжуулагч , дарга нарын анхаарал тавихгүй байгаад үргэлж шаналдаг. Гол хандлага-тухайн хүнд бүлгийн анхаарлыг хандуулах замаар өөрийн үнэлэлтийг дээшлүүлэх. Хувь хүнд ажлын эрч хүчийг сонгох бололцоо байвал зохимжтой. Ийм шинжийн үнэт чанар нь даруу зан, уужуу тайван самбаатай байдал
2-р төрлийн хүн Баяр баясгалантай, нийцтэй яриасаг. Хүмүүсийн нүдэнд өртөх дуртай. Өөдрөг, амжилтанд итгэдэг. Өнгөц. Хүмүүсийг амархан уучилдаг. Зөрчилдөөнийг тоглоом шоглоомоор өнгөрөөдөг. Сэтгэлийн хөдөлгөөнтэй. Шинэ зүйлд тэмүүлдэг, ажиггүй. Бүх хүмүүсийн хайрыг татдаг. Үр дүнд хүрч чаддаггүй буюу сонирхол нь түргэн буурдагХөдөлмөрч байдлыг урамшуулах, шинэ зүйлд тэмүүлэх төрөлхийн чанарыг нь ашиглах. Шургуу, зохион байгуулалттай, сахилга баттай байхад сургах. Цагаа зохион байгуулахад сургах.
3 -р төрлийн хүн Идэвхитэй, дайчин чанар илүү сайн хөгжсөн , шургуу , шооч. Бүх хүмүүстэй адил тэгш харьцахыг хүсдэг. Нэр хүндэд маш дуртай. Өөрийг нь тоохгүй байхыг тэсвэрлэдэггүй. Ахмад хүмүүстэй зөрөлдсөн тохиолдолд сөргөлдөгч байр суурь баримталдаг. Хүмүүжүүлэх үндсэн арга нь хүндэтгэх. Өөрийг нь тайван, сайхан сэтгэлтэй гэж итгүүлэн үнэмшүүлэхэд үндэслэх хэрэгтэй. Сөргөлдөөний үед шууд шийдвэрлэх гэж оролдох хэрэггүй. Дараа тайван нөхцөлд хэлэлцэх хэрэгтэй. Ингэхдээ сэтгэлийн онцгой хөдөлгөөнгүйгээр шийдвэрлэхэд анхаарлаа хандуулах. Ийм өсвөр насныханд зохион байгуулах авъяас чадвар, нөөцөө илрүүлэх боломж их чухал
4 -р төрлийн хүн Тайван бус , сэрэмжтэй, өөртөө итгэлгүй. Халамж анхаарал эрдэг. Нийцтэй биш , амархан гомддог. Дасан зохицохдоо удаан. Идэвхитэй амьдралыг сонирхдоггүй, бясалгагч, философид дур сонирхолтой. Нөхцөл байдлыг хүндээр тусгадаг.Дэмжлэг чухал. Бусад хүүхдийн доог тохуунаас хамгаалах. Бодох тунгаахын сайн эерэг талыг харуулах идэвхитэй харьцаа нэг их шаардахгүй үйл ажиллагаа сонгох. Бусдыг сонирхох сонирхолыг идэвхижүүлэх. Эрч хүчтэй сайхан сэтгэлтэй хүмүүстэй илүү зохицдог.
5 -р төрлийн хүн Тайван бодож бясалгах дуртай. Амьдралд сонирхол бага. Дотоод бодол санаандаа илүү хандсан. Дуулгавартай, тоомсоргүйӨөрийн үнэлэмжийг нь нэмэгдүүлэх шаардлагатай. Ингэснээр ажил сургуульд татагдах төвшин нэмэгдэнэ. Чадварых нь хүчтэй талыг олж ажилд дур сонирхолтой болгох шаардлагатай.
6 -р төрлийн хүн Биеэ баримтгай, аймтгай, мэдрэмтгий. Танихгүй орчинд ичимтгий. Өөртөө итгэлгүй, зөгнөх мөрөөдөх дуртай. Олон хүнд дургүй, философидох дуртай. Өөрийн хүчинд бага итгэдэг, томоотой. Нөхцөл байдлыг хэтрүүлдэггүй. Түгшүүртэй, шийдмэг бусДэмжиж туслах , бүлгийн өмнө түүний сайн талыг харуулах. Сул дорой хүмүүст туслах зэрэг ажилд татан оролцуулах. Энэ нь түүний өөрийн үнэлэмжийг нэмэгдүүлж амьдралыг илүү өөдрөг харахад түлхэнэ
7 -р төрлийн хүн Ажилд дуртай, идэвхитэй, даруу төлөв, бүрэг. Шударга үнэнч нөхөр. Маш сайн чадварлаг туслагч гэвч муу зохион байгуулагч. Харилцаанд ихээхэн ач холбогдол өгдөг. Гэвч заримдаа уйтгартай сургаал айлддаг. Ажилд чөлөөт журам хэрэгтэй, урамшуулж , саначлагыг идэвхижүүлэх. Биеэ дааж үйл ажиллагаа хийхийг нь дэмжих. Олон нийтийн дунд зэмлэхээс зайлсхийх. Өөрийн үнэн зөв болон хүчинд итгэх итгэлийг төрүүлэх сохроор итгэх явдлыг гаргуулахгүй байх
8 -р төрлийн хүн Тайван, хамтач, урлаг уран сайханд авъяастай. Бүтээхээс илүү бясалгадаг. Амжилтыг тэр болгон тоодоггүй. Бусдын адил амьдрах дуртай. Харилцаанд жигд , тэсвэртэй, гүнзгий сэтгэл догдлолгүй. Сөргөлдөөнөөс амархан зайлж гарч чаддагҮйл ажиллагаанд идэвхижүүлэх. Их сонирхол татах ажлыг олох. Жишээ нь : урлаг уран сайхантай холбоотой. Амжилтыг нь урамшуулах, нийгмийн оюун ухааны хөгжилд нь ихээхэн анхаарах
9 -р төрлийн хүн Идэвхтэй , амьдралын баяр баясгалантай, нийтэч. Муу нөлөө бүхий хүмүүст амархан автамтгай. Шинийг эрж, мэдэх дуртай. Нийгмийн оюун ухааны хөгжил сул. Өөрийн үнэлэлт болон үнэлэх чадвар сул. Зарчимч хатуу хандлага бараг байдаггүй. Эрч хүчтэй, итгэмтгий. Нилээд хатуу, дайчин шинжтэй, дэг журам хэрэгтэй. Сайн харилцаа тогтоохыг эрмэлзэх. Гэхдээ түүнийг ажиглаж байгааг гэдгийг мэдэрч байх ёстой. Ашигтай үйл ажиллагаанд татан оролцуулах. Ингэхдээ үйл ажиллагааг нь хамтарч төлөвлөх (хугацаа , биелэлтэнд нь хатуу хяналт тавих). Хүчтэй удирдагчтай, эерэг хандлага бүхий бүлэгт оруулах
10 -р төрлийн хүн Урлагийн авъяастай , бусдыг хөгжөөх дуртай. Хангалттай шургуу биш, нийтэч. Тэнцвэртэй. Сонирхолтой зорилгод хүрэхэд чиглэсэн хүчин чармайлтыг нь дэмжих. Авъяасыг нь урамшуулах
11 -р төрлийн хүн Идэвхтэй, нийтэч , сайхан сэтгэлтэй, нэр хүндэд дуртай. Эрсдэлтэй зугаа цэнгэлд амархан татагддаг. Найз нөхдөө сонгож чаддаггүй. Зорилгодоо хүрэх хэрэгслээ сонгохдоо муу. Амиа хичээгч , зохион байгуулах авъяастай.Зохион байгуулах авъяас чадварыг урамшуулж дэмжих. Удирдагч байж болно. Гэвч хяналт тавих хэрэгтэй. Биеэ тоохоос нь сэргийлэх. Хамт олны шүүмжлэлийг зайлшгүй тохиолдолд хүлээн зөвшөөрч болно.
12 -р төрлийн хүн Дэг журамд захирагддаг. Зохион байгуулагч , урлаг спортод дуртай. Идэвхитэй , амархан дурладаг. Сэтгэлийн хөдөлгөөнтэй. Төрөлхийн удирдагч (ажил хэрэг сэтгэл хөдлөлийн хувьд ч ). Удирдагчийн авъяасыг нь дэмжих, ажил хэрэгт чиглүүлэх
13 -р төрлийн хүн Төвөгтэй хэв маяг. Эрчтэй, нэр алдарт дуртай, ихэрхүү. Оюун санааны өндөр чиг хандлага бараг байдаггүй. Өдөр тутмын хэрэгцээг өндөрт тавьдаг. Амжилтанд хүрэхийг бүх хүчээр эрмэлздэг. Азгүй хүмүүсийг үзэн яддаг. Нийтэч, шаардлагыг хатуу тавьдагБиеэ тоох хандлагатай учир ”хүрээнд” барьж байх, хатуу тууштай байх, хувь хүний эерэг чанарыг нь бусдад харуулах. зохион байгуулах үүрэг гүйцэтгэж болно. Тэгэхдээ үүрэг даалгавар биелүүлэхийг шаардах. Гоо зүйн хүмүүжил чухал
14 -р төрлийн хүн Эзэрхэг, сэжиглэмтгий, ёсорхог. Нэгдүгээрт байхыг эрмэлздэг. Сул доройг доромжлох хандлагатай. Атгаг үзэлтэй, дарангуйлах хандлагатай. Нөхөрсөг хандах. Удирдах бололцоог олгох, гэвч хүмүүст биш бичиг цаасанд илүү анхаарал тавихуйц байр сууринд байлгах. Эр зоригийг нь урамшуулах, бусдад хүндэтгэлтэй хандах хандлагыг нь төлөвшүүлэх
15 -р төрлийн хүн Үргэлж сэтгэл ханамжгүй, үглэдэг , өөдгүй зантай. Ялимгүй юманд амархан эмзэглэдэг. Цочмог, атаархагч, ажил хэрэгт итгэлгүй. Харилцаанд захирагдах байр суурьтай. Бэрхшээлийн өмнө бууж өгдөг. Найз нөхөдгүй , зожиг, муу санаатай. Сул дуу хоолойтойЯрилцахдаа биеийн байдал , амжилтыг нь сонирхох. Бичиг хэргийн ажил төрөл даалгах. Биелэлтийг хамт олон дунд урамшуулах. Байнга анхаарал тавих , хувь хүнийх нь хувьд харилцахыг шаарддаг.
16 -р төрлийн хүн Сэтгэлийн өндөр мэдрэмжтэй хэв маяг. Хүнд итгэдэггүй, дуугай, гомдомтгой, өөрийгөө хайралдаг, шүүмжлэгч. Гутранги үзэлтэй. Дүгнэж нэгтгэх сэтгэлгээтэй,өөртөө итгэлгүйАнгийханы өмнө сайн талыг нь урамшуулах, хүндэтгэх , хамгаалах. Зөв шударга шүүмжлэлийг дэмжих
17 -р төрлийн хүн Маш сэтгэлийн хөдөлгөөнтэй, нийтэч , амьдралын баяр баясгалантай , дурламтгай. Бүх хүнтэй нөхөрлөдөг. Найз нөхдөө сонгохдоо тааруу. Хүүхдэрхүү, тууштай биш, бусдад таалагддаг. Удирдагч байхыг эрмэлздэггүй. Нөхөрсөг харилцааг илүүд үздэг.Эерэг сэтгэлийн хөдөлгөөнийг нь дэмжих. Сонирхол хүслийг нь дэмжих, анги бүлгийн өмнө илтгэл тавиулах гэх мэт. Тууштай, туйлбартай болгоход зоригийн талд нь анхаарах.
18 -р төрлийн хүн Өрөвч, найз нөхөдтэй байхыг илүүд үздэг. Сул доройг дэмжин тусладаг. Тайван, даруухан , бүрэг, өөртөө итгэлгүй , бясалгагч, тааламжгүй нөхцөлд амархан болгоомжилдогИдэвхитэй хандлага төлөвшүүлэхэд анхаарах. Зорилгодоо хүрэх идэвхитэй байдал төлөвшүүлэх, холбоо харилцаа тогтоох зэрэгт нь туслах. Олон нийтийн өмнө тэдний сөрөг үнэлэлтийн талаар хэлэлцэх хэрэггүй
19 -р төрлийн хүн Тайван хэв маяг. Дуугүй хянамтгай. Тууштай , биеэ даасан , шургуу, удаан ажигладаг. Сэтгэлийн хөдөлгөөн сулӨөрийн үнэлэмжийг нь дээшлүүлэх. Чадварыг нь хөгжүүлэх. Өндөр хариуцлага шаардсан ажил даалгаж болно (тэгэхдээ хүнтэй бус харин бичиг цаасны ажил их байх ажилд). Зөвлөгөө хэрэгтэй
20 -р төрлийн хүн Сэтгэлийн хөдлөл сулавтар. Хамт олны эсрэг өөрийгөө тавих дуртай. Өөртөө ач холбогдолтой үнэт зүйлд хүрэхдээ шургуу.Тэсвэртэй зөөлөн хандлага чухал. Спорт, техникт дуртай болгоход анхаарах, гоо зүйн хүмүүжил чухал. Хүчтэй удирдагч бүхий бүлэгт татан оролцуулах
21 -р төрлийн хүн Маш эрчтэй, амьдралын баяр баясгалантай. Бүх хүмүүсийн хайртай хүн. Авъяаслаг, амархан сурдаг , бага ядардаг. Эдгээр чанар байлааа ч гэсэн сөрөг үр дүнтэй байдаг. Ийм хүмүүс нь тэдэнд бүх юм их амархан байдагт дасчихсан байдаг. Ингээд тэд зорилгодоо хүрэх гэж шаргуу тэмүүлдэггүй. Юмыг амархан орхидог. Нөхөрлөлдөө өнгөц ханддаг. Нийгмийн оюун ухааны хөгжил сулНайрсаг, хатуу чанд харилцаа чухал. Удирдах байр сууринд сонгох хэрэггүй. Өгсөн үүрэг даалгаврыг биелүүлэхийг хатуу шаардах. Үйл ажиллагааг хамтран төлөвлөж биелэлтэнд нь хяналт тавих. Энэ нь зорилгодоо хүрэхэд сургана, мөн дэг журманд сургах юм
22 -р төрлийн хүн Маш их идэвхигүй , хайхрамжгүй. Өөртөө итгэлтэй. Бусад хүмүүст хатуу шаардлагатай, муу санадаг. Ихэнхдээ идэвхигүй зөрүүд, маш ёсорхог, ялимгүй юманд эмзэглэдэг. Ухаантай, бусдын саналыг тоомсорлодоггүй.Хүмүүжүүлэгч түүнийг сонирхож байгаа гэдгийг мэдрүүлэх. Ялимгүй зүйл болон биеийн байдлыг асууж байх. Ажил өгөхдөө хичээнгүй нягт ажиллагаа шаардсан , тооцоо журнал хөтлөх зэрэг ажил даалгах. Гүйцэтгэлийг нь магтах. Сонголт (хувийн) хийхэд нь туслах
23 -р төрлийн хүн Нийтэч , идэвхитэй санаачлагатай. Өөрийгөө удирдаж чаддаг. Зорилгодоо хүрч чаддаг. Нэр хүндэд дуртай. Бусдын хүндэтгэл итгэлийг хүлээдэг. Зохион байгуулах удирдах ажилд авъяастай. Удирдах ажил хийх боломж олгох. Бүлгийн болон хувийн асуудал шийдэхэд нь туслах. Ачаалал нь хэвийн байхад анхаарах (хичээл, олон нийтийн болон үйлдвэрлэлийн)
24 -р төрлийн хүн Идэвхитэй, эрчтэй. Дунд зэрэг нийтэч. Цөөхөн найзтай, зорилго тавьж түүндээ хүрч чаддаг. Өрсөлдөөнд дургүй. Заримдаа гомдомтгой. Тайван , итгэлтэй харилцаа чухал. Ажил хэрэгч хатуу харилцааг хойш тавих нь чухал
25 -р төрлийн хүн Идэвхитэй , заримдаа тэсрэмтгий, заримдаа хөгжүүн. Ихэвчлэн тайван, хайхрамжгүй. Санаачлага тэр болгон гаргаад байдаггүй, зааврыг биелүүлдэг. Нийгмийн харилцаа холбоонд идэвхгүй. Байнгын нэгэн хэвийн чимхлүүр ажилд дур сонирхолтойТайван, ажил хэрэгч харилцаа чухал. Ганцаараа хийх ажил өгөх нь илүү. Захиргааны ажилд сайн
26 -р төрлийн хүн Тайван, тэсвэртэй, ёсорхог. Нэр хүндэд дуртай. Зорилготой. Хатуу , зарчимч, заримдаа гомдомтгойИтгэсэн харилцаа , ажлын тайван байдал чухал. Гүйцэтгэлийг нь анги бүлгийн өмнө урамшуулах өөрийн хүчиндээ итгэлтэй болгох талаар ажиглах
27 -р төрлийн хүн Меланхолик, маг мэдрэмжтэй, дотно, итгэлтэй харилцааг үнэлдэг, тайван. Хошин шогийн мэдрэмжтэй. Өөдрөг, заримдаа сэтгэл гутралд ордог. Бодлогоширсон тайванИдэвхитэй тайван үйл ажиллагааны нөхцөлийг бий болгох. Урлаг, уран зохиолоор хичээллүүлэх
28 -р төрлийн хүн Хэрсүү, шаргуу , нэр хүндэд дуртай. Заримдаа түгшүүртэй байдалд өртөмтгий. Олон хүнтэй нөхөрлөдөггүй. Гомдомтгой биш. Зарчмын шийдвэр гаргахад биеэ даасан , гэвч сэтгэл хөдлөлийн хувьд ойр дотны хүмүүсээс хамааралтайӨөрийн үнэлэмжийг дээшлүүлэх. Өөртөө итгэлтэй байхыг дэмжин урамшуулах.
29 -р төрлийн хүн Орчны хүмүүст шаардлагаатай , зөрүүд , бардам, нэр хүндэд маш дуртай. Эрчтэй, нийтэч, дайчин. Амжилтгүй , азгүй байдлаа нуудаг. Хүмүүст үнэлүүлэх дуртайХарилцаа нь хүндэтгэл өндөр шаарлагад тулгуурлах. Мөн дутагдалыг нь хошин шог байдлаар хэлж болно
30 -р төрлийн хүн Бардам, тэргүүнд байх дуртай. Бүх юманд удирдагч байх дуртай. Эрчтэй, шаргуу, тооцоотой, тайван, эрсдэлд дуртайБиеэ тоох байдлыг гаргуулахгүй байх. Эерэг чармайлтыг нь дэмжих. Удирдах ажилд нь туслахдаа тушаах байдал гаргахгүй байх. Нийгмийн оюун ухааныг хөгжүүлэх
31 -р төрлийн хүн Орчны хүмүүст шаардлагаатай , зөрүүд , бардам, нэр хүндэд маш дуртай. Эрчтэй, нийтэч, дайчин. Амжилтгүй , азгүй байдлаа нуудаг. Хүмүүст үнэлүүлэх дуртай Харилцаа нь хүндэтгэл өндөр шаарлагад тулгуурлах. Мөн дутагдалыг нь хошин шог байдлаар хэлж болно
32 -р төрлийн хүн Нэр хүндэд дуртай. Бүтэлгүйтэл нь өөртөө итгэх итгэлийг нь бууруулдаггүй. Муу санадаг. Эрчтэй, зорилготой, зөрчилдөх дуртай. Буруу байсан ч бууж өгдөггүй. Сэтгэлийн хөдлөлийн хувьд хязгаарлагдмалЗөрчилдөөнт байдлыг дэмжихгүй байх. Нэр хүндэд дуртай байдалд үндэслэж нөлөөлөх. Нийгмийн оюун ухааныг хөгжүүлэхэд чиглэх

ЭХ СУРВАЛЖ: ШУТИС-”СЭТГЭЛ ЗҮЙН ШИЛДЭГ ТЕСТ” цуврал-1 номноос

Сонирхотой мэдээлэл

АРВАН ХОЁР ЖИЛТНИЙ ЕРӨНХИЙ ТӨӨРӨГ

ХУЛГАНА ЖИЛТЭН : Сүлд гараг нь Лхагва, амин гараг нь Мягмар, час өдөр нь Бямба, сүлд од нь Бүрваасад. Ивээл жил нь луу, мич, харш жил нь морь. Ажилсаг, сэтгэл гүнзгий, эд юм олох, хураах хуримтлуулах авъяастай. Сэтгэл нь амгалан бус ч явдал мөрөөрөө муу сэтгэлтнээс болгоомжлох явдал үгүй, хөгжилтэй. Гэхдээ түрэмгий ширүүн зангаа нууж байдаг ч жинхэнэ найзаасаа танил нь олон. Хэн хүнд итгэдэггүй, сэтгэхүйнхээ хөгжлийг амьдралдаа ашиглаж чаддаггүй, үнэнч. Хийж байгаа зүйлээ заавал дуусгадаг ч залиар амьдрахыг эрхэмлэдэг. Уур хилэнгийг нь өдөөх, айлгаж цочоох дайсан олонтой. Оюуны ажлыг илүү сонирхдог, өөртөө мөнгө харамладаггүй, үрэлгэн. Хайртай хүндээ бүхнийг зориулдаг. Луу жилтэнтэй амьдралаа холбовол сайн. Амьдралын эхний ба сүүлийн үе нь тайван, харин дунд үе нь саадтай. Ээлтэй эрдэнийн чулуу нь алмаз буюу очир-эрдэнэ, анар, хаш, ногоолин.

ҮXЭР ЖИЛТЭН : Сүлд гараг нь Бямба, амин гараг нь Лхагва, час өдөр нь Пүрэв, амин од нь Зэдра. Ивээл жил нь могой, тахиа, харш жил нь хонь. Үхэр жилтэн дуу цөөнтэй, даруу төлөв, удаан хөдөлгөөнтэй, тогтвортой арга , барил сайтай. Гаднах байдлаар тайван ч хурдан зантай, ажил нь бүтэмж муутай бол тэвчээр алддаг. Хүн захирах дуртай, сайн дарга удирдагч төрдөг. Тэд хөдөлмөрч, аж ахуйч, үндэсний өв уламжлал, ёс заншлаа хүндэтгэдэг. Гэр орондоо байх дуртай, гэр бүл үр хүүхдээ их хайрладаг. Эр, эм нь бие биеээ харддаггүй, эхнэр нөхрийн холбоонд үнэнч сэтгэлийг гол зүйл гэж үздэг. Амьдралын эхний үе тайван, хоёрдох үе нь саадтай. Ээлтэй эрдэнийн чулуу нь гартаам, маргад, шүр.

БАР ЖИЛТЭН : Сүлд гараг нь Пүрэв, амин гараг нь Бямба, час өдөр нь Баасан, сүлд од нь Маргашир, ивээл жил нь морь, нохой, харш жил нь бич. Баатарлаг, чадал ихтэй, сэтгэл хатуу, омог их, өөрөөсөө илүү хүн үгүй хэмээх бодомхой, явдал мөр нь ширүүн, бүдүүн хадуун ааштай, олон зүйлийг эргэцүүлэн боддог, худалдаа наймаа хийх, тоглох наадах дуртай. Их мартамхай, өвчин зовлон тусах нь бага, их төлөв ганцаардмал байдалтай. Тэд ажил хэргийн төлөө өөрийгөө зориулдаг, шудрага зантай ч тогтворгүй жижиг зүйлээр хөөцөлдөж ямар нэг хүнтэй маргалдаж байдаг. Тогтворгүй зантай, хүнд итгэдэггүй, хайр дурлал тал дээр азгүй. Луу, морь жилтэнтэй амьдралаа холбовол сайн. Харин Бичтэй амьдралаа холбовол сүйрнэ. Амьдралын эхний үе нь тайван боловч гэр бүл, мөнгөний асуудалд будилаан гарч магадгүй. Ээлтэй чулуу нь гартаам, анар, бадмаараг, очир-эрдэнэ.

ТУУЛАЙ ЖИЛТЭН : Сүлд гараг нь Пүрэв, амин гараг нь Бямба, час өдөр нь Баасан, сүлд од нь Бүдраабэл, ивээл жил нь гахай, нохой харин харш жил нь тахиа. Туулай жилтэн төлөв даруу, зөөлөн сэтгэлтэй , яриа сайтай боловч болгоомжтой талдаа. Хийсэн зүйл нь чанартай , гэртээ зочин авах дуртай. Тайван, уцаар багатай ч азгүй явдал гарвал амархан гутардаг. Өөрийн мэдэл багатай, амьдрал нь бусдаас их хамаардаг. Тайван амьдралд дуртай, бусдаас юм горьдомхой, голдуу зохиолч, хөгжимчин айлын гэр бүлд төрдөг. Хайр дурлалын асуудалтай их тулгарна. Амьдралаа Туулай, Гахай, Морь жилтэнтэй холбовол их сайн. Амьдралын эхэн үе ба сүүлийн үедээ сэтгэл тайван, дунд үедээ сэтгэл санааны хувьд жаахан дутмаг. Ээлтэй чулуу нь гартаам, биндэрьяа,индранил.

ЛУУ ЖИЛТЭН : Сүлд гараг нь Ням, амин гараг нь Лхагва, час өдөр нь Баасан сүлд од нь Хирдэг, ивээл жил нь бич, хулгана, харш жил нь нохой. Луу жилтэн хээгүй, тайвандуу, хэнэггүй, жижиг маргаанаар хөөцөлддөггүй, хэтэрхий зөөлөн, хүнд итгэмтгий, гэхдээ хэрцгий ширүүн байх тул энэ чанараасаа болоод ихэнхи хүмүүстэй нөхөрлөж чаддаггүй. Мэдрэмж сайтай , амьдралдаа их зүйлсийг шаарддаг ч өөрсдөө бүтээх нь ховор. Хэл амны хувьд тэвчээргүй, хүнтэй хэлэлцэж чаддаг ч түүн шигээ байж чаддаггүй. Төрөл бүрийн авъяастай, боловсролтой хэдий ч сэтгэлийн тэнхээтэй явж чадах нь ховор, ямар ч ажилд оролцож чаддаг. Урдаа том зорилт тавьж түүндээ хүрэх чадвартай боловч тэвчээр зориг, ажилсаг чанар дутмагаас хүрэх нь ховор. Жинхэнэ хайр дурлалаа олсон цагтаа зовлон эдлэхгүй ч амьдралаа хулгана, могойтой холбовол ээлтэй. Амьдралын эхний үе нь саадтай, дараа үеүүд нь тайван, хүссэн бүхэн нь биелэнэ. Ээлтэй эрдэнийн чулуу нь хув ,мана, индранил.

МОГОЙ ЖИЛТЭН : Сүлд гараг нь Мягмар, амин гараг нь Баасан, час өдөр нь Лхагва, сүлд од нь Хасда, ивээл жил нь үхэр, тахиа, харш жил нь гахай. Могой жилтэн уян зантай, хөгжилтэй, царайлаг түүнийгээ амжилт олохдоо үргэлж ашигладаг, яриа биш, сэтгэхүй сайтай, хийх зүйлээ дуустал нь хийдэг. Гаднах байдлаараа тайван сэтгэхүйтэй, санаандаа хүрэхийн тулд дэлхийг ч эргүүлж чадна. Мөнгө зээлдүүлэх дүргүй ч өөртөө таалагдсан, өрөвдсөн хүндээ тусламж их үзүүлдэг , хэтэрхий тусч чанар нь өөрт нь муу нөлөөлдөг. Жижиг зүйлийг хэмээс хэтрүүлдэг, мөнгө санхүүгийн талаар их азтай. Ямар ч ажлыг ямар ч нөхцөлд хийж чадна. Цагаа тулбал маш их ажлыг ч хийж чадна. Тэдний зөн совин, бусдыг мэдрэх чадвар бусад хүнийхээс илүүтэй хөгжсөн байдаг тул өндөр боловсрол эзэмшин сайн сэтгэл зүйч, эмч, багш болж чадна. Могой жилтнүүдийн дунд үзмэрч, гоц авъяастанууд цөөнгүй байдаг. Гэхдээ жаахан залхуу, тэвчээргүй, хартай, хайртай хүнтэйгээ чөлөө завгүй зууралддаг. Өөрөө хөнгөмсөг тул бусдыг өөртэйгээ адил төсөөлдөг. Амьдралаа үхэр жилтэнтэй холбовол ээлтэй. Амьдралын эхэн, дунд үед тайван, сүүлийн үед нь саадтай. Ээлтэй эрдэнийн чулуу нь анар, молор, бадмаараг.

МОРЬ ЖИЛТЭН : Сүлд гараг нь Мягмар, амин гараг нь Баасан, час өдөр нь Лхагва, сүлд од нь Анурад, ивээл жил нь бар, нохой, харш жил нь хулгана. Морь жилтэн бол үнэнч, олон хүн цугларсан газар байх дуртай. Спортын ямар нэг төрлөөр хичээллэх дуртай, сонирхолтой, найрсаг, хөгжөөнтэй, яриасаг, аятайхан төрхтэй. Улс төрд амжилт олдог, түүндээ сэтгэл ханамжтай, хүмүүсийг удирдаж чаддаг, хүний санаа бодлыг хурдан ойлгож тусгадаг. Хөдөлмөрч , соёлтой, сэргэлэн, өөртөө сайн итгэдэггүй. Хийх гэснээ зоригтой хийдэг хэдий ч хувиа хичээдэг, хүний үг авдаггүй, үг хатуу, сэргэх, доройтох нь хялбар, элдэв муу үйлд хэрэгт уруу татагдах нь хялбар тул болгоомжтой байх хэрэгтэй. Сэтгэл нь хурдан хувирамтгай ч сайн санхүүч байж чадна. Ямар ч юмыг хурдан сайн гүйцэтгэдэг. Мэргэжилдээ сайн, хүмүүст магтуулж байх дуртай. Хайр дурлалын төлөө бүхнийг орхидог ч амьдралаа бар, нохойтой холбовол сайн. Амьдралаа хулгана жилтэнтэй холбож болохгүй. Амьдралын эхэн дунд үе нь тайван биш сүүлдээ эе эвтэй сайн. Ээлтэй эрдэнийн чулуу нь анар, бадмаараг, молор.

ХОНЬ ЖИЛТЭН : Сүлд гараг нь Баасан, амин гараг нь Даваа, час өдөр нь Пүрэв, сүлд од нь Бүс, ивээл жил нь гахай, туулай, харш жил нь үхэр. Гадна төрхөөрөө аятайхан, эмзэг зөөлөн сэтгэлтэй, авъяаслаг, байгальд дуртай, гоёмсог хөөрхөн ч хувирамтгай байдлаараа эргэн тойрныхоо хүмүүсийг гутруулдаг. Цаг барьдаггүй, томоогүй явдал нь түүнийг үзэн ядуулахад хүргэдэг. Гэхдээ өөртөө таалагдсан хүмүүст таалагдаж чаддаг. Хүнийг ашиглаж бусдын тооцооноос авч амьдарч чаддаг. Шалтаг хэлэх дуртай, өөрийгөө удирдуулахыг хүсдэг ч урлаг уран сайханд амжилт олох боломжтой. Гаднах төрхөөрөө зөөлөн зантай ухаалаг, гэхдээ олон ааштай өөрийн мэдэл багатай, амьдрал нь бусдаас өглөг горьддог. Хурдан юм уу, удаан ярьдаг, яриа муутай, хайр дурлалын асуудалтай их тулгардаг. Амьдралаа гахай, туулай, морь жилтэнтэй холбовол сайн. Амьдралын эхэн, сүүлд сэтгэл тайван, харин дунд үедээ сэтгэл санааны хувьд дутмаг байна. Ээлтэй эрдэнийн чулуу нь гартаам, индранил.

БИЧ ЖИЛТЭН : Сүлд гараг нь Баасан, амин гариг нь Пүрэв, час өдөр нь Мягмар, сүлд од нь Бүс. Ивээл жил нь хулгана, луу, харш жил нь бар. Бич жилтэн наргианч чанараараа онцгой, хамт олон нь тэд нарт дуртай. Яриа сайтай, бусдад өөрийгөө сайнаар ойлгуулж чаддаг. Залирхуу өөрийгөө магтах дуртай бусдыг үзэн яддаг, шуналтай. Мэдлэг боловсролтой, түүнийгээ дээшлүүлэх эрмэлзэлтэй, сонин хачин зүйлийг сонирхдог, ой тогтоцын байдал нь тэдний эмх замбраагүй амьдралд тус болдог. Хэцүү асуудлыг хурдан шийдэж чаддаг ч эхэлсэн зүйлээ дуусгалгүй орхидог. Хүмүүсийг хуурч чаддаг, биеэ даамтгай. Уруудаж өгсөх нь хурдан, өөрийнхөө бодсоноор явдаг, хэрэгцээ гарвал худал хэлж хуурамч хэрэг хийж чадна. Тэднийг хэтэрхий уурлуулж загнаж болохгүй. Эрх тушаал хөөцөлддөг төдийгүй мөнгөний асуудал дээр залирхуу, бүх салбарт сайн ажилладаг. Хайр дурлалд аз муутай ч гутранги байдлаас алиа зан нь авардаг. Амьдралаа луу, хулганатай холбовол сайн, амьдралын эхэн үе нь аз жаргалтай, тайван ч дунд үе нь саадтай, ээлтэй эрдэний чулуу нь гартаам, биндэрьяа, болор.

ТАХИА ЖИЛТЭН : Сүлд гараг нь Баасан, амин гараг нь Пүрэв, час өдөр нь мягмар, сүлд од нь Зэдра, ивээл жил нь могой, үхэр, харш жил нь туулай. Тахиа жилтэн өөрийнхөө хэлж ярьж буй зүйлээсээ огт зовдоггүй. Хаяа хэрцгий, ууртай, бодсон санаснаа шууд хэлдэг, хүний хараа хяналтанд байх дуртай. Юун дээр ч өөрийнхөөрөө зүтгэдэг, онцгойдуу хувцасладаг. Нүдний харц бусдыг ширтэмхий, далдуур бусадтай нөхөрлөх дуртай. Их сэтгэдэг, эрэлхэг зоригтой, хэрэгцээ гарвал амьдралаараа дэнчин тавина. Оролдлого сайтай, их хөдөлмөрч. Хэрээсээ хэтэрсэн юмаар оролдох дуртай, бүтэхгүй бол амархан гутардаг, зөв ажлаа олж xийвэл баяжина. Олны дунд амьдрах дуртай. Том санхүүгийн ажил руу зүтгэх дуртай ч эдийн засагч болж чадахгүй, мөнгө амархан үрдэг. Үхэртэй амьдралаа холбовол жаргана. Үнэнч, хайртай хүнээ үргэлж хажуудаа байлгах дуртай. Амьдралынх нь сүүлчийн үед нь нэг сүйрэл, нэг ололт ээлжилнэ. Ээлтэй эрдэний чулуу нь очир-эрдэнэ, бадмаараг, молор.

НОХОЙ ЖИЛТЭН : Сүлд гараг нь Даваа, амин гараг нь Лхагва, час өдөр нь Пүрэв, сүлд од нь Аслис, ивээл жил нь бар, морь, харш жил нь луу. Нохой жилтэн нь дотуур тамиртай, хэрэгцээтэй үед санал бодлоо хэлдэг, зөрүүд зантай аливааг өөдөргөөр төсөөлдөггүй, гутрангуйгаар үздэг. Шударга бус зүйлд дургүйцдэг. Гадна төрxөөрөө хүйтэн харагдаг. Гэхдээ энэ нь худлаа. Үнэнч, шударга, нууц сайн хадгалдагч ч олон хүний дунд байх дургүй. Ажилгүй, азгүй тохиолдолд их гутардаг ч мөнгөний хэрэгцээ гарвал өөрийгөө хэнээс ч илүү хангаж чадна. Үйлдвэрийн салбарт гарамгай удирдагч, хүмүүжүүлэгч, хаа ч явсан үнэнч , ухаалаг, гэхдээ тэр нь нилээд хэцүү. Морь, туулай жилтэнтэй амьдралаа холбовол сайн ээлтэй эрдэнийн чулуу нь гартаам, хув.

ГАХАЙ ЖИЛТЭН : Сүлд гараг нь Лхагва, амин гараг нь Мягмар, час өдөр нь Бямба, сүлд од нь Браний, ивээл жил нь туулай, хонь, харш жил нь могой. Гахай жилтэн хүнд итгэмтгий муу санаагүй, хэнийг ч хуурдаггүй, гэхдээ хүч дорой хүмүүс биш, эе эвийг эрхэмлэдэг боловч сайн муу үйлдлийг алийг нь ч хийж чадна. Цөөн тооны найзтай, тэднийхээ төлөө юуг ч хийнэ. Таалагдсан хүндээ их анхааралтай ханддаг. Эмэгтэйчүүд нь бэлэг өгөх, баяр ёслол зохиох дуртай. Гэрийн сайн эзэгтэй, аливаа ажилд үнэн сэтгэлээсээ ханддаг, сайн эхчүүд. Мэдрэмж сайтай учир уран зохиол уянгын зүйлд их амжилт олдог. Ажил, амьдралдаа их зүтгэдэг, мөнгөтэй болж чаддаг ч гахайг хүн ашиглахыг боддог. Амьдралаа туулай жилтэнтэй холбовол сайн. Заль гаргаддаггүй, илэн далангүй.Зөв юмны төлөө хөөцөлддөг, хөгжилтэй, ярихдаа ярьсан шиг ярьдаг. Юм мэдэж авахыг эрхэмлэдэг ч гэхдээ учрыг нь олохгүй их юм уншина. Харахад мэдлэгтэй мэт боловч тийм биш. Аливаа ажлыг өөрийн арга барилаар хийдэг, юм хийхийн өмнө их боддог. Сэтгэлийн тэнхээ сайтай, амьдралын эхэн сүүлч үе нь тайван ч харин дунд үед нь гэр бүлийн асуудал их тулгарна. Ээлтэй эрдэнийн чулуу нь гартаам, биндэръяа, шүр.

Эх сурвалж: Д. Нямдаваагийн “Уншихгүй байж болохгүй” ном , taninmedehui.blogspot.com

Сонирхотой мэдээлэл

Зочид буудлын эзэн киноны жүжигчид 21 жилийн дараа

Эгшиглэх ая , үйл явдал , тоголсон жүжигчид гээд үнэхээрийн сэтгэлд үлдсэн Солонгосын олон ангит кинонуудын нэг бол “Зочид буудлын эзэн” кино яахын аргагүй мөн билээ.

Энэхүү кино нь 2001 онд бүтээгдсэн Өмнөд солонгосын олон ангит кино юм. Тус кинонд Bae Yong-joon, Song Yun-ah, Kim Seung-woo болон Song Hye-kyo гэх алдартай жүжигчид тоголсон юм.

Сөүлийн дээд зэрэглэлийн зочид буудлын ажилтнуудын ажиллах арга барил, өрсөлдөөн, энэ салбарын ажилтнуудын аз жаргал сайн сайхан, мөн хайр дурлал зэргийг голчлон харуулсан 20 ангит кино юм.

Энэхүү кинонд хоёр төрлийн хайрын түүх гардаг. Зочид буудлын менежер Хан тэ жүн болон сөрөг дүрийн эзний охин Юн Хи нарын хайр дурлал гардаг бол нөгөө нэг хайр дурлалын харилцаа нь томоохон эзэн Фрэнк Шин болон зочид буудлын үнэнч амбицтай ажилтан Со Жин Ён нарын хооронд үүсдэг.

Ингээд энэхүү кинонд тоголсоноосоо хойш буюу 21 жилийн дараа гол дүрийн жүжигчид маань хэрхэн өөрчлөгдсөнийг харъя.

Seo Jin Young-ийн дүрд тоглосон Song Yoon Ah

Shin Dong Hyuk / Frank-ийн дүрд тоглосон Bae Yong Joon

Han Tae Jun-ийн дүрд тоглосон Kim Seung Woo

Kim Yun Hee-ийн дүрд тоглосон Song Hye Kyo

Choi Young Jae-ийн дүрд тоглосон Park Jung Chul

Оцон шувуу хочтой дүрд тоглосон Choi Hwa Jung

Цөөвөр чоно хочитын дүрд тоглосон Heo Jun-Ho

error: Content is protected !!