ЭЕРЭГ МЭДЭЭ

Б.Энгүүнбат хүү өсөлтийн хоцрогдол , харааны бэрхшээлтэй ч гэсэн компьютер дээр хичээлээ бичдэг , цаашид одон орон судлахаар англи хэл сайн сурахаар төлөвлөж байна

Эх сурвалж: ETV

Өсөлтийн хоцрогдол , харааны бэрхшээлтэй Б.Энгүүнбат хүү өөрийн хүсэлтээр тусгай сургуулиасаа шилжин энгийн сургуульд 3 дахь жилдээ суралцаж байна. Брайль үсгээр хичээллэж байсан Энгүүнбат хүү ангийнханаасаа хоцрохгүйн тулд зөөврийн компьютер дээр арван хуруугаараа хурдан шивж сурсан байна.

Б.Энгүүнбат: Өмнөх тусгай сургуульд зааж байсан хичээл нь их хоцрогдолтой , би маш амархан бодчихдог байсан болохоор би энэ сургуульд арай л түрүүлж яваад байна гэсэн ойлголттой болоод тэгээд би өвөө эмээ , ээж аав нараасаа гуйж байгаад энэ энгийн хүүхдүүдийн сургуульд орсон. Өсөлтийн хоцрогдол , харааны бэрхшээлтэй л болохоос биш миний оюун ухаан бол энгийн хүүхдүүдийнх шиг учраас одоо энэ энгийн сургуулийн ангидаа хүүхдүүд мүүхдүүдээс асуухгүй хичээлүүдээ ойлгоод хийгээд явдаг. Бас компьютер дээр 10 хуруугаараа шивээд сурчихсан. Энгийн сургуульд суралцаж ангийнхнаасаа хоцрохгүйн тулд би зөөврийн компьютер дээр 10 хуруугаараа хурдан шивэхийг 3 долоо хоногийн дотор сурсан. Жишээ нь би одоо компьютер дээрээ “Монгол хэл” гэж бичээд харуулъя л даа.

Сэтгүүлч: Компьютер дээр шивж сурахад ер нь хэр хүндрэлтэй байсан бэ?

Б.Энгүүнбат: Сурахад амархан байсан. Компьютерийн кэйбоард дээр 10 хурууны байршил гэж байдаг. Кейбоардын голд тэмтрэхэд мэдрэгддэг тэмдэг байдаг тэрэнгээрээ баримжаа аваад 10 хуруугаараа шивдэг.

Өгүүлбэртэй бодлого бодоход ширээний найз нь Энгүүнбатад уншаад өгсөн тохиолдолд Энгүүнбат ямар ч асуудалгүй бодлогоо бодчихдог байна. Ангийнхан маань намайг шилжиж ирсэн цагаас хойш дэмжиж , цүнх болон зөөврийн компьютерийг хүртэл үүрч явж явдаг. Намайг хөгжлийн бэрхшээлтэй гэж ялгалгүй , ойлгож явдагт баярладгаа ч хэлж байлаа.

Б.Энгүүнбат: Миний ард сууж байгаа Элбэгзаяа гээд охин ойрхон гэртэй учраас намайг гэрээс маань ирж авдаг. Анги хамт олон маань гадуурхаж харьцдаггүй , зүгээр хүүхдүүдтэй харьцаж байгаа шигээ л харьцдагт нь талархдаг.

Сэтгүүлч: Ангийнхаа хүүхдүүдийн ойлгохгүй байгаа зүйлийг чи зааж өгдөг үү, чамд бас хүүхдүүд зааж өгдөг үү?

Б.Энгүүнбат: Ангийнхаа хүүхдүүдийн ойлгохгүй байгаа зүйлийг зааж өгдөг. Жишээ нь: Үдшийн гялаа гэж юу вэ? гэж асуухад би хэлэхдээ энэ бол “Сугар гараг” гэж хэлж өгдөг ч юмуу иймэрхүү байдлаар тусладаг. Би өөрөө ч ангийхнаасаа бас тусламж авдаг.

Сэтгүүлч: Байгаль орчины хичээлдээ их дуртай юмшиг байна тэ?

Б.Энгүүнбат: Байгаль орчин, сансар судлал одон оронг маш их сонирхож судалдаг.

Сэтгүүлч: Яагаад сонирхдог вэ?

Б.Энгүүнбат: Одон орон судлал хэзээ ч дуусна гэж байдаггүй , шинэ мэдээлэл гарч ирсээрл байдаг нь таалагддаг. Дээрээс нь гаригуудын үүсэл , яаж үүссэн нь их сонирхол татдаг. 3-р ангиасаа буюу энэ сургуульд орж ирсэнээсээ хойш дуртай болсон.

Сэтгүүлч: Чи ер нь ямар мэргэжилтэй болно гэж боддог вэ?

Би мэргэжлүүдийн талаар нилээд бодсон. Би хөгжимчин юмуу эсвэл технологийн салбарт ордог юмуу гэж боддог.

Түүний юм хүлээж авахдаа сайн , суралцахдаа хурдан , хичээмтгий зан чанарыг багш нь ч магтдаг. Ирсэн цагаасаа хойш хөгжүүлэхэд нь туслалцаа үзүүлсэн ангийн багш нь түүний хөгжлийн талаар ийнхүү ярилаа.

Нийслэлийн 50-р сургуулийн 5Г ангийн багш Х.Түвшинжаргал: Манай анги нийт 44 хүүхэдтэй. Энэ сурагч маань өөрөө сурах хүсэл эрмэлзэл ихтэй , аливаа юмыг их хурдан тогтоох ойлгох чадвартай учраас ерөнхийдөө боломж их өндөр байгаа. Би хичээлээ самбар дээр тайлбарлаж байх үед сонсохын зэрэгцээ давхар бичээд явдаг. Бусдад их заах , зөвлөх дуртай. Өөрийх нь сонирхол одон гараг, байгалийн ухаан талдаа сонирхолтой учраас тэр тухай мэдээллээ ангийхандаа ярих тохиолдол их элбэг байдаг.

Тусгай сургуульд сурахаар би хоцрогдоод байна гэж ээждээ хүсэлт гаргаж ийнхүү ээж нь түүнийг энгийн сургуульд оруулсан байна. Хувийн сургуульд хандсан ч хүлээж авах хувийн сургууль байдаггүй юм билээ гэр ярих тэрээр хүүдээ компьютер дээр хурдан шивэх дасгал зааж өгсөн байна. Хүү харааны бэрхшээлдээ эмзэглэдэггүй ч өсвөр нас эхэлсэнтэй холбоотой өсөлтийн хоцрогдолдоо бага зэрэг эмзэглэдэг талаар ээж нь хэлж байлаа. Харин харааны бэрхшээлтэй гэх мэдээллийг төрсөн аав нь эмзэг хүлээж аван хоёр тийш болсон ч одоо төрсөн ааваас дутахааргүй өөрийг нь хүлээн зөвшөөрсөн аавтай болжээ.

Б.Энгүүнбатын ээж Н.Энхзаяа: Төрсөн аав нь бол бүр нялх байхад нь салсан. Анхнаасаа танай хүүхэд хараагүй юм байна гэсэн мэдээллийг сонссоноос эхлээл цаашаа оршин тогтнох , хамт байх боломжгүй болсон. 1-рт тэр мэдээг яаж хэлж байгаа эмчийн ёс зүй муу байсан. Залуу гэр бүл энэ мэдээг яаж хүлээж авах уу , өмнө нь удамшлийн харааны бэрхшээлтэй хүн байна уу үгүй юу гээд тэр гэр бүлийг судалсан зүйлгүй , залуу гэр бүлд энэ мэдээг сонсгоход сэтгэлзүйн хувьд яах уу гэх мэт хандлага байхгүй зүгээр л унтуулгатай оношилгоонд ороод гараад ирэхэд пал хийтэл хэлээл , тэгээд л эх нялхасын хаалгыг саваад гарсан. Тэгээд л тэр гэр бүл цаашаа явах боломжгүй болсон. Тэгэхдээ бол одоо аавтай. Аав нь 1-р ангид нь байхаас эхлээд л Энгүүнээ хүүг маань дагаж явсан. Бүр ажлаасаа гараад л , хажууд нь туслах багшийг нь хийгээдл . Хүмүүс бүр гайхдаг. Төрсөн төрөөгүй хамаагүй хүүхдийг хүлээн зөвшөөрч , байгаагаар нь хүнийг хайрлана гэдэг маш агуу юм байдаг. Би хүртэл өөрөө хүүхдээ байгаагаар нь хүлээж авах гэж бараг л хоёр жил болсон.

Б.Энгүүнбат хүү маань том мөрөөдөлтэй . Одон орон судлах дуртай тэрээр англи хэл сурч байж энэ салбарынхаа шинэ мэдээллээс хоцрохгүй тиймээс англи хэлийг сайн сурах хэрэгтэй байна хэмээн ээждээ хандаж болжээ.

Эх сурвалж: ETV

ЭЕРЭГ МЭДЭЭ

Урлагийн хос багана Тэмка, Нарансолонго нарын гэр бүл

Урлагаас төрсөн Монголын сайхан гэр бүлүүдийн нэг бол яахын аргагүй С.Тэмүүжин , Г.Нарансолонго нар билээ.

X-түц продакшнаасаа өрх тусгаарлан өөрсдийн Эмоци продакшныг бий болгон чамгүй амжилтийг гарган яваа билээ.

Г.Нарансолонгыг ихэнх хүн гоё нүдтэй гэдэг бол Тэмка түүний чихэнд татагдаж байсан гэнэ. Харин бүсгүй маань ирээдүйн нөхрийнхөө цэвэрч , дэгжин байдалд татагдсан ажээ.

Одоо тэрээр гурван сайхан хүүхдийн аав ээж болон аз жаргалтай сайхан амьдарч байна.

Тэмка нэгэн удаа ярилцлагандаа: Монгол ард түмний хайртай эмэгтэйг эхнэрээ болгон авсан учраас хайртай эмэгтэйгээ муу явуулах эрх надад байхгүй хэмээн хэлж байжээ.

Нарансолонго маань нэгэн ярилцлагандаа: Манай Тэмка их халамжтай. Гэрт зочин ирвэл Тэмка маань л гардаж хоол хийнэ, би бол туслах тогооч маягаар л тусалдаг. Нөхөр маань өөрийнхөө хийнэ гэж зорьсон юмаа заавал хийж гүйцэлдүүлж байж л санаа нь амардаг тууштай хүн. Уурлах нь амархан , уур нь гарахдаа ч амархан бүх юм нь ил хүндээ.

Би бол их дөлгөөн , тайван хүн. Харин нөхөр маань их хөдөлгөөнтэй хүн. Нэг нэгнийхээ сул талыг нөхдөг. Бид уран бүтээлээ хийгээд үүрээр орж ирэх үе олон ч дуртай ажлаа хийж байгаа болохоор сэтгэл ханамжтай байдаг. Нөхөр маань аливаад чин сэтгэлээсээ хандаж, аливааг болгож бүтээхийн төлөө тэмцдэг хүн” хэмээн нөхрийнхөө тухай ярьсан юм.

С.Тэмүүжин “Boomtown” хамтлагт бүжиглэн урлагийн гараагаа эхэлж байсан билээ. Түүний ээж МҮОНТ-д ажилладаг байсан нь магадгүй урлагтай холбогдох нэг нөлөөлөл байсан байж магадгүй. Харин Г.Нарансолонгын хувьд 1998 онд СУИС-т орж , 19 насандаа “Зүүд шиг хайр” кинонд анх тоглон урлагийн гараагаа эхлүүлж байжээ.

Олон жил ханилан амьдарч буй үлгэр жишээ болсон хосуудынхаа гэр бүлд сайн сайхан бүхнийг хүсэн ерөөе.

ЭЕРЭГ МЭДЭЭ

Вокзалын төгөлдөр хуурч залуу хорт архинаасаа татгалзаж чаджээ

“Одоо дахиж архи амсахгүй ээ” гэх амлалтандаа хүрч бүх зүйлийг шинээр эхлүүлэхээр зүтгэж яваа Б.Анх-Амгалантай ярилцсан ярилцлаганаас хүргэж байна.

Сэтгүүлч: Таньд өдрийн мэнд хүргэе.

Б.Анх-Амгалан: Өөрийнхөө бичлэгийг өглөө нь үзээд би арайч ингэж явж болохгүй ээ гэж их юм бодогдсон. Ингэж хог дээр үсэрсэнээс хүн шиг амьдарч яагаад болдоггүй юм бэ? Урагшаа алханаа гэж бодсон. Өнгөрсөнрүүгээ биш урагшаа харж амьдаръя гэсэн зорилго тавьсан даа.

Олон сар , жил уусан хүн чинь шоконд орно , бие хаа өвдөнө. Бараг л 7 хоног босож чадахгүй хэцүү байсан. Яг тэр үед “100 грамм архи татчих юмсан” гэж бодогдож л байсан. Тэгэхдээ би тэгээгүй. Чичирч хэвтсээр байгаад өөрийгөө зүгээр болголоо. Дуу хөгжимөө тоглоод явж байгаа минь нөгөө талаараа залуучууддаа бас зөв уриалахын тулд байгаа юм. Хүн хэдий муу зуршилтай ч гэсэн архийг бас нам зогсоож болдог шүү гэж уриалах гээд гадуур их явдаг.

Жил , хоёр жилийн дараа архи уухгүй явж байхад “Архи уухгүй хоёр жил болж , нээрэн ингэж болдог юм байна” гэж залуучуудад бодогдох болов уу? гэж бодож зорьдог.

Сэтгүүлч: Заримдаа архи уумаар бодогдох юмуу?

Б.Анх-Амгалан: Архи уух сэдэл байхгүй болсон. Энэ бол ерөнхийдөө зүгээр л сэтгэл санааны л асуудал. Өөрөө л больё гэвэл больчихоор. Яг үнэнийг хэлэхэд “Архинд донтлоо , шартлаа , уулаа ” л гэдэг энэ нь яс юман дээрээ өөрсдийнх нь сэтгэл санааны л асуудал. Өөрөөр хэлбэл дурандаа л уудаг байхгүйюу.

Сэтгүүлч: Архи уудаг хүрээлэлтэй болчихсон байгаа. Тэр хүмүүс нь “Чи хэзээ архи уудаггүй байсан юмбэ , Ганц татчих  , Ямар сүртэй юмбэ” гэдэг ч юмуу таныг хэр их уруу татаж байна вэ?

Б.Анх-Амгалан: Ер нь тааралдахгүй байгаа. Тааралдвал яах вэ дээ тэгээд л зовлонг нь мэддэг юм чинь тав , гурван цаас өгчихөөд л яваад өгдөг. Чи хамт уухгүй юмуу гэхээр нь үгүй ээ миний бие дийлэхээ байсан гэдэгдээ. Болж өгвөл хоол унд авч идээрэй гээд 5, 10 мянган төгрөг өгчихөөд би орхиод явчихдаг болсон.

20 хүрчих юмсан гэж боддог байлаа. 20-с хойш эргээд харахын хооронд л 30 гараад явчихдаг юм байна. Хамаг сайхан залуу насаа алдсандаа харамсдаг.

Сэтгүүлч: Одоо та хэдэн настай билээ?

Б.Анх-Амгалан: Одоо би 35 настай. Хамгийн оргил насаа алдсандаа харамсдаг гэх юмуудаа. Миний амьдралд маш олон боломжууд байсан. Ах , дүүс маань надад маш олон боломж олгосон. Тэдгээрийг алдсандаа харамсдаг. Яс юман дээр архи ууж яваа хүн ямар л олигтой араншин гаргах вэ дээ? Ах , дүүсээ маш их гомдоож , өөрөөсөө дөлүүлсэндээ харамсдаг

Сэтгүүлч: Таны төрсөн ээж хаана амьдарч байгаа билээ.

Б.Анх-Амгалан: Яг одоо Сайншандруу явсан байгаа.

Сэтгүүлч: Ер нь хотод амьдардаг билүү?

Б.Анх-Амгалан: Тиймээ хотод

Сэтгүүлч: Архинаас гарсанаасаа хойш ээжтэйгээ уулзав уу?

Б.Анх-Амгалан: Байнга холбоотой л байгаа. Очиж уулзаагүй байгаа. Ер нь жаахан санаа зовоод гэх юмуудаа. Цаг нь арай болоогүй гэж би бодож байгаа. Юманд цаг хугацаа хэрэгтэй. Цаг хугацаа хамгийн том эмч шүү дээ.

Сэтгүүлч: Цаашид ээжтэйгээ хамт амьдрах бодол бий юу

Б.Анх-Амгалан: Яг ний нуугүй хэлэхэд яг өөрийн гэсэн юмгүй болохоор би ээжийгээ яаж авчрах вэ дээ. Өөрийн гэсэн орон гэртэй бол сэгсгэр ч гэсэн ээж минь гээд хамтдаа байхыг хүсэлгүй яахав. Би ээжийнхээ өвөрт нэг сайхан унтахыг бараг мөрөөддөг дөө. Манайх хуучны тийм нэг сайхан айл байсан. Би өвөө , эмээ дээрээ өссөн. Амралтын өдрүүдээр бүгдээрээ цуглардаг. Нэгнийдээ заавал ирдэг, бужигналдацгаадаг яг тийм сайхан өссөн болохоор тэр нь гэнэт ингээд олон жилээр байхгүй болсон болохоор эргээд тэр сайхан бага нас , тэр гоё уур амьсгал үгүйлэгддэг. Уудаг шалтгаанд тэр мэр элдэв юм ганцаараа явж байхад их бодогддог. Сүүлийн жилүүдэд их ганцаараа явсандаа. Уусан ч хүн амьтанаас дөлж ганцаараа уудаг байсан.

Сэтгүүлч: Ах дүүстэйгээ ер нь холбоо барив уу?

Б.Анх-Амгалан: Намайг болохоос болохгүйг минь хүртэл их үзсэн. Сүүлдээ урам нь хугарсан байх. Ерөнхийдөө туйлдсан байх. Арга буюу зөнд нь орхисон доо.

Сэтгүүлч: Ах дүүстэйгээ уулзсан уу?

Б.Анх-Амгалан: 2017 оноос хойш уулзаагүй байгаа. 2017 онд эмээгийн ажил явдал дээр бүгд цугларсанаас хойш уулзаагүй. Одоо бүх юм дэвжээд явж байна. Цаг нь болохоор уулзана даа. Ах дүүсээсээ сайхан уучлалт гуйна аа. Уучлалт гуйгаад , өөрийгөө хүн шиг яваагаа харуулна. Өөрөө л хүн шиг явахад манай ах , дүүс баярлана. Би ингээд өөрийнхөөрөө яваад тодорхой хэмжээний хөөрхөн орлого олчихож байгаа. Тэрийгээ би хурааж хуримтлуулаад ямар ч байсан өөрийн гэсэн юмтай болно доо.

Би энд дурьдахгүй бол болохгүй. Манай он жавууд намайг суга татсан гэж хэлж болно доо. Их нөлөөлсөн. Дотоодын цэргийн 05-р ангид 2007 оны хаврын цэрэг татлага болсон. Цагдаа , цэргийн анхны төгсөлт байхгүйюу. Манай он жавуудын ихэнх нь ахмад , хошууч цолтой болцон. Энэ хөгжмийг авахад он жавууд маань их тусалсан. Он жавууддаа их л баярлаж явдаг. Одоо би нэг он жавынхаа байранд байгаа. Өдөр болгон “Миний найз гоё шүү” гэх мэт сайхан үгсийг надад хэлэн , маш их дэмждэг. Манай тэр он жавын эхнэр нь бас намайг их дэмждэг.

Сэтгүүлч: Та хүүтэйгээ уулзсан уу?

Б.Анх-Амгалан: Би Сайншандруу нэг явчихаад ирсэн. Хэдхэн хоночихоод буцаад ирсэн. Хүүтэйгээ уулзсан. Миний хувьд бол сайхан байсан л даа. Гэхдээ бас асуудал байсаан байсан. Тэрийг одоо нарийн ширийн яриад яах вэ.

Нэгдүгээрт хүн сэтгэлийн л амьтан. Хоёрдугаарт “Хүн ер нь архи уугаад ирэхээрээ , Би ямар архичин биш” гэж өөрсдийгөө боддог. Би ч гэсэн залуу байхдаа яг тэгж боддог байсан. “Ямар архичин биш , маргааш болъё гэвэл болъчихно шүү дээ” гээд л тэгж өөрөө өөрийгөө хаацайлдаг. Эсвэл тэр муу тэгээд гээд хэн нэгнээс шалтгаан, шантааж хайдаг. Миний хувьд бол ийм л байсан. Яс юман дээр зүгээр уух гээд л дурандаа тэр байхгүйюу. “Би маргааш болъчихно” гээд уугаад л яваад байдаг. Яс юман дээрээ архиндаа өөрийгөө уулгуулчихсан байдаг байхгүйюу. Ер нь бол эмчилгээ , тэр нэг код мод гэж хүний махан биеийг кодлоно гэж юу байх вэ. Тиймэрхүү юмаар бус зүгээр л сэтгэл зүрхээрээ л гарах хэрэгтэй . Архинд орж болсон юмчинь гарч яагаад болдоггүй юмбэ. Өөрөө дурандаа ууж болсон юмчинь зүгээр л энийг болъчихъё гэж яагаад болдоггүй юмбэ. Тийм биздээ.

Би архинаас болж пакталж явахдаа бичиж байсан , 10-аад жилийн өмнө өөрөө зохиож байсан шүлгээ уншъя.

  • Хүний амьдрал сонирхолтой
  • Хүслэнтэй бас хяслантай
  • Хясланг сөрж зогсовч
  • Хямарч туйлдан доройтно
  • Найм дахь сэхлийг авч чадалгүй
  • Намгийн ёроолд гүн шигдэнэ
  • Шигдсэн тэр газраа
  • Шингэж бүр уусна
  • Аргаа барсан тэр л мөчид
  • Архитай нөхөрлөж хорвоог үднэ
  • Амтлах тусам баясаж
  • Аажим аажмаар агсамнасаар
  • Атгахан зүрхэндээ бардамнаж
  • Амьдралын дардан замаа
  • Атиралдуулаад дахиад зурчих вийдээ
  • Тэгээд тэр замаараа
  • Тэмтчин тэмтчин гэлдэрнэ
  • Тэр зам хаа хүрэхийг
  • Тэр өөрөө ч мэдэхгүй…

Нэг ёсондоо өөрийнхөө л үзсэн юмыг шүлэглээд биччихсэн юм л даа. Би одоо яг “ингэнэ, тэгнэ” гэж хэлэхгүй. Зүгээр л ер нь цаг хугацаа л харуулна гэж хэлмээр байна. Харин намайг архи , дарс эргээд уучихна даа гэж хэлсэн хүмүүст хандаж хэлэхэд “Үгүй ээ,” гэж хэлмээр байна. Яах вэ тэгэхдээ шүүмжлэл дунд хатуухан боловч үнэн үгнүүд явдаг. Тусгах юмаа тусгаж , өөр дээрээ хүлээж авдаг. “Энэ хүмүүс ингэж байна , Тэгвэл энэ тал дээрээ анхаарах юм байна” гэж боддог.

Заавал ам хэлээрээ биш үйлдлээрээ өөрийнхөө байгаа байдлаараа хариу барих ёстой юм байна гэж дотроо бодож байгаа.

хэмээн энэхүү ярилцлагыг eguur.mn сайтад өгчээ.

Хүмүүс энэхүү ярилцлаганд дараах сэтгэгдэлтэй байна.

Сэтгэгдэл 1: Маш гоё эмх цэгцтэй сайхан ярьж байна. Ирээдүй гарт чинь байна Залуу минь. Хүчтэй, зоригтой, зорилготой байгаарай. Амжилт “Төгсгөлий нь үзэхгүй юм бол Эхлэлий нь бүү тавь” гэгчээр сайхан ирээдүй чамайг хүлээж байгаа шүү.

Сэтгэгдэл 2 : Энэ хүү яг одоо хаана байгаа юм бол. Зөв бодол, сэтгэлийг нь дэмжээд өгөхсөн.

Сэтгэгдэл 3: Үг хэл , бодол санаа их цэгцтэй сайхан залуу байна. Өөрийгөө ялаад байр сууриа олох гээд нийгэмд хөл нийлүүлж байгаад нь баяр хүргэе . Бас амжилт хүсье.

Сэтгэгдэл 4: Архи тамхинаас өөрийгөө захирч гарч чадна гэдэг бол үнэхээр гайхамшигтай эр зориг гэж боддог оо. Маш том баяр хүргэе.

Сэтгэгдэл 5: Энэ ухаантай , муу зуршлаа ялан дийлж яваа залуугаас олон олон залуучууд сургамж аваасай! Маш зөв логиктой ухаалаг яриатай залуу байна. Архинд орж болсийн яагаад гарч болохгүй гэж үг товч бөгөөд тодорхой маш энгийнээр хүнд нэгийг бодогдуулах Үг байлаа! Амжилт , эрүүл энхийг хүсэе!

Сэтгэгдэл 6: Уулзандаа гэж хэлэхдээ тэр нүд сэргээд ирж бнашдээ хөөрхий ах дүүс ээжтэйгээ түргэн уулзахыг ерөөе

Сэтгэгдэл 7: Хамгийн анхны 1-2 ярилцлага дээрээ сүр сар, хөөрүү, эмх цэгцгүй , нүд нь төвлөрөхгүй яриа өгсөн байсан. Тэгвэл одоо шаал өөр болжээ.

Эх сурвалж: eguur.mn

ЭЕРЭГ МЭДЭЭ

УИХ-ын гишүүн асан П.Алтангэрэл малчин болжээ

УИХ-ын гишүүн асан П.Алтангэрэл нь Дорнод аймгаас хоёр ч удаа УИХ-д сонгогдож , сүүлд Соёл боловсрол спортын яамны төрийн нарийн бичгийн дарга хийж байгаад тэтгэвэртээ гарсан тэрээр өдгөө Төв аймгийн Аргалант суманд малчин болжээ.

Өмнөхөн үед тэтгэвэр гараад хэдэн хонь хариулаад ч юм уу, хашаандаа ногоо тариад сууна гэдэг байлаа. Одоогийн хөгшчүүл шиг Үндсэн хуулийн цэцэд сууна, Элчин сайд, консулаар явна гэж эрх хүүхэд шиг уруулаа унжуулж байсангүй. Хуучин цагийн ихэс дээдэс хүртэл нас ахиад эхлэнгүүт нутгаа бараадан мал маллаж суусан түүхтэй юм билээ. Нас ахиад ач зээгээ эрүүл агаарт тойруулан суулгах зөв жишиг шүү хэмээн “Буян”-гийн Жагаа буюу Б.Жаргалсайхан хэлжээ.

Сошиал хэрэглэгчдийн сэтгэгдэлээс хуваалцвал:

Сэтгэгдэл 1: Сайхан хэдэн адуутай. Зун ах дүүсийнхээ хүүхдүүдийн гэдэс цайлгаад зусдаг их эгэл жирийн сайхан хүн.

Сэтгэгдэл 2: Мөнгөний боол болчихоогүй өөрийнхөө дураар хүссэнээрээ аж төрж байгаа жинхэнэ монгол эр байна даа. Аз жаргал амжилт хүсье.

Сэтгэгдэл 3: Хамт ажиллаж байсан Алтангэрэлдээ аз жаргал эрүүл энхийг хүсье. Алтангэрэл маань ямарч хүнийг ялгаварлан гадуурхахгүй , ямарч хүнтэй эелдэг сайхан харьцдаг , ялангуяа ажилгүй ажил хийхийг хүсдэг хүмүүсийг дэмждэг , зааж сургадаг тийм эгэл жирийн хүн чанартай хүндээ.

Сэтгэгдэл 4: Монгол эр хүн байхын утга учир энэ шүү дээ. Гэтэл ихэнх дарга нь эрүү өвдөг нь нийлж байж эхнэр хүүхэн сольсон, хов жив хор хог хутгасан, тэтгэвэртээ гардаггүй хогнууд. Энэ цагт ховордсон ёс зүй, хүн чанар хүнлэг сэтгэлтэй, хүүхэд залууст үлгэр жишээ болсон мундаг эр хүн. Монгол хүний мөн чанар

Сэтгэгдэл 5: Амьдралын мөн чанарыг таньсан хүн байна.Хаана тайван сайхан байна тэндээл байх хэрэгтэй.

Сэтгэгдэл 6: Гэрт нь очиж байсан үнэхээр сайхан амьдардаг , маш тансаг зэрэглэлийн харш шиг сууцтай. Халуун хүйтэн ус, нойлоо гайхалтай шийдсэн. Үхрийн Ферм, галуу шувуу байхгүй юм байхгүй. Олон төрлийн жимс жимсгэнийн модыг битүү тариалсан сайхан орчныг зөвхөн өөрөө бий болгосон маш тансаг амьдардаг хүн шүү дээ. Хөдөө орон нутагт яаж баян чинээлэг дутах юмгүй амьдарч болохыг үлгэрлэж яваа эр хүн.

ЭЕРЭГ МЭДЭЭ

Өөд болсон эхнэрийнхээ хүслийг биелүүлж хадам ээждээ машин бэлэглэжээ

Эхнэр нь хүнд өвчинөөр өвдөж эхнэрийнхээ эмчилгээний төлбөрийг олохын тулд тэрээр 2019 онд өөрийн сошиал сүлжээнд ийнхүү бичиж байжээ. “Өрхийн тэргүүний үүрэг гэр бүлээ бүрэн бүтэн байлгах. Тийм болхоор ханийнхаа эмчилгээний мөнгийг бүрдүүлэхийн тулд шинэ санаа, шинэ бүтээгдэхүүн үйлдвэрлэж байна.Эко гар утасны тавиар минь бэлэн боллоо. Нэлээн ажиллагаа бас орж байна шүү олон тоогоор захиалга авч таны хүссэн лого нэр бичиж болно. Цэвэр дүбэ мод будаг, лак,лазур, өнгөлгөөтэй” хэмээн бичиж байжээ.

Харамсалтай нь хайртай гэргийгээ алдаж 3 хүүхэдтэйгээ үлдсэн ч Б.Батзориг амьдралд бууж өгөлгүй , сөхрөлтгүй хөдөлмөрлөж олсон мөнгөөрөө эхнэрийнхээ нэгэн томоохон хүслийг биелүүлж хадам ээждээ машин авч өгчээ.

Энэ талаараа өөрөө хэлэхдээ: “Боломжиндоо тааруулж ханийнхаа ярьж байсан нэг хүслийг биелүүлж бидэн дөрөв нь эмээдээ машин бэлэглэлээ. Эмээ нь одоо хүссэн үе дээрээ хүүхдүүд дээрээ ирж байх боломжтой боллоо. Сайхан байна аа” хэмээжээ.

Тэрээр мөн эхнэрийнхээ талаар хэлэхдээ : Эхнэр маань өвдөлтөө надаас нууж уйлна, би тэрийг нь мэдчихээд мэдэгдэхгүй гэж нулимсаа нууж арчина” хэмээн уйлан ярьж байжээ. Гурван хүүхдийнхөө төлөө амьдралын төлөө зүтгэж яваа энэ сайхан сэтгэлтэй залууд сайн сайхан бүхнийг хүсье.

ЭЕРЭГ МЭДЭЭ

Нэг гэрээс хоёр хүн дэлхийн рекордыг эвдэхээр олон улсын шүүгчид гайхдаг

Дэлхийн ой тогтоолтын хошой аварга , генесийн рекордыг эзэмшигч , ОУХМастер болох ихэр охидууддаа юуны өмнө Баяр хүргэе. Эх орныхоо нэрийг дэлхийн хэмжээнд гаргаж байгаад тань маш их бахархаж байна. Тэднийг Мөнхшүр , Энхшүр гэдэг ихэр охидууд юм.

Сонирхуулж хэлэхэд энэхүү спорт үүсч хөгжөөд 25 жил болоход өмнөх дэлхийн аваргууд 25 жилийн туршид дандаа эрэгтэй хүмүүс байсан бол манай хоёр ихрүүд маань анхны эмэгтэй аваргууд юм байна. Энэ онд тэд 5жилийн дараа дахин оролцож Оюуны спортын дэлхийн аваргаар хоёр дахь удаагаа шалгарсан амжилтыг үзүүллээ.

2017 онд Хятад орноо болсон Дэлхийн аварга шалгаруулах тэмцээн дээр Геннесийн рекордыг эвдэж тус тусдаа Геннесид бүртгүүлж байсан байна. Мөн тус тусдаа хувийн рекордуудыг эзэмшдэг байна. Нэр зүс царай , зураг, хөзөр, тоо цифр зэрэг төрлүүд дээр тус тусдаа дэлхийн рекордуудыг эзэмшдэг гэнэ.

Хамгийн сүүлд гаргасан бас нэг томоохон амжилт бол “Глобал дэлхийн чансаа” буюу дэлхийн холбоонуудын чансаанд нэг хоёрт бичигдэж эхэлсэн байна.

Тэрээр ярилцлагандаа: “Бэлтгэл дээрээ бол бид хоёр хоорондоо их өрсөлдөнө.Харин тэмцээн дээр бол бид хоёр нэгнийгэй их дэмждэг. Хамгийн анх Оюуны спортын дэлхийн аварга шалгаруулах тэмцээн дээр шүүгчид болон хүмүүс бид хоёрыг ихэр гэдгийг мэдээгүй , анзаараагүй байсан учраас нэг л хүн байн байн тайзан дээр гарч ирээд шагнал аваад байна гээд гайхах тохиолдол гарч байсан. Сүүлд нь бид хоёрыг ихэр гэж мэдээд бахархаж байна гээд их баяр хүргэсэн.

Мөн дэлхийн рекордыг эвдэх үед олон улсын шүүгчид их будилсан. Нэг гэрээс хоёр хүн гэхээр их гайхаад байсан. Хоёул хоёулаа дэлхийн рекордыг эвдээд байна ямар нэг будилаан байна уу гэж хүртэл шалгаж байсан” хэмээн инээлдэн ярилцлага өгсөн юм.

Эх сурвалж: zarig.mn

ЭЕРЭГ МЭДЭЭ

Сар бүр тэтгэврийнхээ мөнгөөр хүүхдүүд баярлуулдаг өвөө

Бүхий л амьдралынхаа турш өдөр бүр хүүхдүүдийг баярлуулж байгаа 63 настай энэхүү өвөөг Баяр гэдэг. Тэрээр Оросын Техникийн Коллежийн Шинжлэх ухаан технологийн сургуулийг “Уул уурхайн инженер” мэргэжилтэй төгсөж байжээ.

16 наснаасаа Шарын голын уурхайд ажилд орж 48 жил ажиллажээ. Улмаар 1998 онд тэтгэвэртээ гарсан байна. Тэрээр сар бүр тэтгэврийн 780 мянган төгрөг авдаг бөгөөд 100 гаруй мянган төгрөгийг өөрийн хэрэглээндээ зарцуулж бусдаар нь хүүхдүүдэд чихэр , бэлэг , мөнгө өгч баярлуулдаг байна.

Тэрээр ярилцлага өгөхдөө: “Надад мөнгөний хэрэг юу байна. Амьд байжил байвал би хүүхдүүдийг баярлуулаал явж баймаар байна. Хүмүүс намайг гайхаад яах гэсийн, яах гэж ингэдэг юм балай юм гэдэг л дээ. Би тэгээд өмнөөс нь би ямар нүгэл хурааж байгаа биш яадаг юм гэдэг юм. Залуу жаахандаа хүүхдүүдэд 1 төгрөг өгдөг байлаа. 50 мөнгөөр кино үзчихдэг байсан үед 1 төгрөг бол үнэ цэнэтэй байлаа. Одоо бол хүүхэд бүрт 1000 төгрөг хавьцаа өгдөг” хэмээжээ.

Баяр өвөө Дархан-уул аймагт оршин суудаг. Түүнийг хар өвгөн нэрээр анддаггүй сайн мэддэгээ хэмээн ярьсан байна. Түүний гэргий 30 гаруй жилийн өмнө бурхан болжээ. Харин хоёр хүүхэд нь Солонгос улсад очоод олон жилийн өмнө ор сураггүй болсон байна. Хүүхэд баярлуулж инээхийг нь харах миний өрийг нэмгэлж , аз жаргалтай болгодог гэдгийг нулимс дуслуулан хэлсэн юм.

Тиймдээ ч явсан газар бүртээ хүүхдүүдийг том , жижиг гэж ялгалгүйгээр баярлуулахыг хүсдэг байна. Тэрээр өөрөө хэлэхдээ “Хүүхэд баярлуулах хичнээн сайхан гээч. Нүд нь гялалзаад л чин сэтгэлээсээ баярладаг. Тэрийг харах ямар гоё байдаг гэж санана. Би хамгийн жаахан өлгийтэй байсан ч хамаагүй өлгийнд нь мөнгө шургуулж байгаа юмчинь” хэмээн ярьж байсан юм.

Баяр өвөө Уурхайн инженерээс гадна Цахилгаанчин мэргэжилтэй тул эвдэрсэн ус буцалгагч засварлаж сургуулийн хичээл эхлэх үеээр дотуур байруудаар тараадаг байна.

Баяр өвөө хүүхэд ахуй цагаасаа л хүн баярлуулахын сайхныг мэдэрсэн тэрээр одоог болтол ингээд хүүхэд баярлуулсаар яваа буянтай буурал юм.

Эх сурвалж: NTV мэдээ

ЭЕРЭГ МЭДЭЭ

Нарагийн энэ амралтын өдрийн зургуудаас

Энэ амралтын өдрүүдэд Нара маань гэр бүлийнхээ хамт ийнхүү амран , гэр бүлээрээ цагийг зугаатай өнгөрөөж байна. Аз жаргалтай зургуудаас нь хуваалцая.

Халамжтай аав харагдаж байна шүү.

Яахын аргагүй урлагийн хүний хүүхэд гэсэндээ өөр байна шүү. Тэр харц, нүүрний хувирлыг нь хараад байгаарай.

ЭЕРЭГ ЭЕРЭГ МЭДЭЭ

Өргөж авсан ээж хүүхдүүдийг сайхан өсгөжээ

Эгч дүү хоёрыг өргөж авсан америк ээж болох Бэтти Андерсон хүүхдүүдийг сайхан өсгөжээ.

Олон жилийн дараа тэднийг төрсөн эх оронд нь авчран эх орныг нь үзүүлжээ.

Орцноос олдсон хүү Киоми Андерсон төрсөн ээжийнхээ тухай хэлэхдээ: “Ээж минь надад хайртай байсан болохоор л аюулгүй газар үлдээсэн гэж боддог” гэжээ.

Хүмүүс энэ мэдээлэлд дараах сэтгэгдэлтэй байна.

Сэтгэгдэл 1: Хүний сайн сайхны төлөө өгөөмөр зүрх сэтгэлээ зориулсан тэр ээжээр бахархаж бна. Ухаантай хүү болгон хүмүүжүүлжээ

Сэтгэгдэл 2: Өсгөсөн ээж зөв бодол санаатай өсгөсөнд баярлаж байна.Хоёр хүүхэд ухаантай сайн хүмүүжиж өссөн байна. Баяр хүргэе.

Сэтгэгдэл 3: Энэ хүүг төрүүлсэн ээж нь орцонд үлдээсэн байсан. Тэгээд л намайг гадаа биш аюулгүй газар үлдээжээ гээд хэзээ ч хараагүй ээждээ талархсан байдаг. Хүүхдийг хүмүүжүүлж зөв хүн болгоно гэдэг энэ юмдаа

Сэтгэгдэл 4: Эвий дээ. Ээжийгээ хүн насан туршдаа хайрладаг. Төрсөн ээжийнхээ уучлашгүй алдааг хүртэл уучилсан ухаантай хүү байна. Монгол хүүг ухаантай хүн болгон өсгөн хүмүүжүүлсэн америк ээжид баярлалаа. Төөрч будилж уулзсан жинхэнэ ээж нь бна.

Сэтгэгдэл 5 : Энэ бол америк сэтгэлгээ гэхүү дээ. Төрсөн ээжийг нь зөв өнцгөөс харж ойлгуулж, үзэн ядалт хорсол гэдэг муу зүйлээс холуур өсгөсөний сайн тал юм. Тэгэхдээ миний хувьд төрсөн ээж нь муу хүн юм. Орцонд хүүгээ хаяж явсан мөн хатуу зүрх шүү.

Сэтгэгдэл 6: Хүнийг төрүүлэхээс өсгөх нь маш их цаг хугацаа хайр халамж бүх эд эс зориулагдана. Ээжийгээ хайрлаарай ! Сайхан сэтгэлт ээжид нь урт наслахыг ерөөе!

Сэтгэгдэл 7: Хүүхэд эцэг эхээ сонгож төрдөггүй гэж айхтар үг байна. Үр хүүхэд сайн сайхан ухаалаг явах эцэг эхийн сэтгэлийн жаргал юмдаа. Тээж төрүүлсэн ижийгээ сайнаар дурсан хүндлэх нь өсгөж тэтгэсэн ижийгээ сэтгэлийн жаргал эдлүүлж яваа сайн хүүхдүүдэд аз жаргал эрүүл энх сайн сайхныг хүсье. Буян үржиг ээ

Сэтгэгдэл 8: Ухаантай хүү байна. Тэр цагт ядарж зовж аргаа барж явсан муу эхээ өрөвдөж мэдэж байна гэдэг сайн шүү. Хөөрхий эх нь хөлдөж , өлсөж үхээсэй гэж бодоогүй болоод дулаан газар хүн бараадуулж тавьж дээ. Өөрөө авч байж чадахааргүй бие нь муу ч байсан байж болно.

Сэтгэгдэл 9: Сэтгэл зөвтэй , амьдралд сөхөрсөн, удам сайтын үрс байж дээ. Муу ,дээр нь удам муутай хүний үрсийг яаж ч дээдээр өсгөөд , зуунги, өсөрхөг болдогыг хүн судлаачид олноор нь баримттай дурьддаг

Сэтгэгдэл 10: Хөөрхий дөө. Азтай л хүүхдүүд юм даа . Зөөлөн сэтгэлтэй сайн ээжтэй учирдаг , эгчтэйгээ хамт байгаа нь сайхан байна аа, хүний итгэлийг дааж илүү сайн хүмүүс болоорой

error: Content is protected !!