Uncategorized

Загвар өмсөгч , бүжигчин Suzy Perez бүсгүйн орвонгоороо эргэсэн гунигт амьдрал

Suzy Perez хэмээх энэ бүсгүй бол 2000-иад оны эхэн үеийн од байсан бүсгүй юм. Доминикан гаралтай загвар өмсөгч бүсгүй маань тухайн үедээ урт хар үс , карамель царай , галбирлаг биеэрээ ялгардаг байсан юм. Мөн алдарт дуучин Женнифер Лопезийн туслах бүжигчин байсан төдийгүй дуучин , реппер P Diddy-тай хамтарч ажилладаг байжээ.

Сүзи бас хэд хэдэн сэтгүүлийн нүүр зурган дээр гардаг тийм л нэр хүндтэй загвар өмсөгч байлаа.

Харамсалтай нь Сүзигийн амьдрал орвонгоороо эргэсэн юм. Сүзи нэгэн загварын агентлагтай гэрээ байгуулсан нь түүний карьерийг дээшлүүлэх ёстой байтал агентлагыг удирдаж байсан хүмүүс Сүзи-н амьдралд муу нөлөөлөх муу төлөвлөгөөтэй байжээ. Зарим хүмүүсийн яриагаар тэрхүү загварын агентлаг залилан хийж , Сүзи барьцаанд орон , элдвээр дарамтлуулсанаас үүдэн хар там.хины хамааралтай болж улмаар үл таних этгээдүүдэд хүчирхийлүүлсэн гэсэн мэдээлэл байдаг. Харамсалтай нь хар там.хины хамаарлаасаа салж чадахгүй донтох шалтгаан болжээ.

Тэрээр нэг хэсэг ор сураггүй алга болсон ба 2005 онд Нью-Йоркийн гудамжинд хог түүж , мөнгө гуйж байсан байдалтайгаар нь олж байжээ.

Хүү нь ийнхүү ээжийгээ олж улмаар хэсэг хүмүүс туслаж нэг хэсэгтээ гайхалтай эдгэрч , Сүзи амьдралд эргэн ирсэн ч харамсалтай нь удаан үргэлжлээгүй юм. Сүзи амьдралаа хэвийн байдалд оруулна гэдгээ олон нийтэд хандан хэлж өөрийн инстаграм хаягаа хүртэл нээж өөрийн ахиц дэвшилээ хуваалцаж байсан юм. Тэрээр 2020 оны 4-р сараас хойш өөрийн инстаграмм хуудсаа шинэчлээгүй орхисон юм.

Сүзигийн гол шалтгаан нь сэтгэцийн өвчинтэй болсон байсан ба түүнийгээ дийлж чадаагүй эргээд гудамжиндаа гарсан юм.

Энэ талаараа Сүзи өөрөө хэлэхдээ: “Би энэ өвчинтэйгөө олон жил тэмцсэн. Ээжийн минь үхэл энэ тэмцэлээ үргэлжлүүлэхэд тогтворгүй болгосон юм. Харамсалтай нь би хяналтаа сэргээж чадсангүй” хэмээн хэлж байжээ. Мөн Сүзи камерын өмнө хүүхдэдээ хандан хэлэхдээ: Миний үр чи бол миний амьдралд тохиосон хамгийн сайхан зүйл гэдгийг мэдээсэй гэж хүсэж байна хэмээн хэлсэн юм. Сүзийг нөхөн сэргээх  эмчилгээ хийхийг хүмүүс ятгасан ч тэр татгалзсан юм. Түүний хүү цахим хуудаснаа ээж маань өмнөх амьдралаа сонгосон , та бүхэн ээжийн маань зургийг нийтлэхээ болино уу хэмээн хүссэн байна

Эх сурвалж: Voxbliss.com

Uncategorized

А.Цэгмэд: Хань маань бурхан болоход миний нэг хэсгээс суга татаад аваад явчих шиг л болсон

Монгол Улсын Гавъяат Жүжигчин А.Цэгмэд zogii.mn сайтад дараах ярилцлагыг өгчээ.

А.Цэгмэд: “Эмэгтэйчүүд эрэгтэйчүүдийг заавал төгс байлгах гэж хичээдэг. 10 хуруу тэгш байлгах гэж шаарддаг. Өөрийнхөөрөө байлгах гэдэг. Үгүй шүү дээ, тэр 10 хурууны чинь 3-5 хуруу нь л тэгш байхад болно шүү дээ. Үлдсэн нөгөө 5 хурууг чинь эмэгтэй нь засна шүү дээ. Эмэгтэй нь ч өөрөө 10 хуруу тэгш байхгүй ч байж болно шүү дээ.”

А.Цэгмэд: “Би бэрүүддээ охин шигээ ханддаг. Би чинь хоёр хүүтэй. Би бэрүүддээ охин хүүхэд минь шүү гэж хандвал тэр айл гэр амгалан тайван сайхан байх юмшиг санагддаг. Дундаасаа хэд хэдэн хүүхэд төрүүлээд нэг гэрийн эр эм хоёр гэдэг чинь нэг цул хүн шүү дээ. Нэг цул хүнийг хоёр хүн болгож салгаж харьцана гэдэг бол онцгүй санагддаг. “

А.Цэгмэд: “Хүүхэд байхдаа би их радио сонсдог хүүхэд байсан. Одоо ч гэсэн миний нэг хүү радио нэвтрүүлэгч. Миний хань , миний хоёр хүүхдийн аав хүн бол Монголын гайхалтай дуу хоолой болсон хүн байсан.  Монголын ард түмэн маань мартаж чадахааргүй гайхалтай төрийн дуу хоолой хүн шүү дээ. Нөхрийнхөө хоолойг анх радиогоор сонсоод биширдэг байлаа тэгээд энэ лавтай их олон хүүхдийн аав , их ханагар сайхан хүн байхдаа гэж боддог байлаа. Тэгсэн сүүлдээ өөрөө эхнэр нь , хоёр хүүхдийнх нь ээж болсондоо. Би 18-тай , хань маань 25-тай байхдаа учирч байсандаа. “

А.Цэгмэд: “Хичнээн ертөнцийн хаа нэгэн өнцөгт , хичнээн хол байсан ч хань минь сэтгэлд минь их ойрхон. Санагалзахын сайхан гэдэг тийм сайхандаа.

Хүүхдүүдийн маань аав бурхан болоод явчихлаа гэхэд их хэцүү байлаа. Яг миний дэргэдээс 30, 40 жилийн дараа миний энд байгаа орон зайг суга татаад аваад явчихаж байгаа юмшиг болсон. “

А.Цэгмэд: “Энэ хорвоогийн хамгийн сайхан зүйл бол Уучлал. “Уучлахгүй бол энэ уужим дэлхий чинь давчдаад , уушиг зүрх дарагдаад байхаар нь би цөмийг нь уучилсан. Цаанаас минь байнга хайр ундардаг” гэдэг шүлгэнд би их дуртай. Тиймээс энэ богинохон амьдралд нэгнийгээ уучилж амьдраарай гэж хэлмээр байна”

А.Цэгмэд: “Би ард түмэндээ их баярлалаа гэж хэлье. Намайг Цэгмэд гэдэг нэрийг минь марттал “Ажаа , ажаа” гэдэг. Энэ бол ард түмний минь хайр. “

А.Цэгмэд: “Би “Ээжийнхээ ачийг яаалаа даа” хэмээх дууг дуулсан гэвэл алдас болно. Аяламшаа болсон гэх юмуу. Тэр дуугаа клипжүүлээд ээжийгээ тоглуулж дүрсжүүлсэн юм. Одоо хааяа би тэр клипээ үзэхээр ээжтэйгээ уулзсан юмшиг болдог. Тэгэхээр залуучууд минь ээж, аав , эмээ , өвөөгөө амьд байхад нь дүрс , дууг нь авч үлдэж байгаарай гэж захиж хэлмээр байна. ” гэлээ

Эх сурвалж: zogii.mn

Uncategorized

М.Эрдэнэцэцэг: Согтуугаар жолоо барьсан эмэгтэйчүүдийн тоо эрэгтэйчүүдээс их байна гэсэн судалгаа байдаг юм билээ. Тэгээд бас энэ эмэгтэйчүүд хүний нөхөртэй их явалдаж байна

zarig.mn сайтын “Хоёр тал” нэвтрүүлэгт оролцсон Хувиараа гоо сайхны салоны бизнес эрхлэгч , Make up artis М.Эрдэнэцэгийн ярианаас дараах яриаг нь онцолъё

Сэтгүүлч: Эмэгтэйчүүдийн эрх тэгшрээд сүүлдээ бүр даваад яваад байна гэсэн зүйл нийгэмд сүүлийн үед яригддаг болсон. Эмэгтэйчүүдийн эрх манай Монголын нийгэмд ер нь хэр байна вэ? Энэ талаар ямар бодолтой байдаг вэ?

М.Эрдэнэцэцэг: “Тийм. Ерөнхийдөө эмэгтэйчүүдийн эрх даваад байгаа зүйлс их ажиглагддаг болсон. Жишээ нь машин дээр ярихад л согтуу эмэгтэйчүүд маш их жолоо барьж байна. Согтуугаар жолоо барьсан эмэгтэйчүүдийн тоо эрэгтэйчүүдээс их байна гэсэн судалгаа байдаг юм билээ. Тэгээд бас энэ эмэгтэйчүүд хүний нөхөртэй их явалдаж байна. Сүүлийн үед эмэгтэйчүүдийн задгай байдал ихсэж байна. Хааяа нэг гарч орохоор зууны 70 хувь нь эмэгтэй хүмүүс байдаг.”

Эх сурвалж: zarig.mn-“Хоёр тал” нэвтрүүлэг

Uncategorized

Сүлдэндээ залсан эрдэнэ чинь , Сүлбэгдээд байна аа сүгнүүдээ

“Жудаг” хэмээх фэйсбүүк хуудсаны админ нь дараах нүд хальтирам зургийг , дараах тайлбарын хамт оруулжээ:

“Сүлдэндээ залсан эрдэнэ чинь , Сүлбэгдээд байна аа, Сүгнүүдээ”
Бидэнд нэг муухай зан байна аа. Аливаа юмыг өмчирхсөн, миний юм гэдэг зан. Хаа байгаа газартаа болсон болоогүй нэг хашааны оронцог заавал барина. Улаанбаатар хотоор дүүрэн хашаа. Тэнд стандарт, аюулгүй байдал байна уу? Хэцүү дээ.

За яахав хулгай зэлгий гээд хашаа барих шаардлага байдгийг ойлгож байна. Тэгвэл тэр хашаагаа дайны бэхлэлт шиг битгий барь л даа. Жадны үзүүр шиг юм хийхээ боль л доо.

Адуу, мал амьтан гэдэс гүзээгээ хүүлж үхсэн тохиолдол нилээд хэд гарлаа. Энэ талаар ярьж байгаа нэг ширхэг новшийн дарга байна уу? Манай дарга нар чинь чухам л алдарт уяач нар байдаг биш билүү.
Хашаа давдаггүй хүүхэд гэж бараг байдаггүй юм шүү. Хүүхэд бэртэж гэмтэх вий дээ. Санаа зовоод бичиж байна, муу амлаагүй шүү. Хүн хэлэхээс нааш… гэж үгтэй. Бид том том юм яриад сайхан болохгүй ээ. Энэ мэт асуудлаа жижиг гэлтгүй, цаг алдалгүй засаж сайжруулмаар байна.Моодын Болдоог хотын дарга болгочих юмсан.” хэмээн бичжээ.

Эх сурвалж: “Жудаг” фэйсбүүк фэйж хуудас

Uncategorized

Аавыгаа сэхээнд ороод , хүн бүр ирээд салах ёс хий гээд дуудуулахад би очоогүй

urug.mn сайт Хөрөг нэвтрүүлэгтээ МУГЖ И.Одончимэгийг урьж оролцуулжээ. Түүнтэй жүжигчин хүний үнэ цэнэ, амьдралын мөн чанарын талаар ярилцжээ.

Сэтгүүлч: Жүжигчин хүний үнэ цэнэ?

И.Одончимэг: Жүжигчин хүний ажлыг маш амар , хялбар гэж ойлгодог хүмүүс их байна. Харахад их амархан , бэлдчихсэн зүйлс үзүүлээд байгаа мэт харагддаг. Энэ хүрэх хэмжээнд яаж ажилласныг хүмүүс шүүж тунгаадаггүй учраас уран бүтээлч хүмүүсийн ажлыг их амарханаар ойлгож , эд нар жаргаж мөнгө олдог , цэнгэж амьдардаг гэж ойлгодог. Гэтэл үгүйлдээ. Маш хүнд. Хар ажил гэж хэлдэг. Сард хэдэн удаа уйлж байна , сард хэдэн удаа хашгичиж , бачуурч байна. Зүв зүгээр байгаа энэ оюун тархи , мэдрэлээрээ хэдэн удаа тоглож байна , зүгээр байгаа энэ зүрхийг хэдэн удаа савлуулж байна, энэ бол хүнд төрлийн хар ажил.

Маш их зүрх сэтгэл, оюун тархи , амьдралаа золиослон амьдарч байгаа манай уран бүтээлчид хэлэхгүй боловч маш их амьдралын золиосыг үүрч яваа хүмүүс. Би “Ромьёо Жульетта”-д тоглож байхад , гурван цаг гаруй хугацааны жүжиг , маш их стресстэй , хүн харахад уйлдаг, шаналдаг , салдаг, хагацдаг эмгэнэлт жүжгийн оргил дүр шүү дээ. Тэр жүжигт би тоглож байхад үснүүд минь энэд тэнэдгүй халцарч унаж байсан. Тэгэнгүүт би мэдрэлийн эмчид үзүүлэхэд , энэ жүжигт тоглохгүй , хоёр жил завсарла гэж байсан. Тэгэхэд нь , “үгүй ” завсарлаж болохгүй. Театрын маш чухал жүжиг учраас чөлөө авахгүй тоглосоор байгаад , 3 жилийн дотор үс маань гүйцэт ургаж байсан. Тэгэхдээ ингэж зовж , жаргахдаа өөрсдөө дуртай. Үүнийгээ сонгосон учраас хэзээ ч ялархаж байгаагүй. Түүнийгээ хэзээ ч өвчин , зовлон гэж бодож байгаагүй.

Туулсан амьдрал , бүтээсэн уран бүтээлүүдээ бодоход өдий болтол би зүгээр яваад ирээгүй. Энэ хооронд хайртай олон хүнээ алдсан. Манай мэргэжил хагас цэргийн диктатуртай ажилладаг. Ганцхан би биш маш олон жүжигчид ээж , аавыгаа сэхээнд байхад энд байж л байдаг. Үзэгчдийг хүндлэх ёстой. Хамтын хөдөлмөр байдаг учраас хамт олны хөдөлмөрийн хүндэтгэх ёстой гэдэг үүднээс өөрийн хувийн амьдралаа золиосолдог. Би ч гэсэн аавыгаа сэхээнд ороод , хүн бүр ирээд салах ёс хий гээд дуудуулахад би очоогүй. Би энд жүжигтэй байсан. Би энд уйлаад л , тайзруугаа гараад л… Гэтэл би айлын хамгийн том охин. Миний ээж осолд ороод бүх мөч нь хугараад , шороо тоос холилддог бүх юмтайгаа холилдсон , тэнд охин хүүхэд хэрэгтэй байгаа. Тэнд эмэгтэй хүн , би л хэрэгтэй байгаа юм. Тэгтэл охин нь яагаад ирэхгүй байгаа юм бол оо гээд гэмтлийн эмнэлэгийнхэн гайхаж байсан гэсэн. Маргааш нээлттэй учраас өглөөнөөс орой хүртэл бүх сургуулилтаа дуусгачихаад , орой орж ирэхэд ээжийнхээ харцнаас яг намайг л хүлээж байсан юм байна гэдгийг нь шууд ойлгосон. Ороод л би хувинд бүлээн ус , алчуур хийгээд , ээжийнхээ бүх юмыг цэвэрлэхэд , ээж юу ч дугараагүй. Би “Яана аа ээж маань надад маш их гомдож байгаа болов уу , гомдоод л дугарахгүй байгаа юм болов уу” гэж бодож байсан. Тэгээд ээждээ “Ээжээ та… гээд хэлэхийн завдалгүй ээж маань хэлэхдээ “Юу ч битгий ярь, би чамайг ойлгохгүй бол хэн ч чамайг ойлгохгүй” гэж хэлж байсан. Тэгээд надад “Баярлалаа миний охин, охин үртэй байх ямар сайхан юмбэ. Ерөөсөө санаанд ортол хэн ч цэвэрлэж өгөөгүй.Чи л санаанд ортол ээжийгээ цэвэрлэж өглөө.” гэж хэлж байсан. (Уйлав). Тэгээд л би эргээд шөнө нь бэлтгэлдээ буцаад явж байсан.

Сэтгүүлч: Амьдралын мөн чанарын талаар?

Хүн сэтгэл санаа тайван амьдрах л амьдралд маш чухал юм байна. Хүн ер нь тавин нас хүрсэний дараа өөрчлөгддөг юм байна. Тэр олон сайхан хувцасыг авсандаа аваад орохгүйгээс хойш , амьдрах байр 5 тасалгаатай байна уу, 8 тасалгаатай байна уу чухал биш , яг надад хэрэгтэй , яг л болчихсон , надад үүнээс илүү зүйл хэрэггүй юм байна гэдгээ маш их ойлгож эхэлдэг юм байна. Ингээд ирэхээр ач холбогдол өгөх зүйл өөрчлөгдөж эхэлдэг юм байна. Ерөөсөө л эрүүл байх шиг жаргал алга.

Эх сурвалж: urug.mn

Uncategorized

17 жилийн дараахь ээж охин хоёрын уулзалт

“Миний охин Далантайн Баасансүрэн. 2005 онд БНХАУ-д ажиллахаар явсан билээ. Охин маань тухайн үедээ бичиг баримтаа гээгдүүлсэн болохоор сураггүй байсаар 2018 онд сураг нь гарсан. Уулзаж чадахгүй , утсаар ярих төдий байна. Би өндөр настай хүн. Элэгний хорт хавдараар өвдөж 30 хувийг тайруулсан. Одоо зүрх судасны өвчтэй бие маань хүнд байгаа болохоор охиныгоо хар холоос авчирч уулзах хүсэлтийг минь биелүүлж өгнө үү хэмээн танай нэвтрүүлэгт хандаж байна. Хүсэлт гаргасан өндөр настан Бадам ” гэсэн өргөдөл Мөрөөдөл биелдэг юм нэвтрүүлгийн хамт олонд иржээ.

Ийнхүү тус нэвтрүүлгийн хамт олон , Гадаад харилцааны яам , Бээжин дэхь элчин сайдын яам зэрэг холбогдох албаны хүмүүстэй хамтраад 3 сарын хугацаанд уйгагүй зүтгэж хайрт охинг нь БНХАУ-с авчирсан юм.

Тэрээр охин нь ярихдаа: Би одоо ээждээ тус нэмэр болоод , ээжийнхээ хөл гар нь болоод ээжтэйгээ хамт өтөлнө гэж бодож байгаа. Эхлээд Монгол улсынхаа бичиг баримт иргэний үнэмлэхээ авна. Бор гэр бариад , ганц хоёр мал маллаад ээжийнхээ хажууд ээжтэйгээ хамт өтөлмөөр байна. Ер нь бол ганц бие амьдарна. Яагаад гэвэл би 1-рт өмнө хүнтэй амьдарч байсан учраас ер нь бол гэр бүл дараа нь хэрүүл уруул гарна, 2-рт Монгол эрчүүдээ бузарламааргүй байна. Тиймээс би ганц бие амьдарна. Ер нь бол амьдралдаа алдаад залхаж байна гэх юмуудаа. Тэрээр 17 жил ирээгүй учраас гээд талбайн төрийн ордондоо , мөн Чингис хааны хөшөөндөө очиж мөргөсөн юм. Ээжтэйгээ хамт өтөлнөө гэж ярих тэрээр 25 насандаа яваад ийнхүү 17 жилийн дараа ирж байгаа билээ.

Сэтгүүлч: Хятадад очоод хэцүү зүйлүүд байсан байх.

Охин Д.Баасансүрэн: Анх тэднийд очоод , тэд нар шавар пийшэн дээрээ унтдаг байсан юм билээ . Тэгээд нэг өдөр муудалцаад би пийшэн дээр нь гудас дэвсээд унтах гэж байтал “Энэ чиний хэвтдэг газар юмуу” гэж надад хэлж байсан. Тэр үгийг би яс махандаа шингээж байсан. Хоёр хүүтэй ядуу айл байсан. Жижигхэн газраа ногоо тариад тэр нь жилийнхээ хүнсэнд хүрдэггүй тэгээд хоёр хүү нь гадуур ажил хийж явдаг. Тэгээд надтай танилцсан юм билээ. Тэгээд намайг гэрлүү чинь ирдэг буцдаг болгоно гэж хуурсаар 17 жил боллоо. Хятадууд чинь баяр ёслолоор л жимс авдаг юм билээ. Надад нэг хайрцаг мандарин авч өгөөд. Нөгөө нутгийх нь хүмүүс “Өө Монгол эхнэртэй болсон гэнээ , очиж үзье” гээд хүмүүс ороод ирж байгаа байхгүйюу, орж ирээд манайд суунгуут би чинь Монгол хүмүүс шигээ л хүн орж ирэхээр дайлах гээл нөгөө жимсийг нь гаргаж өгөөд л , нөгөө самрыг нь тавьж өгөөд л. Тэгээд нөгөө хүмүүс явсаны дараа дургүйцэж байгаа юмчинь. “Манайхан тийм Монголчууд шиг бишээ. Манайх чинь хааяаа нэг баяр ёслолоор л жимс иддэг. Хүн амьтан орж ирэхээр битгий тэр жимс тараагаад бай” гэж загнуулж байсан. Хоолонд нь дасахгүй печень иднэ, боорцог иднэ. Гэтэл хадам ээж уурлаад печень , боов идэж дуусгалаа гэж ууралдаг байсан. Би тэгээд гадаа гараад нулимсаа арчаад уйлдаг байсан. Нутгаа санаад их хэцүү байсан.

Бүх л юмыг эмэгтэй хүн хийдэг , хадам ээж бол тэг ингэ гэж их тушаадаг.Ер нь Солонгостой адил байдаг юм билээ. Тэр нь бол яахав нэг ёсондоо хүмүүжил юмуудаа.

Сэтгүүлч: Тэнд очоод байнга хэцүү байгаагүй байх. Хүний амьдрал баялаг. Тэнд очоод хамгийн их баярлаж байсан зүйлээ хуваалцаач

Д.Баасансүрэн: Бодоод байхад баярлаж байсан юм бараг байхгүйдээ. Хүүхэдтэй болоод гэрээ санах нь арай багассан. Тэгэхгүй бол гэрээ санаад бараг солиорох гээд байдаг байсан.

Хүүхэд маань Монголоор бараг ярихгүй. Айгаад хүүдээ Монгол хэл сургаагүй. Тэрэндээ тэгэхдээ би одоо харамсдаг.

Сэтгүүлч: Хүү нь гаргаж өгөхдөө юу гэж хэлж байна вэ?

Д.Баасансүрэн: Би хүүдээ хамаг учраа хэлсэн л дээ. Миний хүү ээжийгээ санахаараа ээжтэйгээ яриарай. Амралтаараа ч юмуу Монголд ирээрэй гэж хэлсэн. Би бол хүү дээрээ Хуримаа хийхэд нь ч юмуу нэг очиж ирнэ. Ер нь бол дахиж Хятадруу очмооргүй байна. Яагаад гэвэл тэр муухай газраас арай гэж ирчихээд би ахиж очмооргүй байна. Тэнд надад сайхан дурсамж байхгүй.

Заримдаа нутгаа санах хэцүү үедээ би өөртөө “Хохь чинь , өөрийн хийсэн буруу” гээд өөрийгөө алгаддаг байсан. Бүр үхмээр санагддаг байсан.

Сэтгүүлч: Нөхөр нь гар хүрдэг байсан уу?

Д.Баасансүрэн: Нутагруугаа явна гээд уурлаад гарсан чинь заазуур бариад надруу дайрч байсан. Би тэгээд яахав эр хүний дээр гарч чадахгүй юмчинь гөлөг шиг л байдаг байсан. Тийм учраас бид хоёр хэрүүл зодоон хийдэггүй , би дандаа бууж өгдөг байсан.

Наашаа ирэх болсоныг мэдээд онгоцонд суух хүртэлээ би их түгшиж байсан. Яг явах үед ямар нэг юм бүтэлгүйтэх вийдээ гэж их айсан. Тэгээд онгоцондоо суугаад их сэтгэл амарсан. Монголын газар нутагруу ороод ирэнгүүт л өөрийнхөө гэрт ороод ирсэн юмшиг л . Монголын минь тал нутаг үнэхээр гоё харагдаж байна лээ.

Д.Баасансүрэн: Ер нь эмэгтэй хүн хүүхэд гаргаад зовлон жаргал үзээд ирэхээрээ ээжийнхээ зовлонг их мэдэрдэг. Аав маань осолд орсоноосоо хойш архи уугаад ээжийг их зоддог байсан. Тэгээд ээж маань архинаас нь гаргах гэж зөндөө оролдсон. Байраа зараад дахиж машин авч өгөөд. Машинтайгаа халтуур хийнэ гээд л орой архи уугаад ороод ирдэг байсан. Том ахыгаа би их өрөвддөг юм. Бид нарыг хоосон хонуулахгүй гээд их зовсондоо. Хоёр дахь ах маань бас сургуулиасаа гараад гурилаар боорцог хийдэг байсан. Би тэгээд тэр боорцогыг нь зах дээр зардаг байсан.

Д.Баасансүрэн: “Корона гарсанаас болоод ажил хийхэд хэцүү байна шинжилгээний бичиг шаардаж байна , би одоо ажил хийхэд хэцүү боллоо , заавал би Монголруу явж бичиг баримтаа шинэчлэхгүй бол хүү маань өтлөөд ирэхийн цагт эмчид үзүүлэх даатгалын дэвтэр ч байхгүй” гэх мэт өчнөөн хэлж байж нөхрийн талаасаа вагоны мөнгө , нисэх онгоцны мөнгө авсан. Би тэгэхдээ энэ мөнгийг хүртэх ёстой гэж бодож байгаа. Би энэ олон жил хөдөлмөрлөж өөрт нь болон өөрийнх нь аав ээжид нь байртай болгосон, 3 машин солиулсан. Байрны зээлээ төлчвөл чамайг явуулнаа гэх мэтээр хуурсаар байгаад 17 жил болсон.

Ингээд 17 жил уулзаагүй ээж охин хоёр уулзсан юм…

Таныгаа ийм удаан хүлээлгэсэнд Уучлаарай хэмээн ээждээ мөргөсөн юм.

Эх сурвалж: “Мөрөөдөл биелдэг юм” нэвтрүүлэг

Uncategorized

Анухай багш үнэхээр гайхалтай

Ердөө нэг оролцогчоор нь л жишээ аваад үзье л дээ. Оролцогч О.Үржинханд ердөө 45хан хоногийн хугацаанд 18.1 кг жинг хасаж, цээжний тойргоосоо 14 см , бэлхүүсний тойргоосоо 31 см , өгзөгний тойргоосоо 14 см тус тус хасаж чаджээ. Гайхалтай биш гэжүү. Энэ үр дүн бол оролцогч О.Үржинханд болон фитнесс багш Анухай нарын хамтын хөдөлмөр юм.

“Хүмүүс фитнессээр хичээллэж үр дүнгээ хурдан харахыг хүсдэг юм шиг санагддаг? хэмээх асуултанд Анухай багш маань хариулахдаа:

Н.Анужин буюу Анухай: “Хурдан үр дүн гардаг гэж хэлж болно. Би ч өөрөө хүмүүст хурдан үр дүн гаргахад тусалдаг. Жин хасахад заавал 6 сараас нэг жил шаардагддаг зэрэг хэвшмэл ойлголт бий. Гэтэл хүний бие цаг тутамд, өдөр өдрөөр өөрчлөгдөж байдаг зүйл. Фитнессээр хичээллээд долоо хоноход л гэдэс багасаж, үр дүн мэдэгдэж эхэлдэг. Нэг сарын дотор харагдахуйц өөрчлөлт гарна. Би олон хүнтэй ажилласан тул үүнийг баттай хэлж чадна. Хүмүүст өөрийгөө өөрчлөхөд нь тусалдагтаа туйлын баяртай байдаг.” хэмээн 2 жилийн өмнөх нэгэн ярилцлагандаа хариулж байжээ.

Анухай фитнесс шоуны 2-р улирлын оролцогч О.Үржинхандын өөрийгөө ялан дийлэн бүтээсэн гоо үзэсгэлэнг илэрхийлэх зургуудаас хуваалцая.

Uncategorized

М.Өлзийчимэг: “Асрамжийн газар ирсэн хүүхдүүд аав , ээжийгээ галзууртлаа санадаг”

Ямар ч хараа хяналтгүйгээр 4-5 настай хүүхдийг гэрт нь хаяаад самарт явдаг болж , идэр есийн хүйтэнд хөлдүү гэртээ хөлд ч ороогүй хүүгээ , охиноо түгжиж орхиод архидаад хонуут өнжүүтээр алга болдог болжээ. Төрүүлсэн үрээ өсгөж чадахгүй нь гээд асрамжийн газарт хүргээд ирдэг болж, ухамсаргүй нэг нь гудамжинд хаяаад явдаг болжээ. Энэ мэт амьдралын боломжгүй , арчаагүйгээсээ болж хүүхдээ орхиж байгаа хүмүүс байхад дээд боловсролтой , 3 өрөө байртай , 2 автомашинтай , хангалуун амьдралтай ч төрсөн үрээсээ татгалзах гэр бүл олон байгааг асрамжийн төвийнхөн хэлж байна. Харин энэ хүмүүст оногдуулж байгаа хариуцлага нь шийтгэл биш завшаан болж байгааг хүүхдийн зүтгэлтнүүд хэллээ. Дээрхи хүүхдүүд эцэг эхтээ зодуулж , хүчирхийлүүлж , гологдсон ч тэднийг галзууртлаа санаж бэтгэрдэг гэдгийг асрамжийн төвийнхөн ярьж байна.

Өнөр бүл хүүхдийн төвийн Ерөнхий захирал: М.Өлзийчимэг: Бүтэн өнчин гэж байдаг гэтэл зарим хүүхдүүдийн маань хувьд нэг ч удаа ирээгүй тэрний гэх овогтой байгаад байна. Гэтэл амьдралд гарахаар хагас өнчин гэдэг утгаараа бүтэн өнчин хүүхдэд олгогддог тэтгэмж олддоггүй. Хэрвээ үнэхээр тэр хүүхдийг авах боломжгүй гэж үзэх юм бол шүүх тэгвэл эцэг эх байх эрхийг нь хасаад тэр хүүхдийг бүтэн өнчинд тооцуулалдаа. Дараагийн халамж нь тэр хүүхдэд хэрэгтэй байхгүйюу. Гэтэл ээж нь байгаад байдаг эсвэл аав нь байгаад байдагаас болоод хүүхдүүд янз бүрийн халамжинд хамрагдаж чадахгүй ийм нөхцөл байдал үүсдэг. Дээрээс нь энэ хүүхдүүд маш их хүлээлттэй. Тэр ээж аавыг ирээсэй гээд галзууртлаа хүлээдэг.

Өнөөдрийн байдлаар улсын хэмжээнд эцэг эхийнхээ халуун энгэрт тэврүүлж , гараас нь хөтлөж , хайр халамжийг нь хүсээд ч авч чадахгүй болсон 533 хүүхэд асрамж , халамжийн төвд байгаа бол төрүүлж , өсгөсөн эцэг эхдээ гологдсон 433 хүүхэд тэдэнтэй цуг хүлээхийн зовлонд тарчилж байна. Ийм хүүхдүүдийг гэр бүлтэй нь хамт амьдруулах ажлыг зохион байгуулдагч тэр бүр амжилт олдоггүйг албаныхан хэллээ.

НГБХЗХГ-н Ахлах мэргэжилтэн Б.Батсайхан: Манай байгууллагын зүгээс асрамжийн байгууллагуудаас ар гэртэй нь эргэн нэгтгэх ажлыг байнга зохион байгуулдаг. Гэтэл архины хамааралтай ч юмуу ямар нэгэн байдлаар хүүхдийн асуудлыг шийдвэрлэх боломжгүй , буцаад эрсдэлт нөхцөлтэй байдалтай хэвээр байгаа ийм айлуудад өгөх боломжгүй учраас ингээд үйлчилгээ маань зогсдог.

Амрамжийн төвд өссөн хүүхдүүд амьдралд хөлөө олоход хэцүү байдагийг албаныхан хэлж байна. Хамгийн наад зах нь цэцэрлэг, сургуульд нь хүүхдүүд гадуурхаж , шоглодог. Насанд хүрээд асрамжийн төвөөс нь гарахад нь амьдралд нь дэм болох ах дүү , хамаатан садан байдаггүй. Ийм хүүхдүүдэд хуримтлуулсан хүүхдийн мөнгө нь багахан дэм болдог. Харин ор сураггүй болсон эцэг эх нь хүүхдээ насанд хүрээд асрамжийн төвөөс гарах болоход мөнгөний сургаар гараад ирдэг. Мөнгийг нь дуусахаар нөгөө хүүхэд орох оронгүй , гудамжинд гарах болдог. Тиймээс хүүхэд төрүүлсэн л бол тухайн эцэг эх хүүхдийнхээ төлөө хариуцлага хүлээдэг болох хууль , эрхзүйн орчин манайд дутагдаж байгааг албаныхан онцоллоо.

Өнөр бүл хүүхдийн төвийн Ерөнхий захирал: М.Өлзийчимэг: Эцэг , эх байх эрхийг хязгаарласнаар тэр ээж аав ямар үүрэг , хариуцлага өөртөө авч үлдэх юм гэдэг юмыг тодорхой болгомоор байгаа юм. Гэтэл яг өнөөдрийн практик дээр яаж харагдаж байна вэ гэхээр эцэг эх байх эрхээ хязгаарлуулцан хасуулцан хүмүүс маань харинч бүр санаа нь амраад хүүхдээ асрамжинд өгчихсөн , хүүхдүүд маань хоолтой ундтай, ингээд сайхан байгаа учраас гэдэг байдлаар асуудалд хандаад мөн амьдралаа буцаж сэргээх , үр хүүхдүүдтэйгээ байх ийм нөхцөл байдлыг шийдвэрлэхгүй байгаа байхгүйюу. Тэгэхээр Засаг даргийн захирамж ямар нөхцөлийг бүрдүүлж байна вэ гэхээр хуулиар хүлээсэн үүргээ биелүүлэхгүй байгаа ийм эцэг эхийг зүгээр чөлөөтэй явуулчиж байгаа юм.

Судалгаанаас харахад эцэг эхтэй хүүхдүүд асрамжийн төвд ирэх нь жилээс жилд нэмэгдэж байна. Өнөөдрийн байдлаар асрамж, халамжийн төвүүдэд улсын хэмжээнд 976 хүүхэд байгаагаас эцэг эхтэй хүүхэд 433 буюу 45.5хувь байна. Тиймээс арсан хүмүүжүүлэх байгууллагад шилжин ирж байгаа хүүхдийг шүүхийн шийдвэрийг үндэслэн захирамж гардаг байх , хүүхдээ хайхрахгүй байгаа эцэг эхийг албадан сургалтанд хамруулах , хөдөлмөрийн чадвартай ч хүүхдээ тэжээн тэтгэхээс санаатайгаар зайлсхийдэг бол албадан хөдөлмөр эрхлүүлэх , хүүхдийн тэтгэлэгийг төлүүлдэг байх зэргийг гэр бүлийн тухай хуулийн шинэчилсэн найруулгад тодорхой тусгах хэрэгтэй байгааг албаныхан санууллаа.

Эх сурвалж: TV9 телевиз

Uncategorized

НАРА-д хадмынх нь өвөө эмээ нь бүтэн хонины мах, нярайд нь баривч оёод явуулжээ

Сошиал од Нара ээлжит нэгэн болсон зүйлээ сошиал найзууддаа хуваалцажээ.Тэрээр бичихдээ:

Хөөх өнөөдөр чинь ямар сонин онцгой өдөр вэ? Дорноговийн Замын-Үүдээс миний хүүгийн аавынх нь эмээ өвөө нар нь гучдаа хөөрхөн баривч хийгээд бас говийн бүтэн хонь сайхан эвдэж янзлаад илгээсэн байна.

Хадам талаас анх удаа хүүгээ мялааж байна шүү дээ, хүний сэтгэлийг хүлээн авахаас яахавдээ тэ. Ээж нь сайхан чанаж идээд хүүд нь сүү болгож өгнө дөө. Нөхрийнхөө эмээ өвөөд баярлалаа” хэмээн талархалын пост оруулжээ.

Тэрээр анхнаасаа л хадам талынхантайгаа эв түнжингүй байгаа гэдгээ сошиалдаа илэн далангуй хуваалцдаг байсныг та бүхэн санаж байгаа байх. Нэгнийгээ уучилж , хүлээн зөвшөөрч , хайрлана гэдэг амьдралын томоохон учир утга буйзаа. Аз жаргал хүсье!

Uncategorized

Нялх амьтаны аврал эрсэн харц

Хэдэн оных нь үл мэдэгдэх нэг бичлэг сошиалаар явах юм. Ямартай ч нэлээд хэдэн жилийн өмнө л юмшиг байна. Тус бичлэгэн дээр шоронд байгаа хүүхдүүдийг харуулах аж. Тэд нар дундаас хамгийн бага нэг хүү ийнхүү ярих ажээ:

Бид нар ТҮЦ-нээс ундаа уугаад сууж байсан чинь манай нэг найз би нэг юм хулгайлчихлаа гэхээр нь бид нар яах юмбэ, яаж байгаа юмбэ гэсэн чинь зүгээрээ гэсэн. Тэгээд бид нар ундаагаа уучихаад , шилээ өгчихөөд хойшоо орцруу ороод үзсэн чинь гар утас байсан. Тэгээд тэр утасаа бид нар ТҮЦ-нд 5000 төгрөгөөр өгсөн юм.

Тэр 5000 төгрөгөөр авсан ТҮЦ-ний ах хэлэхдээ баригдсан ч юм болохгүй , зүгээрээ гэсэн. Маргааш нь бид ТҮЦ-ний хажуу талд модоор байлдаад тоглож байсан чинь цагдаа нар бариад авсан.

Тэгээд яг хулгай хийсэн манай найз эмэгтэй байцаагч дээр очоод би аваагүй , энэ хүүхдүүд авсан гэж хэлчихээд , худлаа бие заслаа гэж хэлээд зугтаад алга болчихсон.

Намайг энд эмчид үзүүлж байхад эмч эгч хэлэхдээ нэг хуулийн заалт хэлсэн. Би түүнийг нь мэдэхгүй болохоороо өрөөнийхөө ахаас асуусан чинь хамгийн дээд тал нь 8 жил , хамгийн доод тал нь 3 жил гэж хэлсэн. Тэгээд хэлэхээр нь би маш их айсан. (уйлав)

Ийм битүү өрөөнд нойрч хүрдэггүй. Цаг маш удаан явдаг. Тэгээд байнга л доошоо суух ёстой. Манай гэрээс хүн ирж байцаагчтай уулзахгүй байгаа. Уг нь цагдаа надад хэлэхдээ хүн ирж уулзвал намайг гаргаж магадгүй гэсэн. Даанч ерөөсөө ирэхгүй байгаа. Тэд намайг энд баригдсан гэдгийг мэдээгүй л байгаа байх. Би эндээс гарахыг л маш ихээр хүс байна” хэмээн ийнхүү ярих энэ бяцхан хүүг хараад үнэхээр зүрх зүсэм.

Шо.ронгийн тэр багахан , чанар муутай хоолыг идэж дуусаад аягаа чигтэйхэн долоож байгаа хэсэг бас л өр өвтгөм юм.

Тухайн үедээ энэ хүүхдийн хэрэг шудрага шүүгдсэн байгаасай л гэж залбиръя. Мөн энэ хүү одоо хаана юу хийж яваа бол?

error: Content is protected !!