Uncategorized

Монгол улсын хөдөлмөрийн баатар, Ардын жүжигчин Д.Ухнаа таалал төгслөө

Монгол улсын Хөдөлмөрийн баатар, Ардын жүжигчин Д.Ухнаа гуай өнөөдөр өглөө таалал төгсжээ.

Тэрбээр Улсын Хөгжимт драмын театрын дуучнаас ажлын гараагаа эхэлж, соёл, урлагийн хөгжлийн төлөө тасралтгүй 60 гаруй жил хөдөлмөрлөхдөө Монголын болон дэлхийн сонгодог олон арван дуурьт гол дүр бүтээж, Улсын Филармонийн симфони найрал хөгжмийн 200 гаруй тоглолт, Соёл-Эрдэнэ хамтлаг, Баян Монгол чуулгын 400 гаруй тоглолтыг удирдан зохион байгуулж байжээ.

Мөн 4500 гаруй концерт хөтөлж, 220 гаруй концерт найруулан үзэгч түмний хүртээл болгон, дэлхийн 70 гаруй улсад Монголын урлагийн 400 гаруй удаагийн тоглолт зохион байгуулан үндэсний болон эстрад урлагийг сурталчлан таниулж, соёл, урлагийн салбарыг хөгжүүлэх үйлсэд ихээхэн үнэтэй хувь нэмэр оруулсан нэгэн билээ.

Талийгаачийн гэр бүл, үр хүүхэд, төрөл төрөгсөд, шавь нар , ойр тойрныхонд нь гүн эмгэнэл илэрхийлье.

Эх сурвалж: ikon.mn

ЭЕРЭГ

Жиндүүхэн өдрүүдэд би аав ээжийгээ их боддог

Цас, бороо ороод жиндүүхэн байдаг өдрүүдэд би аав ээж хоёроо их боддог…
Ээж даарсан ч үнээгээ сааж л байдаг, аав даарсан ч малдаа явж л байдаг. Амьдралын төлөө , Миний төлөө шүүдээ…

Зарим үед өглөө эрт босохдоо нойроо харамлаад , арайхийн босож ядах үедээ үүрийн жингээр эрт бэлчдэг хониныхоо араас ядах юмгүй морддог аавыгаа би боддог.

Зарим үед хэцүү санагдаж шантраад, бүх зүйл болохгүй байгаа юм шиг санагдах үед насаараа нэг л зүйлийг өдөр болгон давтаж хийсэн, одоо ч хийсээр байгаа хэрнээ хэзээ ч “хэцүү байна” , “ядаргаатай байна” гэж гомдоллож байгаагүй ээжийгээ би боддог.

Тэд үргэлж “миний хүүхэд эрүүл байхад л болно доо”, “хоол унд бий юу” , “даарчив, дулаан хувцаслаарай” гэдэг. Үр хүүхэд биднээс иймхэн зүйлийг л хүсээд амьдарчихдаг аав ээж бол үнэхээр гайхамшиг. Биднийг эцэг эхээс минь илүү хайрлах хүн үгүй. Аав ээжийн хайр бол ямар ч нөхцөлгүй ганц хайр юм. Тэд биднийг алдаа дутагдал бүх юмтай минь байгаагаар минь үүрд үнэнч хайрлах хүмүүс юм.

Цаг үеийн мэдээлэл

“Атаархсан гэх шалтгаанаар эмэгтэйн толгойг хагалсан хэрэг”-г шалгаж байна

Хүүхдээ цэцэрлэгээс авахаар явж байсан эмэгтэйн толгойг нь хагалж, гэмтээсэн бичлэг цахим орчинд тархаад байгаа билээ. Энэ хэргийн талаар инстаграмд олон мянган дагагчтай хохирогч бүсгүй өөрийн цахим хаягаараа олон нийтэд ийнхүү мэдээллэсэн байна. Мөн гэмт хэрэг үйлдсэн эмэгтэй өөрт нь атаархдаг гэх мэдүүлэг өгсөн байсан талаар бичжээ.

Тус хэргийн талаар Цагдаагийн байгууллагаас тодруулахад: “Хан-Уул дүүргийн цагдаагийн хэлтэст хэргийг шалгаж байгаа. Хохирогчийг гэмтээсэн зүйл нь алх биш. Тодорхой мэдээллийг шалгаж буй хэлтсээс ирүүлээгүй байна” хэмээлээ.

Түүнчлэн хэрэгт шалгагдаж буй эмэгтэй өмнө нь бас нэгэн инстаграмын олны танил эмэгтэйрүү хоёр удаа халдаж, үсдэж, нүүрийг нь маажсан байна. Энэ асуудлаар хохирогч цагдаагийн байгууллагад мөн хандаад буй аж.

Тэрбээр хэрэг үйлдсэн шалтгаанаа хэлэхдээ: “Би зураг, бичлэгүүдийг нь үздэг. Олон жил инстаграмаар дагаж байна. Намайг өдөөд байдаг юм” хэмээх тайлбарыг өгчээ.

Эх сурвалж: gogo.mn

error: Content is protected !!