ЭЕРЭГ

Ч.Уранхолбоо: “Зүрх сэтгэл нь бусдын төлөө цохилсон дэндүү хайрламаар энхрий охин үр минь”

Дуучин Ану гэх нэрээр бидний илүүтэй мэдэх Ч.Уранхолбоо маань хэдийнээ 6 хүүхдийн ээж болжээ. 5 охины ээж тэрээр өөрийн охидоороо ийнхүү бахархлаа.

Ч.Уранхолбоо: “2 ихрийн маань нэг Сорхон-гуа. Зүрх сэтгэл нь бусдын төлөө цохилсон дэндүү хайрламаар энхрий охин үр минь.”

Ч.Уранхолбоо: “Генетик оношилгоогоор хүртэл амжилтанд хүрэх зам нь бусдыг гэх зүрх сэтгэл нь гэж оношлогдсон байдаг. Ээж минь ядарлаа , ээждээ туслья гээд л урд хойно ороод бүх зүйлд сэтгэл гаргаад гүйнэ , заримдаа анай нар нь уйлчихсан байвал аргадаад тэврээд , битгий уйлаарай миний анай хөөрхөн шүү гээд сууж байна, жаахан дүүгээ төрсөн цагаас харж хандаад дүүгээ хамгаална гээд үнэхээр хүчтэй, зоригтой сэтгэл нь гэрэлтсэн нэг охин манай гэрт байнаа”

Ч.Уранхолбоо: “Харин ихрийн маань нэг энэ хорвоо дээр ийм тайван хүүхэд байдгаа гэмээр намбалаг хөөрхөн охин бий.  Энэ удаад Сорхон-гуа охин маань ээжтэйгээ хамт зураг авалтанд орж дурсамжийн дэвтэртээ нэгэн хуудас шинээр нэмсээн” гэлээ

ЭЕРЭГ МЭДЭЭ

“Дуучин Сараа эгч маань намайг 5 жил ажиллахад 2 өрөө байр авах хэмжээний цалин өгч , 6 дахь жилдээ нэг өдөр визтэй пасспорт, онгоцны билет өгөөд сургуульд явж сур гээд явуулсан юм даа”

МУГЖ , Зууны манлай эстрадын дуучин Б.Сарантуяаг Монголчууд бид бүгд мэдэх билээ. Саяхан Дуучин Д.Болд өөрийн продакшнаар гаргаж ирж буй залуу дуучиддаа цалинг нь өгдөггүй хэмээх мэдээлэл сошиалд тархаж хүмүүсийн шүүмжлэл , дургүйцлийг ихэд хүргээд буй. Гэтэл саарын хажуугаар эерэг бүхэн байдаг гэдгийг илтгэх мэт Дуучин Б.Сарантуяагийн хөгжим тохируулагч залуу өөрийн цахим хуудсандаа дараах сайхан түүх , сэтгэгдэлийг бичжээ.

Дуучин Б.Сарантуяагийн хөгжим тохируулагч залуу хэлэхдээ: “Рок попынхон цалин малингаа их бага гээд ширүүхэн л байх шиг байна. Би 17той байхаасаа Сараа эгчийн хөгжим тохируулагч буюу тоннмейстер гэдэг ажлыг 6 жил хийсэн байдаг юм. Намайг ажилд авахдаа Би чамд тоглолт , СD , халтуур гээд бүх орлогынхоо тэдэн хувийг өгнө гэж гэрээ энэ тэр хийлгүй амладаг юм. Тэгээд үнэхээр амласан бүх цалингаа тохирсоноороо өгсөн. Ажиллаж байх үедээ би машиныг нь онхолдуулж энэ тэр баахан фактласан. Машины мөнгөө ч төлүүлэлгүй ажлаа хийлгэсээр , цалингаа өгсөөр байсан. 5 жил хамт ажиллаад би 2 өрөө байр авах хэмжээний цалин авсан байсан. Зарим тохиолдолд Сараа эгч Хүүхдийн хорих ч юмуу , буяны тоглолтод үнэгүй дуулж өгдөг байсан . Тийм тохиолдолд , үнэгүй дуулж байгаа болохоор чи цалингүй ажиллах боломжтой юу гэж надаас асуудаг байсан. 6 жил ажиллуулаад нэг өдөр визтэй пасспорт, онгоцны билет өгөөд сургуульд явж сур гээд ‘’хөөгөөд‘’ явуулсан юм даа.” хэмээн сайхан түүхээ хуваалцсан нь олны хайрыг ихэд татлаа.

Энэхүү сайхан түүх , сэтгэгдэлд Дуучин Б.Сарантуяа эгч маань ийнхүү хариу бичжээ: “Миний анхны хөгжим тохируулагч тономейстер залуу маань ингэж сайхан хүүрнэжээ. Ямар ч үед хүний ачийг санадаг байх юутай чухал зүйл билээ , Сараа эгчдээ энэ жаргал зовлон дэнсэлсэн харгуйд өмөг түшиг болоод насандаа ахадсан ачааг үүрэлцээд явж байсанд чинь дуучин эгч нь машид талархдаг шүү” хэмээн албан ёсны фэйсбүүк хуудсандаа хариу болгон нийтэлжээ.

Үнэхээр хүний хөдөлмөр , сэтгэлийг үнэлж чаддаг , бусдыгаа дэмжиж чиглүүлж чаддаг , нэгэндээ түшиг болж чаддаг, нэгэндээ талархаж чаддаг ийм хүмүүс хорвоод байдаг нь сайхан шүү.

error: Content is protected !!