Монгол Улс анх удаа U18 Азийн аварга шалгаруулах хоккейн тэмцээнийг эх орондоо Steppe Arena-д зохион байгууллаа. Тэгвэл түүхэндээ анх удаа манай улсын баг тамирчид тус тэмцээнээс хүрэл медаль хүртлээ. Уг тэмцээнд:

1-р байранд Үзбекстан улс, 2-р байранд Туркменистан, 3-р байранд Монгол улс оржээ.

Тус тэмцээн өндөрлөсөн ч Монгол Улсын ерөнхийлөгчийн ивээл доор зохион байгуулагдаж байгаа VI Дивизионы тэмцээн 2023 оны гуравдугаар сарын 23-26-ны өдрүүдийн хооронд Мөсөн өргөө “Steppe arena”-д болох гэж байна.

Энэ удаагийн тэмцээнд дөрвөн улсын баг тамирчид оролцох бөгөөд манай тамирчид гуравдугаар сарын 23-нд Кувейт, 25-нд Филиппин, 26-нд Индонейз гэх улсуудтай учираа тааран тоглохоор болсон байна.

“Single ladies” киногоороо үзэгч, фэнүүдтэйгээ үргэлж хамт байдаг жүжигчин А.Туяа. Түүний хувьд олны танил болоод байгаа сайхан хүүхнүүдийн нэг билээ. Яах аргагүй л эрчүүдийн харц булаадаг гэж хэлж болно. Тэрбээр 1985 оны 3-р сарын 30 өдөр мэндэлжээ. Өдгөө 38 настай.

Хувийн амьдралаа олон нийтэд илт дэлгээд байдаггүй бүсгүй маань өөрийн үерхлийн талаар яриа өгөхдөө: “Хариулмааргүй байна. Хувийн асуудлаа хувьдаа үлдээе тэгэх үү. Мэдээж найз залуутай. Аз жаргалаа чимээгүй эдэл гэдэг үг байдаг шүү дээ. Энэ үгэнд би итгэдэг болсон. Бүх зүйлээ дэлгэх нь буруу юм шиг санагддаг. Хүн жаргасан ч, зовсон ч өөрөө л тэр бүхнийг даван туулах хэрэгтэй гэдэг шинэ дүрэмтэй болсон” гэж байжээ.

Харин тэрээр анх удаа өнгөрсөн оны 9-р сард найз залуутайгаа цуг байгаа бичлэгээ өөрийн цахим хаягтаа нийтэлсэн юм. Түүний найз залуу нь МҮОНТ-ийн нэвтрүүлэгч Ж.Анхбаяр юм. Үндэсний телевизийн “Хэцѵѵ анги” олон ангит кинонд тоглож олонд танигдаж эхэлсэн Ж.Анхбаярыг өдгөө нэвтрүүлэгч гэдгээр нь илүүтэй мэдэх болсон билээ. Тэр анх UBS-ийн дэлгэцнээс нэвтрүүлэгчийн гараагаа эхэлсэн бол өдгөө МҮОНТВ-д ажиллаж яваа.

Хоёр хосын зарим зурагнуудаас хүргэж байна.

Галын голомт руу орж 5 настай охиныг аварсан залууг Элбэгсэвжид гэдэг бөгөөд бидний дунд чимээгүйхэн алхаж яваа Монголын маань олон олон хүн чанараа гээгээгүй баатарлаг залуусын үлгэр дуурайл бас нэгэн төлөөлөл юм.

Энэ сарын 3-ны шөнө тэрээр 100 айл төвийн хажуугаар өнгөрч явсан ба хувийн эзэмшлийн байшин шатаж байгааг анзаарсан байна. Түүнийг очиход гал унтраах онцгой бүрэлдэхүүн дуудлагыг авсан хэдий ч ирж амжаагүй байсан тул байшинд хүүхэд байгааг мэдээд галын голомт руу орж 5 настай Бат-Ундрам охиныг аварч чаджээ. Галыг бүрэн авалзаж аюулын хэмжээнд хүрэхээс өмнө онцгой байдлын бүрэлдэхүүн түргэн шуурхай ирж галын голомтыг унтрааж чадсан байна. Охин бэртэж гэмтээгүй ба эцэг эхийнхээ гарт эсэн мэнд хүрсэн аж.

Энэ зоригт үйлдэл баатарлаг сэтгэлд нь охины ар гэр төрөл төрөгсөд гүнээ талархаж залууд баярласан сэтгэлээ илэрхийлжээ. Яг энэ залуу шиг бусдын амь нас сайхан амьдралын төлөө өөрийгөө ч хайрлалгүй зориглож чадах хариу нэхдэггүй жудагт Монгол залуус маань улам олон байг ээ. Эр зоригт тань талархаж, хамгийн сайхан бүхнийг хүсье.

Б.Бат-Очир: Би одоо 32 настай. Би 2 настай байхдаа хойд аавдаа зодуулаад сэхээнд 8 хонож байсан. Одоо гар дээрх сорив маань байдаг. Өнөөдөр би 32 настай гэхээр 30 жилийн дараа нийгэмд энэ асуудал яг л байдгаараа л байж л байна. Сая 3 настай хүүхэд хойд аавдаа зодуулаад сэхээнд олон хоног ухаангүй байна . Энэ нийгмийг өөрчлөхийн төлөө чадах зүйл юу байна гээд би өнөөдөр ингээд “мартахгүй , давтахгүй” жагсаалд оролцож байна.

Намайг тэгээд өвөө , эмээ хоёр маань аваад олон жилийн туршид нийгэмшүүлэх гээд хичээсэн. Цаг хугацаа өнгөрөхийн хирээр маш олон зүйлийг үзэж туулж байж ард нь гарсан. Тухайн үед бага насандаа хүчирхийлэлийг их үзээд тэр үедээ өөрийгөө яг яагаад байгааг би ч , багш нар ч мэддэггүй , ойлгодоггүй байсан. Нийгэмд энгийн хүүхэд шиг байж чадахгүй байгаагаа тэр үед хэнч ойлгож мэддэггүй байсан.

Япон яваад ажил хөдөлмөр эрхлээд , маш завгүй яваад юм юм хийгээд явах хугацаандаа өөрийнхөө хүүхэд байхдаа ямар асуудалтай тулгарч байснаа учрыг нь олж эхэлж байгаа байхгүйюу. Хүүхэд байхдаа би муу хүүхэд юм байна, муу болоод зодуулсан гэж бодоод , хүний өөдөөс ч эгцэлж харж чадахгүй , өөртөө их итгэлгүй , хэн нэгнийг хараад их айдаг , цочимтгой тийм байдалтай байдаг байсан. Өөрөө том болоод , эр хүн болоод эрх чөлөөтэй болоод , нийгэмшээд ирэхээр өөрт тохиолдсон зүйлээ ойлгоод, миний буруу биш том хүмүүсийн буруу байсан юм байна аа гэдгийг ойлгож байгаа юм.

Эх сурвалж: zuv.mn

Зууны манлай эстрадын дуучин, поп хатагтай Б.Сарантуяа монголын орчин үеийн поп урлагийн хөгжилд үнэтэй хүвь нэмэр оруулсан дуучин билээ. Түүний анхны тономейстер ингэж хүүрнэжээ.

Тоннмейстер Өлзийбат: “Рок попынхон цалин малингаа их бага гээд ширүүхэн л байх шиг байна. Би 17 той байхаасаа Сараа эгчийн хөгжим тохируулагч ( тоннмейстер ) гэдэг ажлыг 6 жил хийсэн байдгийн. Намайг ажилд авахдаа Би чамд тоглолт , СD , халтуур гээд бүх орлогыхоо тэдэн хувийг өгнө гэж гэрээ энэ тэр хийлгүй амласан. Тэгээд үнэхээр амласан бүх цалингаа тохирсоноороо өгсөн.

Ажиллаж байх үедээ би машиныг нь онхолдуулж энэ тэр баахан фактласан. Машины мөнгөө ч төлүүлэлгүй ажлаа хийлгэсээр цалингаа өгсөөр байсан. 5 жил хамт ажиллаад би 2 өрөө байр авах хэмжээний цалин авсан байсан. Зарим тохиолдолд Сараа эгч Хүүхдийн хорих ч юмуу буяны тоглолтод үнэгүй дуулж өгдөг байсан . Тийм тохиолдолд , үнэгүй дуулж байгаа болхоор чи цалингүй ажиллах боломжтой юу гэж надаас асуудаг байсан. 6 жил ажиллуулаад нэг өдөр визтэй пасспорт, онгоцны билет өгөөд сургуульд явж сур гээд ‘’хөөгөөд‘’ явуулсан юм даа.

Үүнд МУГЖ Сарантуяа: “Миний анхны тономейстер ингэж хүүрнэжээ. Ямар ч үед хүний ачийг санадаг байх юутай чухал зүйл билээ , Сараа эгчдээ энэ жаргал зовлон дэнсэлсэн харгуйд өмөг түшиг болоод насандаа ахдсан ачааг үүрэлцээд явж байсанд чинь дуучин эгч нь маш их талархдаг шүү” гэжээ.

БНСУ-ын Жеонжугийн олон улсын кино наадам (Jeonju international film festival)-д найруулагч Д.Баттөмөрийн “Трио” кино шилдэг 30 кинонд багтаж, тус наадмын шилдгийн төлөө өрсөлдөхөөр сонгогджээ. Энэ жил тус олон улсын наадамд дэлхийн 83 орны 604 кино өрсөлдөхөөр материалаа илгээжээ. “Трио” киног эл наадмын “Дэлхий шилдэг кино” хэсэгт багтаан наадмын үеэр гурван удаа гаргахаар болсон бөгөөд мөн ирэх дөрөвдүгээр сард “Трио” киног Өмнөд Солонгост нээхээр болсон аж.

“Трио” кино нь “Хэнийг ч ардаа бүү үлдээ” гэсэн утга санаатай бөгөөд дауны хам шинжтэй хүмүүсийн эрхийг хамгаалах, эрх тэгш хүртээмжтэй нийгмийг цогцлоохыг уриалсан уран бүтээл юм.

Д.Баттөмөр: “Би айлын бага, ээжийнхээ хамгийн эрх танхи, ёстой өврийн хүүхэд нь байлаа. Ээжийнхээ халамж, хайр, энхрийлэл, бүх зүйлд нь эрх танхи өссөн дөө. Иймээс уран бүтээлч хүний хувьд ээждээ зориулан кино хийж, уран бүтээлээрээ ээждээ суварга босгосон гэж бодож байгаа. Трио бол эх, үрийн хайр, эх орон, нийгэмшил, дэлхий нийт ондоошил гээд олон талт зүйлс багтсан. Мөн өнгөрсөн, одоо, ирээдүй гэсэн гурван цагийн хэлхээс уран бүтээл. Анхлан “Ийм л нэг кино хийе” гэж бодож, бичиж байснаараа утга уянгын, яруухан, зөөлөн хэмнэлтэй, арт кино болсон болов уу гэж бодож байна.

2020 оны зун ээж минь өөд болоод, намраас нь эхлэн киноныхоо зураг авалтыг хийж эхэлсэн. Тухайн үед намрынхаа зураг авалтыг хийгээд ирэхэд, цар тахал гарч, өвөл хөл хорион дундуур зургаа авсан. Хавар нь мөн баруун таван аймаг болон говийн аймгаар зураг авлаа. Өвөл нь Эгүүрийн бэлчир дээр Хөвсгөл аймгийн Эрдэнэбулган төвд киноны 80 хувийн зургаа хийсэн.

Ээж минь намайг уран бүтээлчийн хувьд их дэмжиж, зөвлөж, ойрын туслагч минь байсан. Мөн жаахан хөөрвөл “Барагтайхан байгаарай хүү минь” гэж дарж, аливаад жолоог минь татаж, хүүгээ дэмжих үедээ тултал дэмжиж хайрладаг хүн байсан. Би ч зан чанарын хувьд ээжтэйгээ их адил. Хүмүүст харагдахдаа л хошин урлагийн тайзнаас алиа хошин, хөгжилтэй нэгэн байдаг болохоос уг хүн минь их тайван, намуухан, их зүйлийг боддог доо. Ээж минь ч юмыг хийхдээ их сайн бодож хийж байхыг хэлдэг байсан” гэжээ.

Эх сурвалж: ergelt.mn

Сонгинохайрхан дүүргийн нэгдсэн эмнэлэгт нялх үрээ эмчлүүлж байгаа нэгэн эх ийн нийтлэл оруулжээ. Сувилагч нь энэ явдалд уучлалт гуйгаагүй ба их эмч болон цагдаад хэлсэн ч тоогоогүйд эмэгтэй бухимдлаа олон нийтийн сүлжээнд түгээсэн байна.

Эх: “Би бусад л ээжүүдийн адил ханиадтай тэмцэж яваа эгэл ээж, Сонгинохайрхан дүүргийн нэгдсэн эмнэлэгт -т 5 сартай үртэйгээ хэвтэн эмчлүүлж байна. Өнөө өглөө үүрийн 05:30-д цагийн тариандаа орж, сувилагч нь уян зүүнийхээ тагийг дутуу таглаад маарлаар боосон байсан!!! Өрөө харанхуй бас сэрүүхэн байсан учраас хүүхдээ хөнжлөөр нөмрөөд 10-15 минут хөхүүлчхээд орон дээр тавих гэтэл хөл нь нөл цус… Айж сандарсан би 2 удаа сувилагчаа гэж чанга дуудаад хүүхдээ тэврээд гүйгээд очсон… Гэтэл өөдөөс “Өвчтэй юмуу, орилоод, юун сүртэй юм, зүгээр” гэнэ.

Нялх үрийнх нь хөлнөөс цус дусаж байхад шинэ, залуу ээж би тайван алхаж очоод, сувилагчаа гэж зөөлхөн дуудах байсан юм байх. Одоо би цустай даавуу харж уйлаад, сүү орохоо хүлээгээд, үрээ тэврээд хямраад сууж байна. Эмчид нь хэлсэн тоосонгүй, цагдаад хэллээ бас тоосонгүй тэгээд та нартаа л хэлж байна.

Би анзаараагүй шууд хүүхдээ хөнжлөөр нөмрөөд унтуулсан бол ЮУ БОЛОХ байсан бэ? Бас л юун сүртэй юм гэх байсан болов уу!!! Хүүхэд нь зүгээрээ, дутуу тагласан байна гээд уучлалт гуйсан бол би тайвшрах байсан.

/Хүүхэд хөлөөрөө зүүнийхээ тагийг хөндөж аваагүй дутуу тагласан байсан. Яг тариулж дуусаад орон дээр хөхүүлэх гээд суухад маарал нь хумсын чинээ цус болсон байсан. Би хүрч үзээд тарихад нь гарсан цус байх гэж бодоод хөнжлөөөр хучаад хөхүүлсэн/” гэжээ.